అడబిడ్డలకు సర్కారు కానుక

కై లాస్‌నగర్‌: తెల్లరేషన్‌ కార్డు కలిగి 18ఏళ్లు నిండిన ప్రతీ ఆడబిడ్డకు రాష్ట్ర ప్రభుత్వం ఇందిరా మహిళా శక్తి పథకం కింద ఇందిరమ్మ చీరలు అందించనుంది. జిల్లా ఇన్‌చార్జి మంత్రి జూపల్లి కృష్ణారావు చేతు ల మీదుగా సోమవారం జిల్లాలో చీరల పంపిణీ కా ర్యక్రమాన్ని ప్రారంభించనున్నారు. ఇప్పటికే గోదా ముల్లోని చీరలను గ్రామాలు, వార్డుల వారీగా తరలించారు. పట్టణ ప్రాంతాల్లో మెప్మా ద్వారా, గ్రామీ ణ ప్రాంతాల్లో సెర్ప్‌ ద్వారా వీటిని అందించనున్నా రు. పంపిణీ పక్కాగా జరిగేలా జిల్లా స్థాయి అధికా రులను పర్యవేక్షణాధికారులుగా నియమించారు. గత ప్రభుత్వం ఒక్కో చీరకు రూ.350 ఖర్చు చేయగా ఈ ప్రభుత్వం రూ.480 వెచ్చించి చేనేత కార్మికులతో తయారు చేయించింది. ఈ చీరలను అక్టోబర్‌లోనే అందించాల్సి ఉండగా స్థానిక ఎన్నికల కోడ్‌, రిజర్వేషన్ల కారణంగా వాయిదా పడింది. ప్రస్తుతం స్థానిక ఎన్నికలకు నోటిఫికేషన్‌ వచ్చే అవకాశమున్నందన ఈలోపే మహిళలకు అందించాలని ప్రభుత్వం నిర్ణయించింది. ఆదిలాబాద్‌ నియోజకవర్గానికి సంబంధించి నేడు ఉదయం 10.20గంటలకు ఎస్టీయూ భవన్‌లో, బోథ్‌ నియోజకవర్గానికి సంబంధించి బోథ్‌లోని పరిచయ గార్డెన్‌లో మంత్రి జూపల్లి చేతుల మీదుగా అందజేయనున్నారు. ఇందుకు సంబంధించి జిల్లా గ్రామీణాభివృద్ధి శాఖ అధికారులు అన్ని ఏర్పాట్లు పూర్తి చేశారు.

ఇంకా రావాల్సినవి 72వేలకు పైనే..

జిల్లాలో 1,81,129 మంది మహిళలు చీరలు అందుకోనున్నారు. ఇందుకు 6.30మీటర్ల చీరలు 1,14,667, 9మీటర్ల గోచి చీరలు 66,462 అవసరమున్నాయి. ఇప్పటివరకు 6.30 మీటర్ల చీరలు 99,980 రాగా, గోచి చీరలు 8,400 మాత్రమే వచ్చాయి. మొత్తంగా 1,08,380 చీరలు రాగా ఇంకా 72,749 రావాల్సి ఉంది. ఇందులో అత్యధికంగా 58,062 గోచి చీరలు, 6.30మీటర్ల చీరలు 14,687 రావాల్సి ఉంది. జిల్లాలోని వ్యవసాయ మార్కెట్‌యార్డులోని గోదాముల్లో భద్రపర్చిన చీరలను ఆదివారం ఆయా గ్రామాల వారీగా వాటిని సరఫరా చేశారు. చీరల పంపిణీ ప్రక్రియను పర్యవేక్షించేందుకు ఆదిలాబాద్‌ నియోజకవర్గానికి ఆర్డీవో స్రవంతి, బోథ్‌ నియోజకవర్గానికి డీపీవో రమేశ్‌ను నియమించగా, ఆసిఫాబాద్‌, ఖానాపూర్‌ నియోజకవర్గాల్లోని నాలుగు మండలాల పంపిణీ తీరును డీఆర్డీవో స్వయంగా పర్యవేక్షించనున్నారు.