ఓ వైపు చలి.. మరోవైపు పులి

బోథ్‌: ఓ వైపు రికార్డు స్థాయిలో నమోదవుతున్న చలి.. మరోవైపు అటవీ ప్రాంతం నుంచి వచ్చి పశువులను వేటాడుతున్న చిరుతల భయంతో ఆదిలాబాద్‌ జిల్లా సొనాల మండలవాసులు వణుకుతున్నారు. చలి.. పులి ప్రభావంతో రైతులు ఉదయం, సాయంత్రం బయటకు వెళ్లలేని పరిస్థితి.

రికార్డుస్థాయిలో కనిష్ట ఉష్ణోగ్రతలు

ఈ ఏడాది జిల్లాలోని సొనాలలో రికార్డుస్థాయి కని ష్ట ఉష్ణోగ్రతలు నమోదవుతున్నాయి. ఇప్పటికే సింగిల్‌ డిజిట్‌కు చేరువ కాగా.. సోమవారం 7.6 డిగ్రీ సెల్సియస్‌గా నమోదవడం గమనార్హం. ఈ సీజన్‌లో ఇదే అత్యల్పం. ఉదయం, సాయంత్రం వేళల్లో చలి తీవ్రత విపరీతంగా పెరిగింది. మండలంను ఆనుకుని అటవీ ప్రాంతం ఉండడంతో చలి తీవ్రత సహజంగానే ఎక్కువగా ఉంటుంది. దీంతో బయటకు వచ్చేందుకు జనం జంకుతున్నారు. తప్పనిసరిగా వెళ్లేవారు మధ్యాహ్నం 3 గంటల లోపే పనులు పూర్తి చేసుకుని ఇంటి బాట పడుతున్నారు.

పులి భయంతో వణుకు..

మండల సరిహద్దు అటవీ గ్రామాల్లో చిరుతతో పా టు పులి సంచారం స్థానికుల గుండెల్లో వణుకు పు ట్టిస్తోంది. ఇప్పటికే చిరుత పలుమార్లు గ్రామాల్లోకి ప్రవేశించి పశువులను హతమార్చిన విషయం విది తమే. అలాగే చింతల్‌బోరి, ఘన్‌పూర్‌ అటవీ ప్రాంతంలో పులి కూడా పశువులను హతమార్చిన ఘటనలు చోటు చేసుకున్నాయి. ఈక్రమంలో కట్టెల కోసం అడవికి వెళ్లే స్థానికులు, పశువులను మేతకు తీసుకెళ్లే కాపరులు భయాందోళన వ్యక్తం చేస్తున్నా రు. ఎప్పుడు ఎటు నుంచి పులి దాడి చేస్తుందోనని వణికిపోతున్నారు. ఓ వైపు గడ్డకట్టించే చలి, మ రోవైపు ప్రాణాలు తీసే పులి భయంతో మండలవా సులు బిక్కుబిక్కుమంటూ గడుపుతున్నారు. రైతులు, కూలీలు ఉదయం 10 తర్వాతే చేలకు వెళ్లి మ ధ్యాహ్నం 3 గంటల వరకే ఇంటిబాట పడుతున్నా రు. చలి నుంచి ఉపశమనం కోసం ఉన్నిదుస్తులు ధరించడంతో పాటు చలిమంటలు కాగుతున్నారు.

ఉదయం10 తర్వాతే చేన్లకు..

చలి తీవ్రతతో ఉదయం చేన్లకు వెళ్లడం ఇబ్బందిగా మారింది. ఎండ వచ్చాక 10 తర్వాతే పనులకు పోతున్నాం. మధ్యాహ్నం మూడు కాగానే ఇంటి బాట పడుతున్నాం. మరోవైపు చింతల్‌బోరి దిక్కు ఇటీవల పులి వచ్చి పశువును చంపింది. ఇటు చలితో.. అటు పులి భయంతో వణికిపోతున్నాం.

– గుట్టె పాండురంగ్‌, చింతల్‌బోరి

ఓ వైపు చలి.. మరోవైపు పులి