బాసరలో హైకోర్టు న్యాయమూర్తి పూజలు
బాసర: బాసర శ్రీజ్ఞానసరస్వతీ అమ్మవారిని హైకోర్టు న్యాయమూర్తి మాధవిదేవి శనివారం దర్శించుకున్నారు. ప్రత్యేక పూజలు చేశారు. ముందుగా ఆలయ అర్చకులు ఆలయ మర్యాదలతో జడ్జికి స్వాగతం పలికారు. పూజల అనంతరం ఆలయ మండపంలో ఆలయ ప్రధాన అర్చకులు సంజీవ్ పూజారి కుంకుమార్చన చేయించారు. తర్వాత జడ్జిని ఆశీర్వదించి అమ్మవారి తీర్థ ప్రసాదాలు అందజేశారు. వాటివెంట నిర్మల్, నిజామాబాద్ జిల్లాల జడ్జీలు, భైంసా జడ్జి, ఆలయ ఈవో అంజనీదేవి, తహసీల్దార్ పవన్చంద్ర ఉన్నారు.
అడెల్లి పోచమ్మకు ఉప కమిషనర్ పూజలు
సారంగపూర్: మండలంలోని అడెల్లి మహాపోచమ్మను దేవాదాయ ధర్మాదాయ శాఖ సూపరిండెంట్, ఉప కమిషనర్ గౌరీశంకర్, దేవాదాయ శాఖ నిర్మల్ డివిజన్ ఇన్స్పెక్టర్ రవికిషన్గౌడ్ శనివారం దర్శించుకున్నారు. పూజలు చేసి మొక్కులు చెల్లించుకున్నారు. అంతకుముందు ఈవో భూమయ్య అతిథులకు ఆలయ మర్యాదలతో స్వాగతం పలికి సత్కరించారు. అనంతరం తీర్థప్రసాదాలు, అమ్మవారి జ్ఞాపిక అందజేశారు. కార్యక్రమంలో ఆలయ ప్రధాన అర్చకుడు శ్రీనివాసశర్మ, సిబ్బంది రమణారావు ఉన్నారు.
బాసరలో హైకోర్టు న్యాయమూర్తి పూజలు


