వెల్లువెత్తిన నామినేషన్లు

సర్పంచ్‌కు 844, వార్డు సభ్యుల స్థానాలకు 2,450

సాక్షి యాదాద్రి : గ్రామ పంచాయతీ ఎన్నికలకు సంబంధించి తొలి విడత నామినేషన్ల ఘట్టం శనివారంతో ముగిసింది. 153 సర్పంచ్‌, 1,286 వార్డు స్థానాలకు డిసెంబర్‌ 11న ఎన్నికలు జరగనున్నాయి. కాగా ఆయా స్థానాల్లో చివరి రోజూ నామినేషన్లు వెల్లువెత్తాయి. ఈ ఒక్క రోజే సర్పంచ్‌ 440, వార్డు సభ్యుల స్థానాలకు 1,776 నామినేషన్లు పడ్డాయి. మూడు రోజుల్లో మొత్తం నామినేషన్లు సర్పంచ్‌ 844, వార్డు స్థానాలకు 2,450 దాఖలయ్యాయి. ఆదివారం (నేడు) నామినేషన్ల పరిశీలన, 3వ తేదీన ఉపసంహరణ ఉంటుంది.

సమయం ముగిసినా అనుమతి

తొలి విడత ఎన్నికలు జరిగే ఆలేరు, రాజాపేట, యాదగిరిగుట్ట, తుర్కపల్లి, ఆత్మకూర్‌(ఎం), బొమ్మలరామారం మండలాల్లో క్లస్టర్‌ కేంద్రాలకు అభ్యర్థులు నామినేషన్‌ వేయడానికి బారులుదీరారు. చివరి రోజు కావడంతో వందలాది మంది తమ అనుచరులతో కలిసి వచ్చి నామినేషన్‌ వేశారు. ఈ క్రమంలో ఇబ్బందులు ఎదురుకాకుండా ఉండేందుకు అభ్యర్థులకు టోకెన్లు జారీ చేశారు. నామినేషన్‌ సమయం ముగిసినా టోకెన్లు జారీ చేసిన అభ్యర్థులందరినీ నామినేషన్‌ దాఖలు చేయడానికి అనుమతించారు. రాజాపేట, తుర్కపల్లి సర్పంచ్‌ అభ్యర్థులు క్లస్టర్‌ కేంద్రాలకు తమ అనుచరులతో కలిసి భారీ ర్యాలీ వచ్చారు. యాదగిరిగుట్ట మండలం దాతర్‌పల్లి సర్పంచ్‌ అభ్యర్థి నామినేషన్‌ వేయడానికి స్వయంగా జిరాక్స్‌ మిషన్‌ కూడా వెంట తెచ్చుకోవడం విశేషం. జిరాక్స్‌ సెంటర్లన్నీ రద్దీగా ఉండటం, సమయం తక్కువగా ఉండటంతో నామినేషన్‌కు జతపర్చాల్సిన ధ్రువీకరణ పత్రాలను తానే జిరాక్స్‌ తీసుకున్నారు.

ముగిసిన తొలి విడత నామినేషన్లు

ఫ చివరి రోజు క్లస్టర్‌ కేంద్రాల్లో

బారులుదీరిన అభ్యర్థులు

ఫ టోకెన్లు ఇచ్చి సమయం ముగిసినా

నామినేషన్‌ దాఖలుకు అనుమతి

ఫ రాత్రి పొద్దుపోయే దాకా కొనసాగిన ప్రక్రియ

ఫ నేడు నామినేషన్ల పరిశీలన..

ఫ 3న ఉపసంహరణ, అభ్యర్థుల ప్రకటన

మొదటి విడత నామినేషన్లు మొత్తం

మండలం జీపీలు చివరి రోజు మొత్తం

ఆలేరు 16 61 101

ఆత్మకూర్‌ 23 80 156

బి.రామారం 35 104 171

రాజాపేట 23 33 89

తుర్కపల్లి 33 102 198

యాదగిరిగుట్ట 23 60 129

మొత్తం 153 440 844

వార్డు స్థానాలు

ఆలేరు 140 230 276

ఆత్మకూర్‌ 192 369 433

బి.రామారం 284 406 524

రాజాపేట 206 142 237

తుర్కపలి 266 380 564

యాదగిరిగుట్ట 198 249 416

మొత్తం 1,286 1,776 2,450

వెల్లువెత్తిన నామినేషన్లు