లేబర్‌ కోడ్‌లను వెంటనే రద్దు చేయాలి

శ్రీరాంపూర్‌: నాలుగు లేబర్‌ కోడ్‌లను రద్దు చేయాలని డిమాండ్‌ చేస్తూ కార్మిక సంఘాల జేఏసీ నాయకులు ఆందోళన చేపట్టారు. మంగళవారం శ్రీరాంపూర్‌లోని గనులు, డిపార్ట్‌మెంట్లపై జేఏసీ ఆధ్వర్యంలో నల్ల బ్యాడ్జీలు ధరించి లేబర్‌ కోడ్‌ పత్రాల ను దహనం చేశారు. ఈ సందర్భంగా వారు మాట్లాడారు. కార్మికులు పోరాడి సాధించుకున్న 29 కార్మిక చట్టాలను కేంద్రంలోని మోదీ సర్కార్‌ రద్దు చేసి వాటి స్థానంలో నాలుగు లేబర్‌ కోడ్‌లను 2020లో తీసుకువచ్చి వీటిని అమలు చేస్తూ ఈ నెల 21న గెజిట్‌ విడుదల చేసిందని పేర్కొన్నారు. ఇవి అమలైతే కార్మికులు 12గంటలు పని చేయాల్సి వస్తుంద ని తెలిపారు. వేతనాల పెరుగుదల ఉండదని, కార్మి కులు బానిసల్లాగా పని చేసే సంస్కృతి మొదలవుతుందని పేర్కొన్నారు. కార్పొరేట్‌ సంస్థలకు లబ్ధి చేకూర్చి ప్రభుత్వ రంగ సంస్థలను నిర్వీర్యం చేసే లా కేంద్రం ఈ లేబర్‌ కోడ్‌లను అమలు చేస్తోందని ఆరోపించారు. గ్రాట్యుటీ చట్టం, బోనస్‌ చట్టం, పే మెంట్‌ ఆఫ్‌ వేజెస్‌, వర్క్‌ మెన్‌ కాంపెన్సేషన్‌ చట్టం తదితర అనేక హక్కులను కార్మికవర్గం కోల్పోతుందని తెలిపారు. కార్మికులు ఈ లేబర్‌ కోడ్‌ల అమలు నిర్ణయాన్ని వ్యతిరేకిస్తూ పెద్ద ఎత్తున ఆందోళన చే యాలని పిలుపునిచ్చారు. అవసరమైతే నిరవధిక స మ్మెకు కూడా సిద్ధంగా ఉండాలని కోరారు. ఆయా గనులపై వేర్వేరుగా జరిగిన కార్యక్రమాల్లో ఏఐటీయూసీ డిప్యూటీ ప్రధాన కార్యదర్శి ముస్కే సమ్మ య్య, బ్రాంచ్‌ కార్యదర్శి షేక్‌ బాజీ సైదా, సహాయ కార్యదర్శి కొట్టె కిషన్‌రావు, మోత్కూరి కొముర య్య, ఐఎన్టీయూసీ కేంద్ర ఉపాధ్యక్షుడు జట్టి శంకర్‌రావు, కేంద్ర ప్రధాన కార్యదర్శి ఏనుగు రవీందర్‌రెడ్డి, ఉపాధ్యక్షుడు గరిగే స్వామి, టీబీజీకేఎస్‌ ప్రధా న కార్యదర్శి కేతిరెడ్డి సురేందర్‌రెడ్డి, బ్రాంచ్‌ ఉపాధ్యక్షుడు బండి రమేశ్‌, కేంద్ర కమిటీ నాయకులు పానుగంటి సత్తయ్య, వెంగళ కుమార్‌స్వామి, సీఐ టీయూ నాయకుడు బానేశ్‌, కాంట్రాక్ట్‌ కార్మికుల సంఘం నాయకుడు అఫ్రోజ్‌ఖాన్‌ పాల్గొన్నారు.