హైదరాబాద్‌లో సూపర్‌ క్రాస్‌ రేసింగ్‌ లీగ్‌ | Supercross Racing League In Hyderabad CM Revanth Reddy Unveils Poster | Sakshi
Sakshi News home page

హైదరాబాద్‌లో సూపర్‌ క్రాస్‌ రేసింగ్‌ లీగ్‌

Nov 30 2025 12:49 PM | Updated on Nov 30 2025 12:55 PM

Supercross Racing League In Hyderabad CM Revanth Reddy Unveils Poster

ఇండియన్‌ సూపర్‌ క్రాస్‌ రేసింగ్‌ లీగ్‌ (ఐఎస్‌ఆర్‌ఎల్‌) పోటీలకు హైదరాబాద్‌ వేదిక అవుతోంది. డిసెంబర్‌ 6 గచ్చిబౌలిలోని జీఎంసీ బాలయోగి అథ్లెటిక్‌ స్టేడియంలో ఐఎస్‌ఆర్‌ఎల్‌ రౌండ్‌ 2 రేసింగ్‌ నిర్వహిస్తారు. దీనికి సంబంధించి పోస్టర్‌ను శనివారం తెలంగాణ ముఖ్యమంత్రి ఎ.రేవంత్‌ రెడ్డి (Revanth Reddy) ఆవిష్కరించారు. 

ఐఎస్‌ఆర్‌ఎల్‌ (ISRL) వ్యవస్థాపకులు, నిర్వాహకులు అయిన ఇషాన్‌ లోఖండే తదితరులు ఈ కార్యక్రమంలో పాల్గొన్నారు. తొలి ఫ్రాంచైజీ బేస్డ్‌ రేసింగ్‌ లీగ్‌ అయిన సూపర్‌ క్రాస్‌ రేసింగ్‌ తెలంగాణలో జరగడం ఇదే మొదటిసారి. బాలీవుడ్‌ స్టార్‌ సల్మాన్‌ ఖాన్‌ కూడా దీనికి హాజరు కానుండటం విశేషం. 

ఐఎస్‌ఆర్‌ఎల్‌ నిర్వహణకు తమ ప్రభుత్వం పూర్తి సహకారం అందిస్తుందని, తెలంగాణ రైజింగ్‌ 2047లో భాగంగా తాము ప్రోత్సహిస్తున్న వివిధ క్రీడా, పర్యాటక కార్యక్రమాల్లో భాగంగా దీనిని నిర్వహిస్తామని ఈ సందర్భంగా రేవంత్‌ రెడ్డి పేర్కొన్నారు. 

పలు అంతర్జాతీయ రేసర్లు పాల్గొంటున్న ఈ ఈవెంట్‌కు ప్రేక్షకులు పెద్ద సంఖ్యలో హాజరయ్యే అవకాశం ఉంది. ఆసక్తి గల అభిమానులు బుక్‌ మై షో ద్వారా టికెట్లు కొనుగోలు చేయవచ్చు. ఐఎస్‌ఆర్‌ఎల్‌ ఫైనల్‌ రేసు డిసెంబర్‌ 21న కోల్‌కతాలో జరుగుతుంది. 

Advertisement

Related News By Category

Related News By Tags

Advertisement
 
Advertisement
Advertisement