22న ఖోఖో ఉమ్మడి జిల్లా ఎంపిక పోటీలు

నిర్మల్‌రూరల్‌: ఉమ్మడి ఆదిలాబాద్‌ జిల్లా ఖోఖో అసోసియేషన్‌ ఆధ్వర్యంలో ఈ నెల 22న దిలావర్‌పూర్‌ మండలంలోని న్యూలోలం లిటిల్‌ స్కాలర్స్‌ పాఠశాలలో 18 ఏళ్లలోపు బాలబాలికలకు ఖోఖో ఎంపిక పోటీలు నిర్వహిస్తున్నట్లు అసోసియేషన్‌ అధ్యక్ష, ప్రధాన కార్యదర్శులు గండ్రత్‌ ఈశ్వర్‌, ఎన్‌.శ్రీధర్‌రెడ్డి ఒక ప్రకటనలో తెలిపారు. విద్యార్థులు తమవెంట వయస్సు ధ్రువీకరణపత్రం, ఒరిజినల్‌ ఆధార్‌కార్డు, పదోతరగతి మెమోతో పాఠశాలలో ఉదయం 10 గంటలలోపు రిపోర్ట్‌ చేయాలన్నారు. ప్రతిభ కనబరిచిన క్రీడాకారులను ఈనెల 27 నుంచి 30 వరకు సంగారెడ్డి జిల్లా పటాన్‌చెరులో జరిగే 44వ రాష్ట్రస్థాయి ఖోఖో పోటీలకు పంపించనున్నట్లు తెలిపారు. మిగతా వివరాలకు 9490009391, 9573866008 నంబర్లలో సంప్రదించాలని సూచించారు.

ప్లాస్టిక్‌ వ్యర్థాల తొలగింపు

బాసర: పర్యావరణ పరిరక్షణలో భాగంగా బాసర ఆర్జీయూకేటీ విద్యార్థులు మంగళవారం క్యాంపస్‌లో ప్లాస్టిక్‌ వ్యర్థాలను తొలగించారు. ప్లాస్టిక్‌ క్లీన్‌ డ్రైవ్‌లో భాగంగా పీయూసీ మొదటి సంవత్సరం ప్లాస్టిక్‌, కాగితాలు, ఇతరత్రా వస్తువులను ఏరిపారేశారు. ఈ కార్యక్రమంలో పీయూసీ టీచింగ్‌ ఫ్యాకల్టీ గజ్జల శ్రీనివాస్‌, డాక్టర్‌ కె.మధుసూదన్‌, జ్యోతి, సువిధా, విద్యార్థులు పాల్గొన్నారు.