కొల్లాపూర్‌ : కృష్ణానది తీర ప్రాంతంలోని సోమశిలలో కాటేజీ నిర్మించేందుకుగాను సోమవారం పర్యాటక శాఖ డీఈ సరిత స్థలాన్ని పరిశీలించారు. ఇక్కడ కల్పించాల్సిన వసతి, సౌకర్యాలపై మంత్రి పీఏ జూపల్లి రామారావు, ఎంపీపీ నిరంజన్‌రావు ఆమె దృష్టికి తీసుకొచ్చారు. అనంతరం విలేకరులతో సరిత మాట్లాడుతూ దీనిని రూ.60.5లక్షలతో వీఐపీ ఘాట్‌ సమీపంలో నిర్మిస్తామన్నారు. ఇది పర్యాటకులు బస చేసేందుకు వీలుగా ఉంటుందన్నారు.