హత్యాయత్నం చేసిన నిందితుడి అరెస్ట్
నిర్మల్రూరల్: ఒకరిపై కత్తి దాడి చేసి హత్యాయత్నం చేసిన నిందితుడిని అరెస్టు చేసినట్లు రూరల్ సీఐ కృష్ణ తెలిపారు. రూరల్ పోలీస్స్టేషన్లో ఈమేరకు వివరాలు వెల్లడించారు. జిల్లా కేంద్రం శివారులోని వైఎస్సార్నగర్ కాలనీకి చెందిన షేక్ సద్దాం తన అన్నకు గంజాయి, ఇతర చెడు అలవాట్లు చేస్తున్నాడనే నెపంతో అదే కాలనీకి చెందిన సయ్యద్ సమీర్పై శనివారం రాత్రి కత్తితో దాడి చేసి గాయపర్చాడు. బాధితుడు నిజామాబాద్ ప్రైవేట్ ఆసుపత్రిలో చికిత్స పొందుతున్నాడు. ఇదిలా ఉండగా ఆదివారం సద్దాం తన ఇంట్లో ఉన్నాడనే పక్కా సమాచారంతో రూరల్ ఎస్సై లింబాద్రి, సిబ్బంది వెళ్లి అతన్ని అరెస్టు చేశారు. కత్తి, ఆటోను స్వాధీనం చేసుకున్నారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ వివరించారు.
రోడ్డుప్రమాదంలో
అంగన్వాడీ ఆయా మృతి
రెబ్బెన: మండలంలోని బుద్దానగర్ వద్ద జరిగిన రోడ్డుప్రమాదంలో అంగన్వాడీ ఆయా మృతిచెందింది. ఎస్సై వెంకటకృష్ణ కథనం ప్రకారం.. మండలంలోని కొండపల్లికి చెందిన తారాబాయి అంగన్వాడీ ఆయాగా పనిచేస్తోంది. అదేగ్రామానికి చెందిన దాదాబాయితో కలిసి తారాబాయి తనకున్న బుద్దానగర్ సమీపంలో చేనుకు వద్దకు ఆదివారం వెళ్లింది. పనులు ముగించుకున్న తర్వాత బైక్పై వ స్తున్నారు. మార్గమధ్యలోని వెనుక వైపు నుంచి వ స్తున్న లారీ ఢీకొట్టింది. తారాబాయి, దాదా బాయిలకు తీవ్రగాయాలయ్యాయి. తారాబాయిని కుటుంబ సభ్యులు ఆటోలో ఆసిఫాబాద్ ప్రభుత్వ ఆసుపత్రికి తరలించారు. పరిస్థితి విషమంగా ఉండటంతో మంచిర్యాల ప్రభుత్వ ఆసుపత్రికి తరలించగా చికి త్స పొందుతూ మృతిచెందింది. మృతురాలి తమ్ము డు వడాయి శంకర్ ఫిర్యాదుతో లారీడ్రైవర్ బాదల్ సుక్లాపై కేసు నమోదు చేసినట్లు ఎస్సై తెలిపారు.


