ఉరేసుకుని మహిళ ఆత్మహత్య

వాంకిడి: జీవితంపై విరక్తితో ఓ మహిళ ఉరేసుకుని ఆత్మహత్య చేసుకుంది. ఎస్సై మహేందర్‌ తెలిపిన వివరాల ప్రకారం.. మండలంలోని బంబార గ్రామానికి చెందిన నీలం శ్రీలత (31)కు ఐదేళ్ల క్రితం జగిత్యాలకు చెందిన వ్యక్తితో వివాహమైంది. కాగా, మనస్పర్థల కారణంగా నెల రోజులకే విడాకులు తీసుకున్నారు. అప్పటినుంచి శ్రీలత తన తల్లి సత్తమ్మ వద్ద ఉంటోంది. గత ఆగస్టులో జైపూర్‌ మండలం కిష్టాపూర్‌కు చెందిన షేర్ల రంజిత్‌ ఆమెకు పెళ్లి నిశ్చయమైంది. ఈ క్రమంలో రంజిత్‌ ఈ నెల 23న విషం తాగి ఆత్మహత్య చేసుకున్నా డు. తనకు కాబోయే భర్త ఆత్మహత్య చేసుకోగా మనస్తాపానికి గురైన శ్రీలత సోమవారం రాత్రి 8గంటలకు ఇంట్లో ఎవరూ లేని సమయంలో చీరతో ఉరేసుకుని ఆత్మహత్య చేసుకుంది. మృతురాలి తల్లి సత్తమ్మ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.