గురజాడ.. భావితరాలకు దిక్సూచి..

● నేడు మహాకవి 110వ వర్ధంతి

● గురజాడ అప్పారావు

స్వగృహం నుంచి

భారీ ర్యాలీ

● ఆచార్య

కొలకలూరి

ఇనాక్‌కు గురజాడ

విశిష్ట పురస్కారం

గురజాడ వేంకట

అప్పారావు

విజయనగరం టౌన్‌: విజ్ఞానదాయకమైన విద్య విజయానికి దోహదపడుతుందని ముందుచూపుతో పటిష్టమైన ప్రణాళిక రచించి భావితరాలకు గురజాడ వేంకట అప్పారావు వెలుగుజాడగా నిలిచారు. సంఘ సంస్కరణ, సాంఘిక చైతన్యమవసరమని ఆశించారు. ఆయన ఆశయాలు, వారి రచనలు అజరామరం. విజయనగరం సంస్థానంలో ఆనందగజపతికి అభిమానపాత్రునిగా.. రీవారాణి అప్పలకొండమాంబ అంతరంగిక కార్యదర్శిగా పనిచేశారు. నాలుగో విజయరామ గజపతి దత్తత విషయంలో ప్రముఖ పాత్ర వహించిన నిస్వార్థపరులు మహాకవి గురజాడ. అటువంటి మహానుబావుడికి సొంత ఇల్లు కూడా లేదు. సంస్థానం వారు ఉండమన్న అద్దె ఇంటిని రెండువేల రూపాయలకు కొనుక్కున్నారు. ఆ ఇల్లును బాగు చేసిన కొన్ని నెలలకే అనగా 1915 నవంబర్‌ 30న పరమపదించారు. ఇప్పుడా గృహం అధ్యయన కేంద్రంగా విరాజిల్లుతోంది.

సాహితీ సౌరభాలు..

విజయనగర ఖ్యాతిని దశ దిశలా చాటిన మహోనుభావులు ఎందరో ఉన్నారు. వందల ఏళ్లు దాటినా ఆ సాహితీవేత్తలు అజరామరులే. అటువంటిి సాహితీవేత్తలు నడయాడిన నేలపై మనం జన్మించడం మనందరి అదృష్టం. అంతటి మహనీయుల్లో వెలుగుజాడ గురజాడ ఒకరు. గురజాడ సాంస్కృతిక సమాఖ్య ఆధ్వర్యంలో 24 ఏళ్లుగా సాహితీ చైతనోత్సవం పేరిట గురజాడ విశిష్ట పురస్కారంతో విశిష్ట వ్యక్తిని సత్కరించుకుంటున్నారు. కోవిడ్‌ కారణంగా రెండేళ్లపాటు గురజాడ పురస్కారం వాయిదా పడింది. మరలా 2022 నుంచి ఈ పురస్కారాన్ని సమాఖ్య ప్రతినిధులు అందజేస్తున్నారు. ఈ ఏడాది సమాఖ్య 25 సంవత్సరాల రజతోత్సవ వేడుకలను నిర్వహిస్తోంది. 2025 సంవత్సరానికి గాను పద్మశ్రీ ఆచార్య కొలకలూరి ఇనాక్‌కు ఆదివారం ఉదయం 10.30 గంటలకు డాక్టర్‌ పీవీజీ.రాజు క్షత్రియ కల్యాణ మంటపం ఆవరణలో గురజాడ విశిష్ట పురస్కారాన్ని అందజేయనున్నారు.

గురజాడ విశిష్ట పురస్కారం అందుకోనున్న ఆచార్య కొలకలూరి ఇనాక్‌

గురజాడ.. భావితరాలకు దిక్సూచి..