కళాకారుల కడుపు నిండేదెలా?

ఆదిలాబాద్‌రూరల్‌: కొలాం ఆదివాసీలకు అన్ని అంశాల్లో అవగాహన కల్పిస్తున్న కళాజాత బృందం సభ్యులు నేడు పస్తులుండాల్సిన పరిస్థితి ఏర్పడింది. మొదట ఐటీడీఏ ఆదరణ బాగానే ఉన్నా రెండేళ్లుగా కళాకారులు నిరాదరణకు గురవుతున్నారు. ఉమ్మడి ఆదిలాబాద్‌ జిల్లాలోని ఆయా మండలాల పరిధిలోగల ఏజన్సీ గ్రామాల్లోని కొలాం విద్యార్థులు అంతంతా మాత్రంగానే చదువుకుంటూ మధ్యలోనే చదువు మానేస్తున్నారు. వైద్యం చేసుకునేందు కు కూడా ముందుకురావడం లేదు. దీనిని గ్రహించిన ఐటీడీఏ అధికారులు వారికి వివిధ అంశాలపై అవగాహన కల్పించాలని, చదువు ప్రాముఖ్యత తె లుపాలని నిర్ణయం తీసుకున్నారు. ఇందులో భాగంగానే అప్పటి ఐటీడీఏ అధికారులు వారి బాషలోనే వైద్యం, విద్య తదితర అంశాలపై అవగాహన క ల్పించేందుకు 1992–93లో కళాజాత బృందాలను ఏర్పాటు చేసి ఆయా గ్రామాల్లో అవగాహన కార్యక్రమాలు నిర్వహిస్తున్నారు.

కళాకారుల సంఖ్య తగ్గింపు

సమాచార పౌరసంబంధాల శాఖ పర్యవేక్షణలో ఆటాపాటలతో గ్రామాల్లో అవగాహన కల్పించేందుకు మొదట ఉమ్మడి ఆదిలాబాద్‌ జిల్లాలో 40మంది కొలాం కళాకారులను నియమించారు. కళాకారు లు బృందాలుగా ఏర్పడి కొలాం ఏజెన్సీ గ్రామాల్లో ఆటాపాటల ద్వారా అవగాహన కార్యక్రమాలు ని ర్వహిస్తున్నారు. సీజనల్‌ వ్యాధుల బారిన పడకుండా ముందస్తు జాగ్రత్తలు తీసుకోవడం, అనారోగ్యానికి గురైన వారు సకాలంలో వైద్య చికిత్స చేయించుకునేందుకు ముందుకు వచ్చేలా అవగాహన క ల్పిస్తున్నారు. దీని ద్వారా కొలాం ఆదివాసుల నుంచి మంచి స్పందన లభించడంతో కళాకారులను అప్పటినుంచి నేటివరకు కొనసాగిస్తున్నారు. కాగా, ప్రస్తుతం తమ సంఖ్య 40నుంచి 20కి తగ్గించారని కళాకారులు వాపోతున్నారు.

తగ్గించిన పారితోషికం

వైద్యం, విద్యపై ఆటాపాటల రూపంలో అవగాహన కల్పించేందుకు కొలాం కళాకారులకు అధికారులు ఐటీడీఏ ద్వారా వాహన సౌకర్యం కల్పించారు. మైక్‌సెట్‌ సమకూర్చారు. వారికి మొదట్లో రోజుకు రూ.600 పారితో షికం అందజేసేవారు. రెండేళ్లుగా రూ.200 పారితోషికం మాత్రమే ఇస్తున్నట్లు కొలాం కళాకారులు వాపోతున్నారు. ఇది తమకు ఏమాత్రం సరిపోవడం లేదని చెబుతున్నారు. ఈ విషయంపై ఇటీవల ఐటీడీఏ పీవోకు వినతిపత్రం ఇచ్చినట్లు తెలిపారు.