అమెరికా చరిత్రలో అతిపెద్ద మిలిటరీ ఖర్చు బిల్లును 2026 సంవత్సరానికి గానూ 90,100 కోట్ల డాలర్లతో ప్రతినిధుల సభ ఆమో దించింది. లాటిన్‌ అమెరికాలో సరికొత్త యుద్ధానికి ట్రంప్‌ సిద్ధమవుతున్న తరుణంలో, ఈ వ్యయ బిల్లు ఆమోదం కోసం డెమోక్రాట్లు కూడా రిపబ్లికన్లతో కలిసి ఓటు వేయడం గమనార్హం. ఇప్పటికే జూలైలో కేటాయించిన 15,600 కోట్ల డాలర్ల అనుబంధ సైనిక వ్యయ నిధులతో కలిపితే, 2026లో ప్రపంచవ్యాప్తంగా యుద్ధాలను ప్రోత్సహించడానికి అమెరికా మొత్తం లక్షా 5,700 కోట్ల డాలర్లను వెచ్చించనుంది. ‘ఆపరేషన్‌ దక్షిణ గోళం’ పేరిట కరేబి యన్‌ ప్రాంతానికి ఎఫ్‌–35 స్టెల్త్‌ ఫైటర్లు, యుద్ధనౌకలను తరలించడం... 1962 క్యూబా క్షిపణి సంక్షోభం తర్వాత అతిపెద్ద సైనిక మోహరింపుగా పరిగణించవచ్చు. శత్రు వైమానిక రక్షణ వ్యవస్థలను అణచివేసే ఇఎ18జి వార్‌జెట్‌లు ఇప్పటికే ప్యూర్టోరికో చేరు కున్నాయి.అమెరికా చూపు ఇప్పుడు వెనిజులాలోని అపారమైన ముడి చమురు నిల్వలపై పడింది. ప్రపంచంలోనే అత్యధికంగా 20 శాతం ముడిచమురు నిల్వలు (సుమారు 30,000 కోట్ల బారెల్స్‌) ఈ చిన్న దక్షిణ అమెరికా దేశంలోనే ఉన్నాయి. ఇది సౌదీ అరేబియా కంటే ఎక్కువ. గతంలో అధ్యక్షుడు ఛావెజ్‌ చమురు పరిశ్రమలను జాతీయం చేసి, 2005లో భూసంస్కరణల ద్వారా సామాన్య రైతాంగాన్ని భూస్వాముల నుండి విముక్తి చేశారు. అదే ఏడాది 13 లాటిన్‌ అమెరికా దేశాలు కలిసి వాణిజ్య సమాఖ్యగా ఏర్పడి స్వల్ప ధరలకే ముడిచమురును అమ్ముకోవాలని ఒప్పందం చేసుకున్నాయి. 2008లో బ్యాంకులను జాతీయం చేయడం, రష్యాతో కీలక ఒప్పందాలు చేసుకోవడం ద్వారా అమెరికా ఆయిల్‌ కంపెనీల ఆధిపత్యాన్ని వెనిజులా తగ్గించింది. ఇవన్నీ అమెరికాకు మింగుడుపడని అంశా లుగా మారాయి.ప్రస్తుతం ‘మాదక ద్రవ్యాల ఉగ్రవాదం’ ముసుగులో మదూరో ప్రభుత్వాన్ని పడగొట్టేందుకు వాషింగ్టన్‌ కుయుక్తులు పన్నుతోంది. ‘కార్టెల్‌ ఆఫ్‌ సన్స్‌’ అనే సంస్థతో వెనిజులా నాయకత్వానికి సంబంధాలు ఉన్నాయని అమెరికా ఆరోపిస్తుండగా, అధ్యక్షుడు మదూరో, కొలంబియా అధ్యక్షుడు గుస్తావో పెట్రో ఈ వాదనలను తిరస్క రిస్తున్నారు. వెనిజులా ప్రజలకు మద్దతుగా నిలుస్తానని రష్యా అధ్యక్షుడు పుతిన్‌ బహిరంగంగా ప్రకటించారు.యుద్ధ తంత్రాన్ని అమెరికా మరింత క్రూరంగా మార్చి, నేరుగా భూభాగంలోకి సైన్యాన్ని పంపకుండా క్షిపణులు, డ్రోన్ల సహాయంతో దాడులు చేసే వ్యూహంలో ఉంది. ఇటీవల డ్రోన్ల దాడిలో కొందరు మత్స్యకారులు ప్రాణాలు కోల్పోవడం దీనికి నిదర్శనం. ఆయుధ కంపెనీలకు లాభాలు చేకూర్చడమే లక్ష్యంగా అమెరికా ఈ యుద్ధాలను ప్రోత్సహిస్తోంది.గత నాలుగేళ్లలో ఉక్రెయిన్‌కు 17,000 కోట్ల విలువైన ఆయుధాలను, ఇజ్రాయెల్‌కు భారీగా ఆయుధ సామగ్రిని సరఫరా చేస్తూ అమెరికా తన యుద్ధ దాహాన్ని ప్రదర్శిస్తోంది. పశ్చిమా సియాలో చమురు ఆధిపత్యం కోసం ఇజ్రాయెల్‌ను అంగరక్షకుడిగా వాడుకున్నట్లే, ఇప్పుడు దక్షిణ అమెరికాలోని వెనిజులాలో తన కీలుబొమ్మ ప్రభుత్వాన్ని స్థాపించాలని అమెరికా ప్రయత్నిస్తోంది. 1946 నుండి ఇప్పటివరకు ఇజ్రాయెల్‌కు సుమారు 35,000 కోట్ల డాలర్ల ఆర్థిక సాయం అందించిన అమెరికా, ఇప్పుడు సహజ సంపదను దోచుకోవడమే లక్ష్యంగా వెనిజులాపై దాడికి సిద్ధమవు తోంది. ప్రపంచ శాంతికి విఘాతం కలిగిస్తూ సాగుతున్న ఈ యుద్ధ క్రీడలో వెనిజులా ఇప్పుడు బలిపీఠంపై ఉంది.– జమిందార్‌ బుడ్డిగఆల్‌ ఇండియా ప్రోగ్రెసివ్‌ ఫోరం జాతీయ కార్యవర్గ సభ్యులు

