కేజీహెచ్‌లో ఘటనలు ప్రభుత్వ వైఫల్యాలే..

మహారాణిపేట: కేజీహెచ్‌లో 12 గంటల పాటు విద్యుత్‌ అంతరాయం ఉదంతం మరిచిపోకముందే కార్డియాలజీ విభాగంలో షార్ట్‌ సర్క్యూట్‌ వల్ల అగ్ని ప్రమాదం జరగడం ప్రభుత్వ వైఫల్యమేనని వైఎస్సార్‌ సీపీ దక్షిణ సమన్వయకర్త, మాజీ ఎమ్మెల్యే వాసుపల్లి గణేష్‌ కుమార్‌ ఆగ్రహం వ్యక్తం చేశారు. శనివారం కేజీహెచ్‌ కార్డియాలజీ వార్డులో జరిగిన ఘటన స్థలాన్ని పార్టీ శ్రేణులతో కలిసి ఆయన పరిశీలించారు. ఈ సందర్భంగా ఆయన మీడియాతో మాట్లాడారు. గత వైఎస్సార్‌ సీపీ ప్రభుత్వం హ యాంలో రూ. 500 కోట్లతో కేజీహెచ్‌ అన్ని విభాగాలను అభివృద్ధి చేశామన్నారు. అప్పటి రాష్ట్ర వైద్య ఆరోగ్యశాఖ మంత్రి విడదల రజిని పేరుతో ఉన్న శిలాఫలకాలే ఇందుకు నిదర్శనమన్నారు. వైఎస్‌ జగన్‌మోహన్‌రెడ్డి వైద్య రంగానికి అత్యధిక ప్రాధా న్యం కల్పించి, కేజీహెచ్‌ను మోడ్రన్‌ ఆసుపత్రిగా తీర్చిదిద్దారన్నారు. నాణ్యమైన అధునాతన పరికరాలు కూడా వైఎస్సార్‌ సీపీ ప్రభుత్వంలో ఏర్పాటు చేశామని గుర్తు చేశారు. చంద్రబాబు ప్రభుత్వం అధికారంలోకి వచ్చినప్పటి నుంచి కేజీహెచ్‌ను పట్టించుకునే నాథుడే లేరన్నారు. ఫైర్‌ సేఫ్టీ యూనిట్లు ఉన్నా పనిచేయకపోవడం దారుణమన్నారు. కలెక్టర్‌, సూపరింటెండెంట్‌, ఆంధ్ర మెడికల్‌ కాలేజీ ప్రిన్సిపాల్‌ మధ్య సమన్వయం లేదన్నారు. కలెక్టర్‌ తక్షణమే దృష్టి సారించి సంబంధిత అధికారులతో సమీక్ష సమావేశం నిర్వహించాలని డిమాండ్‌ చేశారు. రోగులకు అసౌకర్యం కలిగితే వైఎస్సార్‌సీపీ ఆధ్వర్యంలో ఉద్యమిస్తామని హెచ్చరించారు. ఆయన వెంట ఉత్తరాంధ్ర ఎస్సీ సెల్‌ ఉపాధ్యక్షుడు, కార్పొరేటర్‌ చెన్నా జానకిరామ్‌, జిల్లా ఉపాధ్యక్షుడు డేవిడ్‌ రాజు, జిల్లా బీసీ విభాగం అధ్యక్షుడు సనపల రవీంద్ర భరత్‌, వార్డు అధ్యక్షుడు పీతల వాసు, రాష్ట్ర సాంస్కృతిక విభాగం కార్యదర్శి కంటుముచ్చు సాగర్‌, జిల్లా వాణిజ్య విభాగం ఎగ్జిక్యూటివ్‌ మెంబర్‌ చోడిపల్లి శివ, దక్షిణ సోషల్‌ మీడియా అధ్యక్షుడు బెవరా మహేష్‌, 38వ వార్డు యూత్‌ ప్రెసిడెంట్‌ చేపల నూకరాజు, స్టేట్‌ మేధావులు విభాగం కార్యదర్శి ఈతలపాక విజయ్‌, సౌత్‌ ఎస్సీ సెల్‌ అధ్యక్షుడు ఆకుల శ్యాం, ఎస్సీ విభాగం జిల్లా ఉపాధ్యక్షుడు కోన శంకర్‌, జిల్లా యూత్‌ సెక్రటరీ సంతోష్‌ ఉన్నారు.