TV
ఐసీడీఎస్‌ నిర్వీర్యానికి కేంద్రం కుట్ర
ఆదిలాబాద్‌టౌన్‌: మాతా శిశు మరణాలను తగ్గించడంలో కీలకపాత్ర పోషిస్తున్న ఐసీడీఎస్‌ వ్యవస్థను నిర్వీర్యం చేసేలా కేంద్ర ప్రభుత్వం వ్యవహరిస్తోందని సీఐటీయూ అంగన్‌వాడీ యూనియన్‌ ఆల్‌ ఇండియా ప్రధాన కార్యదర్శి ఏఆర్‌ సింధు ఆరోపించా రు. జిల్లా కేంద్రంలోని ఆర్‌అండ్‌బీ విశ్రాంతి భవ నం వద్ద తెలంగాణ అంగన్‌వాడీ టీచర్స్‌ అండ్‌ హె ల్పర్స్‌ యూనియన్‌ ఐదో రాష్ట్ర మహాసభలను మంగళవారం ప్రారంభించారు. రెండు రోజుల పాటు ని ర్వహించనున్న మహాసభల ప్రారంభం సందర్భంగా మున్నూరుకాపు సంఘ భవనం నుంచి ప్రధాన వీధులగుండా ఎర్ర జెండాలతో వేలాదిమంది అంగన్‌వాడీలు ర్యాలీ నిర్వహించారు. అనంతరం సభలో జాతీయ, రాష్ట్ర నాయకులు సాయిబాబు, పాలగుడు భాస్కర్‌, సచిన్‌, సునీత, జయలక్ష్మి, దర్శనాల మల్లేశ్‌, కిరణ్‌, బండారు రవికుమార్‌, బండి దత్తాత్రి, వెంకటమ్మ తదితరులు పాల్గొని అంగన్‌వాడీలు ఎదుర్కొంటున్న సమస్యలను ప్రస్తావించారు. ఈ సందర్భంగా సింధు మాట్లాడుతూ.. 50 ఏళ్లు పూర్తి చేసుకున్న ఐసీడీఎస్‌ను బలపర్చాల్సిన సమయంలో కేంద్ర ప్రభుత్వం వ్యతిరేక నిర్ణయాలతో నిర్వీర్యం చేస్తోందని ఆరోపించారు. మూడేళ్లలో ప్రభుత్వ వ్యతిరేక నిర్ణయాలకు వ్యతిరేకంగా చేపట్టిన ఉద్యమాలు, భవిష్యత్‌ కార్యాచరణపై మహాసభల్లో చర్చిస్తామని పేర్కొన్నారు. వచ్చే ఫిబ్రవరిలో పుణేలో నిర్వహించనున్న జాతీయ మహాసభల్లో కేంద్ర, రాష్ట్ర ప్రభుత్వాల వైఖరిపై దేశ వ్యాప్త ఉద్యమ కార్యాచరణ ప్రకటిస్తామని తెలిపారు. సంఘం రాష్ట్ర అధ్యక్ష, ప్రధాన కార్యదర్శులు కే సునీత, పీ జయలక్ష్మి, ఆయా సంఘాల నాయకులు ఎస్వీ రమ, పద్మశ్రీ, కూరపాటి రమేశ్‌, వేముల ఆనంద్‌, లంకా రాఘవులు, బొజ్జ ఆశన్న, అన్నమొల్ల కిరణ్‌, మల్లేశ్‌, లంకా జమున, ముంజం శ్రీనివాస్‌, కుశన్న రాజన్న, బొమ్మెన సురేశ్‌, దుంపల రంజిత్‌, ఎం.గంగన్న, లింగాల చిన్నన్న, పీ జితేందర్‌, దేవిదాస్‌, నవీన్‌కుమార్‌, సురేందర్‌, సుజాత, శోభ, స్వామి, తనుష్‌, విష్ణు, నాగోరావ్‌, కిష్టన్న, శకుంతల, మంజుల, ప్రభావతి తదితరులు పాల్గొన్నారు.
