‘యాపల్‌గూడ’ కమాండెంట్‌ బదిలీ

ఆదిలాబాద్‌టౌన్‌: రాష్ట్రంలో శుక్రవారం పలువురు ఐపీఎస్‌ల బదిలీలు చోటు చేసుకున్నాయి. ఇందులో భాగంగా జిల్లాలోని యాపల్‌గూడ 2బెటాలియన్‌ కమాండెంట్‌గా పనిచేస్తున్న నితికపంత్‌కు స్థాన చలనం కలిగింది. గతేడాది జూన్‌ 24న ఇక్కడికి బదిలీపై వచ్చి దాదాపు 17నెలల పాటు కొనసాగారు. తాజాగా కుమురంభీం ఆసిఫాబాద్‌ ఎస్పీగా బదిలీ అయ్యారు. అలాగే జిల్లాలో ఏడాదిన్నర కాలంగా ఖాళీగా ఉన్న అదనపు ఎస్పీ (అడ్మిన్‌) పోస్టును ప్రస్తుతం భర్తీ చేశారు. నల్గొండ జిల్లాలోని దేవరకొండ ఏఎస్పీగా పనిచేస్తున్న పి.మౌనిక బదిలీపై ఇక్కడికి రానున్నారు. కాగా ఈమె ఐటీడీఏ ఇన్‌చార్జి పీవో, ఉట్నూర్‌ సబ్‌ కలెక్టర్‌ యువరాజ్‌ మర్మాట్‌ సతీమణి. ఇదిలా ఉండగా ఉట్నూర్‌ డీఎస్పీగా పనిచేస్తూ ఇటీవల అదనపు ఎస్పీగా పదోన్నతి పొందిన కాజల్‌ సింగ్‌కు ఉట్నూర్‌లోనే పోస్టింగ్‌ కల్పిస్తూ ఉత్తర్వులు జారీ అయ్యాయి.

నితికపంత్‌

అదనపు ఎస్పీ మౌనిక

‘యాపల్‌గూడ’ కమాండెంట్‌ బదిలీ