TV
సివిల్స్‌ ప్రిపరేషన్‌.. సర్పంచ్‌ అభ్యర్థిగా నామినేషన్‌
నార్నూర్‌: ఆదిలాబాద్‌ జిల్లా నార్నూర్‌ గ్రామ పంచాయతీ సర్పంచ్‌ స్థానానికి ఓ విద్యావంతురాలు శుక్రవారం నామినేషన్‌ దాఖలు చేశారు. గ్రామానికి చెందిన బానోత్‌ కావేరి బీఎస్సీ అగ్రికల్చర్‌ డిగ్రీ పూర్తి చేసి సివిల్స్‌ కోసం మహారాష్ట్రలో శిక్షణ పొందుతూ సన్నద్ధమవుతోంది. ఈమె తండ్రి బానోత్‌ గజానంద్‌ నాయక్‌ 15ఏళ్లు నార్నూర్‌ సర్పంచ్‌గా పని చేశారు. ఈసారి రిజర్వేషన్‌ మారడంతో తన వారసురాలిగా కావేరిని బరిలోకి దింపారు. మండల కేంద్రం నార్నూర్‌ గ్రామ పంచాయతీ కార్యాలయంలో గ్రామస్తులతో కలిసి నామినేషన్‌ వేశారు. పుట్టినగడ్డకుసేవ చేయాలనే లక్ష్యంతో బరిలోకి దిగుతున్నట్లు కావేరి తెలిపారు.
