TV
రోగులకు మెరుగైన సేవలు
ఆదిలాబాద్‌టౌన్‌: రిమ్స్‌ ఆస్పత్రిలో రోగులకు మెరుగైన సేవలందిస్తున్నట్లు కలెక్టర్‌ రాజర్షిషా తెలిపారు. డిస్ట్రిక్ట్‌ ఎర్లీ ఇంటర్వెన్షన్‌ సెంటర్‌ (డీఈఐసీ), ఆర్‌బీఎస్‌కే ఆధ్వర్యంలో గురువారం చిన్నారులకు ఉచి త గుండె వైద్యశిబిరాన్ని నిర్వహించగా కలెక్టర్‌ పరిశీ లించారు. తల్లిదండ్రుల ద్వారా పిల్లల వివరాలు తె లుసుకున్నారు. సూపర్‌ స్పెషాలిటీలో ఖాళీగా ఉన్న కార్డియాలజిస్ట్‌ పోస్టును భర్తీ చేసేందుకు చర్యలు చే పడతామని తెలిపారు. గుండె సంబంధిత వ్యాధితో బాధపడుతున్న చిన్నారులకు రిమ్స్‌లో ఉచిత వైద్యపరీక్షలు నిర్వహిస్తున్నట్లు పేర్కొన్నారు. ఉమ్మడి జిల్లా నుంచి వచ్చిన దాదాపు 150 మంది చిన్నారులకు పరీక్షలు నిర్వహించి ఉచితంగా మందులు పంపిణీ చేశారు. రిమ్స్‌ డైరెక్టర్‌ జైసింగ్‌ రాథోడ్‌, డీఎంహెచ్‌వో నరేందర్‌ రాథోడ్‌, జిల్లా ఇమ్యూనైజేషన్‌ అధికారి శ్రీనివాస్‌ తదితరులున్నారు.
వయోవృద్ధుల సంరక్షణకు ప్రత్యేక చట్టం
కై లాస్‌నగర్‌: వయోవృద్ధుల సంరక్షణకు ప్రభుత్వం సీనియర్‌ సిటిజన్‌ యాక్ట్‌ తీసుకువచ్చిందని కలెక్టర్‌ రాజర్షి షా తెలిపారు. అంతర్జాతీయ వయోవృద్ధుల దినోత్సవాన్ని పురస్కరించుకుని జెడ్పీ సమావేశ మందిరంలో నిర్వహించిన కార్యక్రమానికి హాజరై మాట్లాడారు. వయోవృద్ధులు వారి ఆస్తిలో కొంత ఉంచుకోవాలని సూచించారు. తల్లిదండ్రుల పోషణ భారం పిల్లలు విస్మరిస్తే కలెక్టర్‌, ఆర్డీవోకు దరఖాస్తు చేసుకోవడం ద్వారా వారి ఆస్తి తిరిగి పొందే అవకాశముందని తెలిపారు. వయోవృద్ధుల కోసం దస్నాపూర్‌లో ప్రత్యేక భవనాన్ని అందుబాటులోకి తీసుకువచ్చామని చెప్పారు. అక్కడే డే కేర్‌ కేంద్రాన్ని ప్రారంభించేందుకు ఏర్పాట్లు పూర్తయ్యాయని తెలిపారు. ఈ సందర్భంగా వయోవృద్ధుల సంరక్షణ టోల్‌ ఫ్రీ నంబర్‌ పోస్టర్‌ ఆవిష్కరించారు. పలు వురు వృద్ధులను జ్ఞాపికలతో సన్మానించారు. అంతకుముందు ఏర్పాటు చేసిన మెడికల్‌ క్యాంపును పరి శీలించి వైద్యులకు పలు సూచనలు చేశారు. కార్య క్రమంలో డీసీసీబీ చైర్మన్‌ అడ్డి భోజారెడ్డి, జిల్లా సంక్షేమ అధికారి మిల్కా, వయోవృద్ధుల సమాఖ్య సభ్యులు దేవిదాస్‌, లక్ష్మారెడ్డి పాల్గొన్నారు.
