TV
నేడు ఎస్ బీఐ అనుబంధ బ్యాంకుల సమ్మె
ప్రభుత్వ రంగ దిగ్గజం స్టేట్ బ్యాంక్ ఆఫ్ ఇండియాలో విలీనాన్ని వ్యతిరేకిస్తూ ఎస్బీఐ అనుబంధ బ్యాంకుల ఉద్యోగులు శుక్రవారం సమ్మెకు పిలుపునిచ్చారు.
హైదరాబాద్, బిజినెస్ బ్యూరో: ప్రభుత్వ రంగ దిగ్గజం స్టేట్ బ్యాంక్ ఆఫ్ ఇండియాలో విలీనాన్ని వ్యతిరేకిస్తూ ఎస్బీఐ అనుబంధ బ్యాంకుల ఉద్యోగులు శుక్రవారం సమ్మెకు పిలుపునిచ్చారు. మే 20న జరిగే సమ్మెకు సభ్యులంతా మద్దతివ్వాలంటూ ఆలిండియా బ్యాంక్ ఎంప్లాయీస్ అసోసియేషన్ (ఏఐబీఈఏ) ఒక ప్రకటనలో పేర్కొంది. స్టేట్ బ్యాంక్ ఆఫ్ హైదరాబాద్‌తో పాటు అయిదు అనుబంధ బ్యాంకుల ఉద్యోగులు ఇందులో పాల్గొంటారని తెలిపింది. మరోవైపు ఎస్‌బీఐలో అనుబంధ బ్యాంకుల విలీన ప్రతిపాదనను ఆమోదించవద్దంటూ ఆలిండియా బ్యాంక్ ఆఫీసర్స్ అసోసియేషన్ (ఏఐబీవోఏ) కేంద్రానికి విజ్ఞప్తి చేసింది.
