TV
పర్యవేక్షణకు పల్స్‌ యాప్‌
ఉట్నూర్‌రూరల్‌: ఉమ్మడి జిల్లాలోని ఆశ్రమ పాఠశాలలు, వసతి గృహాల పర్యవేక్షణకు ఐటీడీఏ పల్స్‌ యాప్‌ దోహదపడుతుందని ఐటీడీఏ ఇన్‌చార్జి పీవో యువరాజ్‌ మర్మాట్‌ అన్నారు. మంగళవారం కేబీ ప్రాంగణంలోని పీఎంఆర్సీ భవనంలో ప్రధానోపాధ్యాయులు, వసతిగృహ అధికారులు, ఏటీడీలతో సమీక్ష సమావేశం నిర్వహించారు. ఈ సందర్భంగా ఐటీడీఏ పల్స్‌ యాప్‌ను ఆవిష్కరించి మాట్లాడారు. ఆశ్రమ పాఠశాలలో అందిస్తున్న రోజువారి మెనూ వివరాలతో ఫొటోను అప్‌లోడ్‌ చేయడం ద్వారా విద్యార్థులకు అందిస్తున్న భోజన వివరాలు, ఉపాధ్యాయుల పనితీరు, బోధన అంశాలు తెలుసుకోవచ్చన్నారు. వచ్చేవారం నుంచి అన్ని కేటగిరీల ఉపాధ్యాయులకు శిక్షణ ఇస్తామన్నారు.
ఆటోను ఢీకొట్టిన బైక్‌..
మామడ: నిర్మల్‌ జిల్లా మామడ మండలం కొరిటికల్‌ క్రాస్‌ రోడ్డు వద్ద మంగళవారం రాత్రి ద్విచక్రవాహనం, ఆటో ఎదురెదురుగా ఢీకొన్నాయి. ఈ ఘటనలో బైక్‌ నడుపుతున్న యువకుడి చేయి తెగిపడింది. స్థానికులు తెలిపిన వివరాల ప్రకారం.. మహారాష్ట్రకు చెందిన భరత్‌, తుకారాం.. కొరిటికల్‌లో కూలీ పనులు చేసుకుంటూ కుటుంబాలను పోషించుకుంటున్నారు. సాయంత్రం ద్విచక్రవాహనంపై కొరిటికల్‌ వైపు వెళ్తుండగా కొరిటికల్‌ నుంచి నిర్మల్‌కు వెళ్తున్న ఆటో ఎదురెదురుగా ఢీకొన్నాయి. ద్విచక్రవాహనం అతివేగంగా ఉండడంతో ఈ ప్రమాదంలో భరత్‌ చేయి తెగి రోడ్డుపై పడింది. తుకారాం కాలు విరిగింది. స్థానికులు 108లో క్షతగాత్రులను జిల్లా కేంద్రంలోని ప్రభుత్వ ఆస్పత్రికి తరలించారు. ఘటన స్థలాన్ని పోలీసులు సందర్శించి కేసు దర్యాప్తు చేస్తున్నారు.
పర్యవేక్షణకు పల్స్‌ యాప్‌
