లేబర్‌కోడ్‌లు రద్దు చేయాలి

ఆదిలాబాద్‌రూరల్‌: కేంద్రం నూతనంగా తీసుకువచ్చిన లేబర్‌ కోడ్‌లను వెంటనే రద్దు చేయాలని సీఐటీయూ రాష్ట్ర ప్రధాన కార్యదర్శి పాలడుగు భాస్కర్‌ డిమాండ్‌ చేశారు. ఈమేరకు మావల మండల కేంద్రంలోని జాతీయ రహదారిపై లేబర్‌ కోడ్‌ల గెజిట్‌ నోటిఫికేషన్‌ ప్రతులను దహనం చేశారు. కార్మికవర్గం అనేక పో రాటాలు, ప్రాణత్యాగాల ద్వారా సాధించుకు న్న హక్కులు, చట్టాలను కేంద్రంలోని బీజేపీ ప్రభుత్వం రద్దు చేసి కార్పొరేట్లకు అనుకూలంగా లేబర్‌కోడ్‌లను తీసుకువచ్చిందని విమర్శించారు. కార్యక్రమంలో సీఐటీయూ రాష్ట్ర శ్రామి క మహిళా కన్వీనర్‌ రమ, విజయలక్ష్మి, పద్మ శ్రీ, ర మేశ్‌, రాఘవులు, సచిన్‌, స్వామి, తదితరులు పాల్గొన్నారు.