స్పెషల్‌ పాయల్‌

Payal Rajput special dance in Indian 2 Movie - Sakshi

‘ఆర్‌ఎక్స్‌ 100’లో తన గ్లామర్‌తో కుర్రకారు గుండెల్లో గుబులు రేపారు హీరోయిన్‌ పాయల్‌ రాజ్‌పుత్‌. గత ఏడాది ‘సీత’ చిత్రంలో ఓ స్పెషల్‌ సాంగ్‌ చేశారు. తాజాగా మరో స్పెషల్‌ సాంగ్‌లో నర్తించడానికి రెడీ అవుతున్నారని టాక్‌. కమల్‌హాసన్‌ హీరోగా శంకర్‌ దర్శకత్వంలో ‘ఇండియన్‌ 2’ చిత్రం తెరకెక్కుతోన్న సంగతి తెలిసిందే. కమల్, శంకర్‌ కాంబినేషన్‌లోనే 1996లో వచ్చిన ‘ఇండియన్‌’ (తెలుగులో ‘భారతీయుడు’) చిత్రానికి ఇది సీక్వెల్‌. భారీ బడ్జెట్‌తో లైకా ప్రొడక్షన్స్‌ సంస్థ ఈ చిత్రాన్ని నిర్మిస్తోంది. ఇందులోని ఓ స్పెషల్‌ సాంగ్‌ కోసం పాయల్‌ రాజ్‌పుత్‌ను సంప్రదించారట ‘ఇండియన్‌ 2’ చిత్రబృందం. పాయల్‌ గ్రీన్‌ సిగ్నల్‌ ఇచ్చినట్లు తెలిసింది. ఈ చిత్రంలో కాజల్‌ అగర్వాల్, సిద్దార్థ్, రకుల్‌ప్రీత్‌ సింగ్, ప్రియాభవానీ శంకర్, బాబీ సింహా కీలక పాత్రలు చేస్తున్నారు. అనిరుధ్‌ రవిచంద్రన్‌ సంగీతం అందిస్తున్నారు. 

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top