2నుంచి ట్రిపుల్‌ఐటీలో ‘స్పీక్‌ మాకే’

బాసర: భారతీయ సంప్రదాయ కళలను యువత కు చేరువ చేయడంలో అగ్రగామిగా నిలిచిన ‘స్పీక్‌ మాకే’ తెలంగాణ రాష్ట్ర స్థాయి నాలుగో సమ్మేళనా న్ని డిసెంబర్‌ 2నుంచి 5వరకు బాసర ట్రిపుల్‌ఐటీ వేదికగా నిర్వహించనున్నారు. ఇందుకు అన్ని ఏర్పా ట్లు పూర్తి చేశారు. దేశంలోని వివిధ ప్రఖ్యాత గురుపరంపరలకు చెందిన 70మంది దిగ్గజ కళాకారులు, శాసీ్త్రయ సంగీత విధ్వాంసులు, నృత్యకారులు పా ల్గొననున్నారు. రాష్ట్రంలోని ఆయా పాఠశాలల నుంచి 300మందికి పైగా విద్యార్థులు, ఉపాధ్యాయులు పాల్గొనేందుకు నమోదు చేసుకున్నారు. వారికి గు రుకుల శైలిలో నడిచే వర్క్‌షాప్‌లు, నాదయోగ సె షన్లు, హఠయోగ, ప్రదర్శనలు, ప్రతిభావంతులైన కళాకారులతో సంభాషణలు తదితర కార్యాచరణ లు అందుబాటులో ఉండనున్నాయి. సమ్మేళనం పో స్టర్‌ను వీసీ గోవర్ధన్‌, ఓఎస్డీ మురళీదర్శన్‌ ఆవిష్కరించారు. సీఎస్వో రాజేశ్‌, కోఆర్డినేటర్‌ రాకేశ్‌రెడ్డి, అధ్యాపకులు, విద్యార్థి వలంటీర్లు పాల్గొన్నారు.