మెడికల్‌ కాలేజీ ప్రహరీ కూల్చివేత

మంచిర్యాలటౌన్‌: పట్టణంలోని కాలేజ్‌రోడ్డులో గల ప్రభుత్వ మెడికల్‌ కాలేజీ ప్రహరీ, కళాశాల పేరుతో ఏర్పాటు చేసిన ఆర్చ్‌ను సైతం మంగళవారం కూల్చివేశారు. కళాశాల ఆవరణలో నూతనంగా రూ.129.25 కోట్లతో ప్రభుత్వ జనరల్‌ ఆసుపత్రి భవన నిర్మాణం జరుగుతుండడంతో ప్రహరీతో పాటు ఆర్చ్‌ అడ్డుగా ఉందని తొలగించారు. ప్రస్తుతం నూతన ఆస్పత్రి భవన నిర్మాణ పనులు వేగవంతంగా కొనసాగుతుండగా, కళాశాల భవన నిర్మాణం గుడిపేట్‌లో జరుగుతోంది. ఇటీవల నూతన భవనంలో ఎంబీబీఎస్‌ మొదటి సంవత్సరం తరగతులను ప్రారంభించగా రెండు, మూడు, నాలుగో సంవత్సరం తరగతులను కాలేజీరోడ్డులో ఉన్న మెడికల్‌ కళాశాలలో నిర్వహిస్తున్నారు. కాగా కూల్చివేత పనులతో ఎంబీబీఎస్‌ విద్యార్థులు ఇబ్బందులు పడుతున్నారు.