భర్త రెండు పర్యాయాలు..భార్య ఏకగ్రీవానికి నిర్ణయం

ఇంద్రవెల్లి: ఈయన పేరు కినక జుగాదిరావ్‌. ఇంద్రవెల్లి మండలం వాల్గోండ సర్పంచ్‌గా రెండు పర్యాయాలు పనిచేసి ప్రజలకు సేవలందించారు. 2014లో వాల్గోండహిరపూర్‌ ఉమ్మడి పంచాయతీ సర్పంచ్‌గా ఈయన విజయం సాధించారు. సీసీరోడ్డు, డ్రెయినేజీ నిర్మాణాలు నిర్మించారు. తాగునీటి సమస్య పరిష్కరించారు. హీరపూర్‌ నుంచి వేరు అయిన వాల్గోండ పంచాయతీకి 2019 ఎన్నికల్లో తొలి సర్పంచ్‌గా గెలిచారు. నిత్యం ప్రజల్లో ఉంటూ.. అభివృద్ధి పనులు చేపట్టారు. ప్రస్తుతం వాల్గోండ పంచాయతీ (ఎస్టీ మహిళ) రిజర్వేషన్‌ వచ్చినప్పటికి ఆయన భార్య సునీతకు సర్పంచ్‌గా ఏకగ్రీవంగా ఎన్నుకోవడానికి ఇటీవల పంచాయతీ పరిధి గ్రామాల ప్రజలు నిర్ణయించారు.