రోడ్డు ప్రమాదంలో వృద్ధుడి మృతి

లక్ష్మణచాంద: రోడ్డు ప్రమాదంలో వృద్ధుడు మృతి చెందాడు. ఎస్సై శ్రీనివాస్‌ తెలిపిన వివరాల ప్రకారం.. మండలంలోని పొట్టపెల్లి (కే) గ్రామానికి చెందిన చించోలి సాయన్న (69)–బుచ్చవ్వ దంపతులు మంగళవారం ఉదయం ద్విచక్రవాహనంపై నిర్మల్‌కు వెళ్లారు. బస్టాండ్‌లో బుచ్చవ్వను దింపి సాయన్న ఇంటికి వస్తున్నాడు. ఈ క్రమంలో మండలంలోని కనకాపూర్‌ జాతీయ రహదారిపై చౌరస్తా వద్ద రోడ్డు దాటే క్రమంలో ఖానాపూర్‌ వైపు నుంచి నిర్మల్‌ వైపునకు అతివేగంగా పత్తి లోడుతో వస్తున్న బొలేరో వాహనం ఢీకొట్టింది. ఈ ప్రమాదంలో సా యన్న తీవ్రంగా గాయపడ్డాడు. కనకాపూర్‌ వాసులు 108కు సమాచారం ఇవ్వగా సిబ్బంది అంబులె న్స్‌లో నిర్మల్‌ ఏరియాస్పత్రికి తరలించగా అప్పటికే సాయన్న మృతి చెందిన ట్లు వైద్యులు తెలిపారు. గ్రామంలో మంచివ్యక్తిగా పేరున్న సాయన్న మృతితో అతడి కుటుంబంతోపాటు గ్రామంలో విషాద ఛా యలు అలుముకున్నాయి. మృతుడికి కుమారుడు సాగర్‌ ఉన్నాడు. బుచ్చవ్వ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు.