TV
కేసీఆర్‌ దీక్షతోనే కేంద్రం దిగొచ్చింది
భువనగిరి : స్వరాష్ట్ర సాధన కోసం కేసీఆర్‌ చేపట్టిన అమరణ దీక్షతోనే నాటి కేంద్ర ప్రభుత్వం దిగొచ్చి తెలంగాణ రాష్ట్రం ఇచ్చిందని మాజీ మంత్రి, సూర్యాపేట ఎమ్మెల్యే గుంటకండ్ల జగదీష్‌రెడ్డి అన్నారు. శనివారం భువనగిరిలోని ప్రిన్స్‌ చౌరస్తా వద్ద నిర్వహించిన దీక్షా దివస్‌ కార్యక్రమానికి ముఖ్య అతిథిగా విచ్చేసి మాట్లాడారు. తెలంగాణ ఉద్యమంలో నవంబర్‌ 29వ తేదీకి ఎంతో ప్రాధాన్యం ఉందన్నారు. తెలంగాణ రాష్ట్రం కోసం చావు అంచులదాకా వెళ్లిన గొప్ప నాయుకుడు కేసీఆర్‌ అని, అలాంటి నాయకుడిపై ఎవరైనా నోరు జారితే ఊరుకునే ప్రసక్తి లేదన్నారు. తెలంగాణ సమాజానికి కేసీఆర్‌ దేవుడని, ప్రజల గుండెల్లో గూడుకట్టుకున్న మహానేత అని కొనియాడారు. వ్యవసాయానికి 24 గంటల ఉచిత విద్యుత్‌, సాగునీరు అందించిన ఘనత కేసీఆర్‌దేనన్నారు. కాంగ్రెస్‌ నాయకులు అనుభవిస్తున్న పదవులు కేసీఆర్‌ చలువేనని పేర్కొన్నారు. అటువంటి మహానేతను ఆరోగ్యం బాగలేదని కాంగ్రెస్‌ నాయకులు ప్రచారం చేయడం దారుణమన్నారు. తెలంగాణ అభివృద్ధి కేసీఆర్‌తోనే సాధ్యమని, మళ్లీ సీఎం కావడం ఖాయమన్నారు. రాష్ట్ర ప్రజలకు కాంగ్రెస్‌ నుంచి విముక్తి కలిగే వరకు పోరాటం చేస్తామన్నారు.అంతకుముందు అమరవీరుల స్థూపం వద్ద నివాళులర్పించారు. కార్యక్రమంలో మాజీ ఎమ్మెల్యేలు పైళ్ల శేఖర్‌రెడ్డి, గొంగిడి సునీత, గాదరి కిషోర్‌కుమార్‌, కూసుకుంట్ల ప్రభాకర్‌రెడ్డి, భిక్షమయ్యగౌడ్‌, మాజీ ఎమ్మెల్సీ కర్నె ప్రభాకర్‌, జిల్లా అధ్యక్షుడు కంచర్ల రామకృష్ణారెడ్డి, రాష్ట్ర నాయకులు చింతల వెంకటేశ్వర్‌రెడ్డి, కల్లూరి రాంచంద్రారెడ్డి, గాదె నరేందర్‌రెడ్డి, రాకేశ్‌రెడ్డి, కొల్పుల అమరేందర్‌, పట్టణ కమిటీ అధ్యక్ష, కార్యదర్శులు ఏవీ కిరణ్‌కుమార్‌, రచ్చ శ్రీనివాస్‌ రెడ్డి తదితరులు పాల్గొన్నారు.
ఫ తెలంగాణకు కాంగ్రెస్‌ నుంచి విముక్తి కలిగే వరకు పోరాటం
కేసీఆర్‌ దీక్షతోనే కేంద్రం దిగొచ్చింది
