TV
కార్మిక వ్యతిరేక కోడ్‌లు రద్దు చేయాలి
ఆదిలాబాద్‌టౌన్‌: కేంద్రంలోని మోదీ ప్రభుత్వం తీసుకొచ్చిన నాలుగు కార్మిక వ్యతిరేక లేబర్‌ కోడ్‌లను వెంటనే రద్దు చేయాలని ఐఎఫ్‌టీయూ జిల్లా ప్రధాన కార్యదర్శి బి వెంకట నారాయణ డిమాండ్‌ చేశారు. శనివారం జిల్లా కేంద్రంలోని దస్నాపూర్‌ ఇండస్ట్రియల్‌ ఏరియాలో కోడ్‌లకు సంబంధించిన ఆర్డర్‌ కాపీలను దహనం చేసి నిరసన తెలిపారు. ఈ సందర్భంగా ఆయన మాట్లాడారు. ఈ కోడ్‌లు కార్మికులపై కార్పొరేట్‌ దాడికి మరింత ఊతమిస్తాయన్నారు. కార్మిక వ్యతిరేక మార్పులను మెజార్టీ ట్రేడ్‌ యూనియన్లు వ్యతిరేకించాయన్నారు. ఇందులో నాయకులు నర్సింగ్‌, దేవిదాస్‌, శేషారావు, జ నార్దన్‌, రాజు, అఖిల్‌, వినోద్‌, అజీమ్‌ తదితరులున్నారు.
