సోయా రైతులకు ఊరట

ఈ రైతు పేరు నిమ్మల సురేష్‌రెడ్డి, ఇచ్చోడ మండలంలోని అడేగామ(కే)లో ఈ ఏడాది నాలుగెకరాల్లో సోయా సాగు చేశాడు. 40 క్వింటాళ్ల దిగుబడి వచ్చింది. ఎకరాకు 7.62 క్వింటాళ్ల కొనుగోలు నిబంధనతో 30 క్వింటాళ్లు మాత్రమే విక్రయించేందుకు అవకాశం ఉంది. మిగితా 10 క్వింటాళ్లు ప్రైవేట్‌కు అమ్మితే ఆర్థికంగా నష్టపోవాల్సి వస్తుందని ఇప్పటి వరకు పంట విక్రయించలేదు. ప్రభుత్వం ఎకరాకు పది క్వింటాళ్ల కొనుగోలుకు అనుమతి ఇవ్వడంతో 40 క్వింటాళ్లు విక్రయించేందుకు సిద్ధమవుతున్నాడు. ఇతనొక్కడే కాదు ప్రభుత్వం సడలించిన నిబంధనతో ఉమ్మడి జిల్లాలో చాలామంది రైతులు ఊరట చెందనున్నారు.