రామదాసు కళాక్షేత్రం ఆధునికీకరణ | - | Sakshi
Sakshi News home page

రామదాసు కళాక్షేత్రం ఆధునికీకరణ

Nov 30 2025 7:28 AM | Updated on Nov 30 2025 7:28 AM

రామదా

రామదాసు కళాక్షేత్రం ఆధునికీకరణ

పరిశీలించిన కలెక్టర్‌ అనుదీప్‌

ఖమ్మంగాంధీచౌక్‌: ఖమ్మంలోని భక్త రామదాసు కళాక్షేత్రం ఆధునికీకరణపై దృష్టి సారించాలని కలెక్టర్‌ అనుదీప్‌ దురిశెట్టి సూచించారు. కేఎంసీ కమిషనర్‌ అభిషేక్‌ అగస్త్యతో కలిసి సోమవారం కళాక్షేత్రాన్ని పరిశీలించిన కలెక్టర్‌ సమస్యలపై ఆరా తీశారు. టాప్‌ లీకేజీల మరమ్మతు, పచ్చదనం కోసం మొక్కల పెంపు తదితర ఏర్పాట్లపై సూచనలు చేశారు. అనంతరం ఆయన మాట్లాడుతూ కళాకారులకు వేదికగా నిలిచేలా భక్త రామదాసు కళాక్షేత్రాన్ని అన్నివిధాలుగా తీర్చిదిద్దాలని తెలిపారు. సౌండ్‌, ఆడియో వ్యవస్థతో పాటు లైటింగ్‌ ఏర్పాట్లు మెరుగుపర్చాలని సూచించారు. సీట్ల కూర్పు కూడా సౌకర్యవంతంగా ఉండేలా తీర్చిదిద్దాలని తెలిపారు. అనంతరం ఇంజనీరింగ్‌ అధికారులు తయారుచేసిన మోడళ్లను పరిశీలించారు. జెడ్పీ సీఈఓ దీక్షారైనా, పంచాయతీరాజ్‌ ఈఈ మహేష్‌బాబు, మున్సిపల్‌ డిప్యూటీ, అసిస్టెంట్‌ కమిషనర్లు శ్రీనివాస్‌, అనిల్‌, తహసీల్దార్‌ సైదులు, మునిసిపల్‌ డీఈ ధరణికుమార్‌, ట్లౌన్‌ ఫ్లానింగ్‌ అధికారి సంతోష్‌ తదితరులు పాల్గొన్నారు.

కుష్ఠు వ్యాధిని ప్రారంభ దశలోనే గుర్తించాలి

ఖమ్మంవైద్యవిభాగం: ప్రారంభ దశలోనే కుష్ఠు వ్యాధిని గుర్తిస్తే నిర్మూలన సులువవుతుందని జిల్లా వైద్య, ఆరోగ్య శాఖ అధికారి రామారావు తెలిపారు. డీఎంహెచ్‌ఓ కార్యాలయంలో శనివారం నిర్వహించిన సమీక్షలో ఆయన మాట్లాడారు. కుష్ఠు వ్యాధి నిర్మూలనకు తొలి దశలో గుర్తించడం, ఆపై తక్షణ చికిత్స, నిరంతర పర్యవేక్షణ ముఖ్యమని చెప్పారు. చర్మంపై రంగు మారడం లేదా తెల్లటి మచ్చలు, మచ్చల ప్రదేశాల్లో స్పర్శ లేకపోవడం, చేతులు, కాళ్లు మొద్దుబారడం తదితర లక్షణాలు కల్పిస్తూ ఆస్పత్రిలో సంప్రదించేలా ప్రజలకు అవగాహన కల్పించి అనుమానిత కేసుల స్క్రీనింగ్‌ చేపట్టాలని సూచించారు. అలాగే, అపోహల నిర్మూలనకు ఇంటింటి ప్రచారం, గ్రామసభలు నిర్వహించాలని తెలిపారు. ఈ సమావేశంలో పీఎంఓ భోజానాయక్‌, డీపీఎంఓలు, లెప్రసీ నోడల్‌ అధికారులు పాల్గొన్నారు.

చదువుపై మక్కువ

పెరిగేలా బోధన

ఖమ్మం సహకారనగర్‌: ప్రీ ప్రైమరీ పాఠశాలల ఉపాధ్యాయులు శిక్షణలో నేర్చుకున్న అంశాల ఆధారంగా బోధన సాగించాలని, తద్వారా ప్రాథమిక దశలోనే పిల్లలకు చదువుపై పెంచాలని జిల్లా అకడమిక్‌ మానిటరింగ్‌ అధికారి పెసర ప్రభాకర్‌రెడ్డి సూచించారు. ప్రీ ప్రైమరీ పాఠశాలల ఇన్‌స్ట్రక్టర్లకు ఐదు రోజులుగా డైట్‌ కళాశాలలో ఇస్తున్న శిక్షణ శనివారం ముగిసింది. ఈ సందర్భంగా ఏఎంఓ మాట్లాడుతూ విద్యార్థులకు పూర్వ ప్రాథమిక పాఠశాలల్లో ఇన్‌స్ట్రక్టర్లు మొదటి గురువుగా గుర్తుంటారని తెలిపారు. ఈమేరకు ప్రత్యేక శ్రద్ధతో బోధించాలని సూచించారు. రిసోర్స్‌ పర్సన్లు శ్రవణ్‌, అనిల్‌, జీవన్‌ పాల్గొన్నారు.

జమలాపురం ఆలయంలో ప్రత్యేక పూజలు

ఎర్రుపాలెం: తెలంగాణ తిరుపతిగా పేరున్న జమలాపురంలోని శ్రీవేంకటేశ్వరస్వామి ఆలయంలో శనివారం ప్రత్యేక పూజలు నిర్వహించారు. ఆలయ ప్రాంగణంలోని శ్రీవారి పాదంతో పాటు స్వామి మూలవిరాట్‌కు పంచామృతంతో అర్చకులు అభిషేకం జరిపించారు. ఆతర్వాత స్వామి, అమ్మవార్లను పట్టువస్త్రాలతో అలంకరించి పెద్దసంఖ్యలో పాల్గొన్న భక్తుల సమక్షాన నిత్యకల్యాణం, పల్లకీసేవ నిర్వహించారు. ఈఓ జగన్మోహన్‌రావు, వ్యవస్థాపక ధర్మకర్త ఉప్పల శ్రీరామచంద్రమూర్తి, ప్రధాన అర్చకులు ఉప్పల శ్రీనివాసశర్మ, సిబ్బంది పాల్గొన్నారు.

రామదాసు కళాక్షేత్రం ఆధునికీకరణ
1
1/2

రామదాసు కళాక్షేత్రం ఆధునికీకరణ

రామదాసు కళాక్షేత్రం ఆధునికీకరణ
2
2/2

రామదాసు కళాక్షేత్రం ఆధునికీకరణ

Advertisement

Related News By Category

Related News By Tags

Advertisement
 
Advertisement
Advertisement