మళ్లీ అదే తంతు!

ఆదిలాబాద్‌టౌన్‌: జిల్లాలోని ఆయా మార్కెట్‌ యార్డుల్లో పత్తి కొనుగోళ్లు బుధవారం పునఃప్రారంభమయ్యాయి. ప్రైవేట్‌ వ్యాపారుల సమస్యను పరి ష్కరిస్తామని ప్రభుత్వం చర్చల్లో పేర్కొనడంతో వా రు సమ్మె విరమించారు. వారి సమస్య కొలిక్కి వ చ్చినా రైతుల సమస్యలు మాత్రం పరిష్కారానికి నో చుకోవడం లేదు. మార్కెట్‌ యార్డులో అవే ఇబ్బందులు ఎదుర్కొంటున్నారు. మార్కెట్‌ పునఃప్రారంభమైందని రైతులు సంతోషించడమే తప్పా ఎలాంటి ప్రయోజనం లేకుండా పోయిందని వాపోతున్నారు. ఆదిలాబాద్‌ మార్కెట్‌ యార్డులో దాదాపు 600 పత్తి బండ్లలో రైతులు పంటను తీసుకొచ్చారు. దాదాపు 10వేల క్వింటాళ్ల వరకు విక్రయించారు. 8 శాతం తేమ ఉన్న పత్తిని సీసీఐ మద్దతు ధరతో కొనుగోలు చేసింది. 9నుంచి 12 శాతం వరకు కోత విధించారు. ఆపై తేమ ఉంటే కొనుగోలు చేయలేదు. దీంతో పలువురు రైతులు ప్రైవేట్‌ వ్యాపారులకు విక్రయించుకున్నారు. వారు క్వింటాలుకు రూ.6,760తో కొనుగోలు చేశారు. మద్దతు ధరతో పోల్చితే రైతులు క్వింటాలుకు రూ.1,350 చొప్పున నష్టపోయారు. మరికొంత మంది రైతులు 14 నుంచి 17 శాతం తేమ ఉంటే మార్కెట్లోనే ఆరబెట్టారు. గురువారం అమవాస్య కావడంతో మళ్లీ మార్కెట్‌ యార్డు బంద్‌ కానుంది. శుక్రవారం ఒకరోజు కొనుగోళ్లు జరగనుండగా, శని,ఆదివారాల్లో వరుసగా సెలవులు ఉండనున్నాయి. దీంతో ఆ రెండు రోజులు కూడా పత్తి కొనుగోళ్లు జరగవు. దీంతో రైతులకు అవస్థలు తప్పని పరిస్థితి.

జిల్లాలో పత్తి కొనుగోళ్ల వివరాలు

ఇప్పటి వరకు విక్రయించింది

లక్ష 15వేల క్వింటాళ్లు

ఇందులో సీసీఐ కొనుగోలు చేసింది

85వేల క్వింటాళ్లు

మద్దతు ధర (క్వింటాలుకు)

రూ.8,110 – రూ.7,786

ప్రైవేట్‌ వ్యాపారులు విక్రయించిన పత్తి

30వేల క్వింటాళ్లు

క్వింటాలు ధర : రూ.5,016 నుంచి

రూ.6,664 వరకు