బొగోటా: ‘ప్రాంతీయ భద్రతకు సవాల్‌గా మారిన వెనెజులాను ఆక్రమించేస్తే సమస్య పరిష్కారమవుతుంది కదా?’ ఉన్నతస్థాయి సమావేశంలో అమెరికా అధ్యక్షుడు డొనాల్డ్‌ ట్రంప్‌ అన్న మాటలివి. గత ఆగస్టులో వెనెజులాపై ఆంక్షల గురించి చర్చించిన సందర్భంగా ట్రంప్‌ వేసిన ఈ ప్రశ్నకు విదేశాంగ మంత్రి రెక్స్‌ టిల్లర్సన్, జాతీయ భద్రత సలహాదారు మెక్‌ మాస్టర్‌ తదితరులు అవాక్కయ్యారని పేరు వెల్లడించటానికి ఇష్టపడని ఓ ఉన్నతాధికారి తాజాగా వెల్లడించారు. చర్చ సందర్భంగా మెక్‌మస్టర్‌ తదితరులు వెనెజులాపై సైనిక చర్యతో కలిగే పరిణామాలను ట్రంప్‌నకు వివరించారు. అధ్యక్షుడు నికొలస్‌ మదురోను గద్దెదించే లక్ష్యంతో చేపట్టే ఈ చర్య ఫలితంగా లాటిన్‌ అమెరికా దేశాధినేతల మద్దతు కోల్పోయే ప్రమాదముందని హెచ్చరించారు. అయినప్పటికీ ట్రంప్‌ వెనక్కు తగ్గలేదు. సైనిక చర్యకు ఆదేశాలు ఇచ్చే విషయమై ఆయన ఎలాంటి వ్యాఖ్య చేయనప్పటికీ.. గతంలో పనామా (1989), గ్రెనడా(1982)లపై విజయవంతంగా చేపట్టిన సైనిక చర్యలను ప్రస్తావించారని ఆ అధికారి తెలిపారు. ఈ సమావేశం తర్వాత రెక్స్‌ టిల్లర్సన్, మెక్‌ మస్టర్‌ ఇద్దరూ పదవుల నుంచి వైదొలగటం గమనార్హం. ఆ తర్వాత రోజు అంటే ఆగస్టు 11న, వెనెజులాపై సైనిక చర్యకు గల అవకాశాలను పరిశీలిస్తున్నట్లు ట్రంప్‌ హఠాత్తుగా ప్రకటించి కలకలం రేపారు. ఆపై కొలంబియా అధ్యక్షుడు జువాన్‌ మాన్యువల్‌ సాంటోస్‌కు ఫోన్‌ చేసి ఈ విషయాన్ని ప్రస్తావించినట్లు ఆ దేశ ఉన్నతాధికారులు ధ్రువీకరించారు. అదే ఏడాది సెప్టెంబర్‌లో ఐరాస సమావేశంలో పాల్గొనేందుకు వాషింగ్టన్‌ చేరుకున్న కొలంబియా, మరో మూడు లాటిన్‌ అమెరికా దేశాధినేతలతో ట్రంప్‌ ఇదే విషయంపై చర్చించారు. వారు కూడా ఆయన ఆలోచనను వ్యతిరేకించారని ఈ ఏడాది ఫిబ్రవరిలో ‘పొలిటికో’ పత్రిక పేర్కొంది. వెనెజులా రాజకీయ, ఆర్థిక సంక్షోభానికి ఒబామా హయాంలో ఇవ్వని ప్రాధాన్యాన్ని ట్రంప్‌ ఇస్తున్నారని ఈ పరిణామాలు స్పష్టం చేస్తున్నాయని పరిశీలకులు అం టున్నారు. కానీ, ట్రంప్‌ ‘అమెరికా ఫస్ట్‌’ విదేశాంగ విధానం అమెరికా విరోధులకు మరింత ఊతమిచ్చేలా ఉందని విమర్శిస్తున్నారు. 

