నేటి ధర్నా విజయవంతం చేయండి

ఆదిలాబాద్‌రూరల్‌: కొలాంల సమస్యలు పరిష్కరించాలని డిమాండ్‌ చేస్తూ సోమవారం ఐటీడీఏ ఎదుట చేపట్టనున్న ధర్నా విజయవంతం చేయాలని ఆదిమ గిరిజన కొలాం సేవా సంఘం రాష్ట్ర అధ్యక్షుడు కొడప సొనేరావు కోరారు. జిల్లా కేంద్రంలోని అంబేద్కర్‌ భవన్‌లో ఆదివారం ఏర్పాటు చేసిన సమావేశంలో ఆయన మాట్లాడారు. కొలాం కులస్తులు పక్కా ఇళ్లు నిర్మించుకునేందుకు కేంద్రం పీఎం జన్‌మన్‌ కింద నిధులు మంజూరు చేసిందన్నారు. గుడిసెలు తొలగించి నిర్మాణాలకు శ్రీకారం చుడితే అటవీశాఖ అడ్డుకుంటుందని విమర్శించారు. ప్రభుత్వం వెంటనే స్పందించి చర్యలు చేపట్టాలన్నారు. అలాగే పోడు తదితర సమస్యల పరిష్కారం ఉట్నూర్‌ ఐటీడీఏ ఎదుట చేపట్టనున్న ధర్నాలో ఉమ్మడి జిల్లా నుంచి కులస్తులు భారీగా తరలి వచ్చి విజయవంతం చేయాలని కోరారు. ఇందులో సంఘం రాష్ట్ర ఉపాధ్యక్షుడు కుమ్ర రాజు, కుమ్ర సూరు, టేకం భీము, వివిధ గ్రామాల పటేళ్లు తుకారాం, మడావి రమేశ్‌, కొడప లక్ష్మణ్‌, భీంరావ్‌, ఆత్రం నాగుబాయి, తదితరులున్నారు.