‘ద్రోణాచార్య’కు నాగరాజ్‌ పేరు సిఫారసు

సాక్షి, హైదరాబాద్‌: ఎంతోకాలంగా టెన్నిస్‌కు విశేష సేవలందిస్తోన్న హైదరాబాద్‌ నగర కోచ్‌ సీవీ నాగరాజ్‌ సేవలకు గుర్తింపు దక్కింది. ఆయన ఈ ఏడాదికి గానూ ద్రోణాచార్య అవార్డు కోసం నామినేట్‌ అయ్యారు. కేంద్ర క్రీడా మంత్రిత్వ శాఖకు అఖిల భారత టెన్నిస్‌ సంఘం (ఐటా) ద్రోణాచార్య అవార్డు కోసం ఆయన పేరును సిఫారసు చేసింది. ఈ సందర్భంగా నాగరాజ్‌ ‘ఐటా’కు కృతజ్ఞతలు తెలిపారు.