కారకస్‌: వెనిజులాలోని జైల్లో మరోసారి తీవ్ర ఘర్షణలు చెలరేగాయి. సెంట్రల్ నగరంలోని వాలెన్సియాలోని  జైలునుంచి తప్పించుకునేందుకు  ఖైదీలు ప్రయత్నించారు. ఈ సందర్భంగా జైలుకు నిప్పు పెట్టినట్టు తెలుస్తోంది.  దీంతో అగ్ని ప్రమాదంలో  68 మంది మృతి చెందారు.  దీనిపై  చీఫ్ ప్రాసిక్యూటర్ తారెక్ విలియం సాబ్ ట్విటర్‌లో సమాచారం అందించారు. బాధాకరమైన సంఘటన అంటూ బాధిత కుటుంబాలకు సానుభూతిని ప్రకటించారు. కరోబోబో రాష్ట్రంలో నిర్బంధ కేంద్రంలోని జైళ్లలో నమోదువుతున్న  ఘోరమైన సంఘటనలకు తాజా ఉదంతమిది. బుధవారం చెలరేగిన ఘర్షణల సందర్భంగా ఎంతమంది చనిపోయిందీ పూర్తి స్పష్టత లేనప్పటికీ.. ప్రాథమికంగా 68మంది ప్రాణాలు కోల్పోయినట్టు  అధికారిక వర్గాల సమాచారం.   ఒక పోలీసు కూడా చనిపోయినట్టు తెలుస్తోంది. దీంతో బాధిత కుటుంబాలు తీవ్ర విషాదంలో మునిగిపోయాయి. మరోవైపు  సరైన సమాచారాన్ని అధికారులు అందించడలేదంటూ జైలు బయట ఆందోళనకు దిగారు. ఆందోళనకారులపై భాష్ప వాయువు ప్రయోగించి పరిస్థిని అదుపు చేశారు. మృతులకు సంబంధించిన వివరాలను ఫోరెన్సిక్‌ వైద్యులు అంచనా  వేస్తున్నారని , త్వరలోనే పూర్తి వివరాలను అధికారులు ప్రకటించారు. సమగ్ర దర్యాప్తునకు హామీ  ఇచ్చారు. కాగా వెనిజులాలోని జైళ్లలో అధ్వాన్నమైన పరిస్థితుల నేపథ్యంలో జైళ్లలో ఘర్షణలు,  హత్యలు సర్వసాధారణం. గతంలో  జైళ్లలో పెద్ద ఎత్తున చెలరేగిన ఘర్షణల్లో డజన్ల కొద్దీ  ఖైదీలు ప్రాణాలు కోల్పోయిన సంఘటనలు అనేకం ఉన్నాయి. 


 
 
 సాధారణంగా అయితే.. మనుషులు తమ నాలుకతో మోచేతికొనను తాకలేరు. అదేవిధంగా నాలుకతో ముక్కు కొనను అందుకొనడం కూడా కొంచెం కష్టమే. ఇక నాలుకతో కళ్లను, చెవులను తాకగలరా? లేదు. కానీ, మనం ఇప్పుడు తెలుసుకోబోతున్న ఈ అమ్మాయి మాత్రం ఇలాంటి పనులన్నింటినీ చిటికెలో చేసేస్తుంది.
 
 ఆమె నాలుక తీసి బయటపెట్టిందంటే.. ఎవరైనా వామ్మో ఎంతపెద్ద నాలుకో అని నోరెళ్లబెట్టాల్సిందే. ఫ్లోరిడా (అమెరికా)లోని ఒకాలాకు చెందిన జెర్కరీ బ్రచో తన పొడువైన నాలుకతో సోషల్‌ మీడియాలో బాగా పాపులర్‌ అయిపోయింది.
 
 వెనిజూలా సంతతికి చెందిన ఈ అమ్మడు తన నాలుకతో చిత్రవిచిత్రమైన ఫీట్లు చేస్తూ ఆ వీడియోను యూట్యూబ్‌లో పెట్టింది. కొంత వింతగా, ఇంకొంత వికృతంగా తోచే ఆమె నాలుక వీడియోలకు యూట్యూబ్‌లో మంచి వ్యూయర్‌షిప్పే ఉంది. నాలుకతో మోచేతి కొనను చుంబిస్తూ.. ముక్కు కొనను తాకుతూ.. ముక్కు రంధ్రల్లో నాలుకను దూరుస్తూ.. చేవిని, కళ్లను నాలుకతో తాకుతూ.. ఓ మై గాడ్‌ అనిపించేలా ఈ సుందరి చాలా ఫీట్లే చేసింది. ఎవరి ప్రత్యేకత వారికున్నట్టే.. ఎవరి వెర్రి వారికుంటుంది కదా!