TV
జాతీయస్థాయి పోటీలకు ఎంపిక
ఆదిలాబాద్‌: ఆదిలాబాద్‌ క్రీడా పాఠశాలకు చెందిన క్రీడాకారులు జాతీయస్థాయి ఎస్జీఎఫ్‌ పోటీలకు ఎంపికయ్యారు. హైదరాబాద్‌ వేదికగా శని, ఆదివారాల్లో నిర్వహించిన అండర్‌–17 అథ్లెటిక్స్‌ రాష్ట్రస్థాయి పోటీల్లో జిల్లాకు చెందిన ముగ్గురు క్రీడాకారులు సత్తా చాటారు. జావెలిన్‌త్రోలో వి.మహేశ్‌, 110 మీటర్ల హర్డిల్స్‌లో డి.యువరాజ్‌, 3వేల మీటర్ల రేస్‌వాక్‌లో ఎం.శివాని రజత పతకాలతో మెరిశారు. వీరంతా లక్నో వేదికగా త్వరలో నిర్వహించనున్న జాతీయ స్థాయి పోటీలకు రాష్ట్రం నుంచి ప్రాతినిధ్యం వహించనున్నట్లు అథ్లెటిక్స్‌ కోచ్‌ రమేశ్‌ తెలిపారు. జాతీయ స్థాయి పోటీలకు ఎంపిక కావడంపై డీవైఎస్‌వో జక్కుల శ్రీనివాస్‌, డీటీఎస్‌వో పార్థసారథి తదితరులు అభినందించారు.
