సూర్యుడు తెడ్డేస్తాడు.. వాయుదేవుడూ ఓ చెయ్యేస్తాడు!

ఈ మధ్య ఓ బుల్లి విమానం... భూమిని చుట్టేసింది. ఇందులో గొప్పేమీ లేదుగానీ... దాని పొడవాటి రెక్కల నిండా సోలార్ ప్యానెల్స్ ఉండటంతో సౌరశక్తితో భూమిని చుట్టేసిన విమానంగా ‘సోలార్ ఇంపల్స్’ రికార్డు సృష్టించింది. ఇదంతా ఇప్పుడెందుకు అంటే పక్కనున్న ఫొటోలు చూడండి. సోలార్ ఇంపల్స్ గాల్లో చేసిన ఫీట్‌ను సముద్రంపై రిపీట్ చేసేందుకు సిద్ధమవుతున్న పడవ ఇది. పేరు ‘ఎనర్జీ అబ్జర్వర్’. అయితే ఈ రెండింటి మధ్య ఇంకో స్పష్టమైన తేడా ఏమిటంటే.. విమానం కేవలం సూర్యుడిపై మాత్రమే ఆధారపడింది. పడవ మాత్రం సౌరశక్తితోపాటు, సముద్రాలపై వీచే బలమైన గాలులను, నీటిని విడగొట్టడం ద్వారా పుట్టే హైడ్రోజన్‌ను కూడా ఇంధనంగా వాడుకోనుంది. ఫ్రాన్స్‌కు చెందిన రెండు కంపెనీలు దీన్ని ప్రపంచయాత్రకు సిద్ధం చేస్తున్నాయి.