ఇందిరమ్మ చీరల పంపిణీకి చర్యలు

కై లాస్‌నగర్‌: మహిళల ఉన్నతి–తెలంగాణ ప్రగతి కార్యక్రమం కింద ప్రభుత్వం చేపట్టిన ఇందిరమ్మ చీరల పంపిణీని జిల్లాలో పండుగ వాతావరణంలో నిర్వహించేలా ఏర్పాట్లు చేస్తున్నామని అదనపు కలెక్టర్‌ శ్యామలాదేవి తెలిపారు. హైదరాబాద్‌ నుంచి సీఎం రేవంత్‌ రెడ్డి బుధవారం నిర్వహించిన వీడి యో కాన్ఫరెన్స్‌లో అదనపు కలెక్టర్లు, గ్రామీణాభివృద్ధి, మున్సిపల్‌ శాఖల అధికారులు కలెక్టరేట్‌ సమావేశ మందిరం నుంచి పాల్గొన్నారు. ఈ సందర్భంగా ఆమె మాట్లాడుతూ.. జిల్లాలో 13,612 స్వయం సహాయక సంఘాల్లోని 1,48,052 మంది మహిళలకు చీరలు పంపిణీ చేయనున్నట్లు తెలిపారు. ఇప్పటివరకు 1,04,379 చీరలు జిల్లాకు చేరినట్లు పేర్కొన్నారు. త్వరలోనే షెడ్యూల్‌ ఖరారు చేసి పంపిణీ చేపడతామని తెలిపారు. ఇందులో అదనపు కలెక్టర్‌ ఎస్‌.రాజేశ్వర్‌, డీఆర్డీవో రాఽథోడ్‌ రవీందర్‌, మున్సిపల్‌ కమిషనర్‌ రాజు, అదనపు డీఆర్డీవో, డీపీఎం, ఏపీఎంలు తదితరులు పాల్గొన్నారు.