ప్రతీ నీటి బిందువు అమూల్యం

ఉట్నూర్‌రూరల్‌: ప్రతీ నీటి బిందువు అమూల్య మని కలెక్టర్‌ రాజర్షి షా పేర్కొన్నారు. మండల కేంద్రంలోని గిరిజన ఆశ్రమ పాఠశాలలో గురువారం జల్‌ సంచయ్‌–జన్‌ భాగీదారి అమలులో భాగంగా నిర్వహించిన మన బడి–మన నీరు కార్యక్రమాన్ని కలెక్టర్‌తోపాటు ఖానాపూర్‌ ఎమ్మెల్యే వెడ్మ బొజ్జు పటేల్‌ ప్రారంభించారు. ముందుగా అంబేడ్కర్‌ కూ డలి నుంచి జెడ్పీ హైస్కూల్‌ వరకు ర్యాలీ నిర్వహించారు. అనంతరం జెడ్పీ బాలికల ఉన్నత పాఠశాలలో న్యూట్రీ గార్డెన్‌, ఇంకుడుగుంత, గిరిజన ఆశ్రమ పాఠశాలలో అదనపు తరగతి గది, వర్షపు నీటి ని ల్వ గుంతలను కలెక్టర్‌ ప్రారంభించారు. ఈ సందర్భంగా కలెక్టర్‌ ఇంకుడు గుంతలు, చెక్‌ డ్యామ్‌లు, సోక్‌ పిట్‌లు నిర్మించాలని అధికారులకు సూచించారు. జల్‌ సంచయ్‌–జన్‌ భాగీదారి విజయవంతంగా అమలు చేసినందుకు ఈ నెల 18న కలెక్టర్‌కు అవార్డు లభించనున్న సందర్భంగా ఎమ్మెల్యే శుభా కాంక్షలు తెలిపారు. కవి, రచయిత అందెశ్రీ మరణంపై సంతాపం వ్యక్తం చేస్తూ ఆయన సాహిత్య సేవలను కొనియాడారు. అనంతరం మన బడి–మన నీరు పోస్టర్‌ ఆవిష్కరించి నీటి సంరక్షణ ప్రతిజ్ఞ చేశారు. విద్యార్థుల ప్రతిభను గుర్తిస్తూ స్టూడెంట్‌ చాంపియన్‌ అవార్డులు, క్రీడా విజేతలకు చాంపియన్‌ ట్రోఫీలు అందజేశారు. కార్యక్రమాల్లో ఐటీడీఏ ఇన్‌చార్జి పీవో యువరాజ్‌ మర్మాట్‌, డీఆర్డీ వో రవీందర్‌, డీడీ అంబాజీ, అధికారులు, ఉపాధ్యాయులు, విద్యార్థులు పాల్గొన్నారు.

పాఠశాలల్లో మౌలిక వసతులు కల్పించాలి

కైలాస్‌నగర్‌: ప్రభుత్వ పాఠశాలల్లో మౌలిక వసతులు కల్పించాలని కలెక్టర్‌ రాజర్షిషా సూచించారు. జెడ్పీ సమావేశ మందిరంలో గురువారం నేరడిగొండ, బేల, భీంపూర్‌, బోథ్‌, జైనథ్‌ మండలాల్లోని పాఠశాలల్లో చేపట్టిన పనుల ప్రగతిపై సమీక్షించారు. తాగునీరు, మరుగుదొడ్లు, విద్యుత్‌, కిచెన్‌ షెడ్‌, ప్రహరీ తదితర వసతుల కల్పన, పనులపై మండలాల వారీగా ఆరా తీశారు. ఆయన మాట్లా డుతూ.. ప్రాథమిక వసతులు సమగ్రంగా అందుబాటులో ఉండేలా తక్షణ చర్యలు తీసుకోవాలని అ ధికారులను ఆదేశించారు. ఐటీడీఏ పీవో యువరా జ్‌ మర్మాట్‌, స్థానిక సంస్థల అదనపు కలెక్టర్‌, డీఈ వో రాజేశ్వర్‌, ఎంఈవోలు, క్లస్టర్‌ కోఆర్డినేటర్లు, హెచ్‌ఎంలు, క్లస్టర్‌ రిసోర్స్‌ పర్సన్లు పాల్గొన్నారు.

రూ.10కే రైతులకు భోజనం ప్రారంభం

ఆదిలాబాద్‌టౌన్‌: ఆదిలాబాద్‌ మార్కెట్‌ యార్డులో రూ.10కే భోజన కార్యక్రమాన్ని కలెక్టర్‌ రాజర్షి షా, ఎమ్మెల్యే పాయల్‌ శంకర్‌ ప్రారంభించారు. వారు మాట్లాడుతూ.. పత్తి కొనుగోళ్ల సమయంలో నిర్వహించిన సమీక్షలో రైతు సంఘాలు భో జనం పెట్టాలనే ప్రతిపాదన తేగా ప్రభుత్వం దృష్టికి తీసుకెళ్లి అమలు చేస్తున్నట్లు చెప్పారు. ఒక్కో ప్లేటు భోజనం ఖర్చు రూ.35 అవుతుండగా, ప్ర భుత్వం రూ.15, ఇస్కాన్‌ సంస్థ రూ.10, రైతు రూ.10 చెల్లించే ఏర్పాట్లు చేశామన్నారు. మార్కెటింగ్‌ ఏడీ గజానంద్‌, కార్యదర్శి శ్రీకాంత్‌రెడ్డి, డీసీసీబీ చైర్మన్‌ భోజారెడ్డి, ఇస్కాన్‌ సంస్థ నిర్వాహకుడు ప్రణవానంద, మార్కెట్‌ సిబ్బంది ఉన్నారు.