TV
పుస్తక పఠనం అలవర్చుకోవాలి
ఆదిలాబాద్‌: విద్యార్థులు పుస్తక పఠనంపై ఆసక్తి పెంచుకోవాలని జిల్లా గ్రంథాలయ సంస్థ చైర్మన్‌ మల్లెపూల నరసయ్య అన్నారు. గ్రంథాలయ వారోత్సవాల్లో భాగంగా జిల్లా కేంద్రంలోని సెంట్రల్‌ లైబ్రరీలో విద్యార్థులకు మంగళవారం ఉపన్యాస పోటీ నిర్వహించారు. నేటి సమాజంలో గ్రంథాలయాల ఆవశ్యకత అంశంపై నిర్వహించిన పోటీలో పలువురు ఉత్సాహంగా పాల్గొన్నారు. ఈసందర్భంగా ఆయన మాట్లాడుతూ, గ్రంథాలయాలు విజ్ఞా న భాండాగారాలని అన్నారు. ఇందులో అసిస్టెంట్‌ ప్రొఫెసర్లు సంతోష్‌ కుమార్‌, చక్రవర్తి, లైబ్రేరియన్‌ శ్రీనివాస్‌ పాల్గొన్నారు.
