TV
ఔట్‌ సోర్సింగ్‌.. కొనసాగింపు
ఆదిలాబాద్‌టౌన్‌: రిమ్స్‌లో ఔట్‌సోర్సింగ్‌ కొనసాగింపు ఉత్తర్వులు రాక ఉద్యోగులు పడుతున్న ఇబ్బందులను ప్రస్తావిస్తూ ‘సాక్షి’లో ఈ నెల 12న ‘ఔట్‌ సోర్సింగ్‌ సందిగ్ధం’ శీర్షికన కథనం ప్రచురితమైంది. ఈమేరకు ఎమ్మెల్యే పాయల్‌ శంకర్‌ స్పందించారు. ప్రత్యేక చొరవ చూపి విషయాన్ని ప్రభుత్వం దృష్టికి తీసుకెళ్లారు. రెండు రోజుల పాటు హైదరాబాద్‌లోనే ఉండి వైద్యరోగ్యశాఖతో పాటు ఫైనాన్స్‌ డిపార్టుమెంట్‌ ఉన్నతాధికారులను కలిసి సమస్యను వివరించారు. ఎమ్మెల్యే విజ్ఞప్తికి స్పందించిన ప్రభుత్వం రిమ్స్‌లోని 54 మంది ఉద్యోగుల సేవలను రెన్యూవల్‌ చేస్తు ఉత్తర్వులు జారీ చేసింది. దీంతో వారి వేతనాల చెల్లింపు, కొనసాగింపుపై ఉన్న సందిగ్ధతకు తెరపడింది. కాగా ప్రభుత్వ నిర్ణయంపై ఔట్‌ సోర్సింగ్‌ ఉద్యోగులు హర్షం వ్యక్తం చేశారు. శనివారం ఎమ్మెల్యే శంకర్‌ను మర్యాదపూర్వకంగా కలిసి శాలువాతో సత్కరించారు.
ఔట్‌ సోర్సింగ్‌.. కొనసాగింపు
