TV
తిరుపతి రుయాలో అందుబాటులోకి అత్యాధునిక న్యూరాలజీ సేవలు
బ్రెయిన్‌ స్ట్రోక్‌కు ఉచితంగా రూ.50వేల ఇంజక్షన్‌
సకాలంలో చేయించుకుంటే ముప్పు తప్పినట్లే
మళ్లీ ప్రమాదం తలెత్తకుండా మందులు
ప్రాణ రక్షణకు
బ్రెయిన్‌ స్ట్రోక్‌ బాధితుడికి చికిత్స చేస్తున్న వైద్యులు
గోల్డెన్‌ అవర్‌లో ప్రాణాలు దక్కించుకున్న రోగితో వైద్యులు
బ్రెయిన్‌ స్ట్రోక్‌ వచ్చిన వారికి నాణ్యమైన వైద్యం అందించేందుకు కుటుంబీకులు పరుగులు పెట్టాల్సిన అవసరం లేదు. కార్పొరేట్‌ ఆస్పత్రులను ఆశ్రయించాల్సిన పని అసలే లేదు. ఖరీదైన చికిత్సలను ఉచితంగానే పొందవచ్చు. ఈ విషయం చాలా మందికి తెలియక ప్రైవేట్‌ హాస్పిటళ్లకు వెళ్లి భారీగా వేసిన బిల్లులను చెల్లించలేక తిప్పలు పడుతుంటారు. పేదల ఆరోగ్య రక్షణకు గత వైఎస్సార్‌సీపీ ప్రభుత్వంలో అనేక సేవలను అందుబాటులోకి తీసుకువచ్చారు. అందులో భాగంగా రాయలసీమలోనే పెద్దాస్పత్రిగా పేరుగాంచిన తిరుపతి రుయాలో న్యూరాలజీ విభాగాన్ని బలోపేతం చేశారు. సూపర్‌ స్పెషాలిటీ వైద్యులు నియమించారు. నాణ్యమైన సేవలను పైసా ఖర్చు లేకుండా ప్రజలకు అందిస్తున్నారు. స్ట్రోక్‌ వచ్చినప్పుడు గోల్డెన్‌ అవర్‌లో రోగిని తీసుకువస్తే వెంటనే ప్రాణం కాపాడేందుకు రూ.50వేల విలువైన ఇంజెక్షన్‌ను ఉచితంగా వేస్తున్నారు.
తిరుపతి తుడా : తిరుపతి రుయా ఆస్పత్రిలో సూపర్‌ స్పెషాలిటీ వైద్య నిపుణులతో కూడిన న్యూరాలజీ విభాగం అత్యుత్తమ సేవలను అందిస్తోంది. న్యూరాలజీ వైద్యం అత్యంత ఖరీదైంది. రుయాలో ఉచితంగా అందిస్తున్న నాణ్యమైన సేవలను సద్వినియోగం చేసుకుంటే మెరుగైన వైద్యంతోపాటు రూ.లక్షలు ఖర్చు చేయాల్సిన పని ఉండదు. గత వైఎస్సార్‌సీపీ ప్రభుత్వం వైద్య రంగానికి అత్యధిక ప్రాధాన్యత ఇచ్చింది. వైఎస్‌ జగన్‌ మోహన్‌ రెడ్డి హయాంలోనే రుయాలో సూపర్‌ స్పెషాలిటీ వైద్యాన్ని బలోపేతం చేసిన విషయం తెలిసిందే. ఇందులో న్యూరాలజీ విభాగం ఆత్యాధునిక వైద్య సేవలను అందిస్తోంది. వందలాది మందికి పునర్జన్మను ప్రసాదిస్తోంది. బ్రెయిన్‌ స్ట్రోక్‌కు గురైన బాధితులను గోల్డెన్‌ అవర్‌ ( సకాలంలో) తీసుకువస్తే 90 శాతం రికవరీ చేసి పంపిస్తుండడం ఇక్కడి వైద్యుల ప్రత్యేకత. బ్రెయిన్‌ స్ట్రోక్‌ నిర్ధారణకు అవసరమైన సిటీ స్కాన్‌, ఎంఆర్‌ఐ సైతం రుయాలో అందుబాటులో ఉన్నాయి. బ్రెయిన్‌ స్ట్రోక్‌ గుర్తించిన వెంటనే నాణ్యమైన వైద్యం అందించి రోగి ప్రాణాలను కాపాడేందుకు ఇక్కడి డాక్టర్లు శ్రమిస్తున్నారు.
బ్రెయిన్‌ స్ట్రోక్‌ లక్షణాలు
మెదడులో రక్తం గడ్డ కట్టడం వల్ల రక్త ప్రసరణ ఆగిపోయినప్పుడు బ్రెయిన్‌ స్ట్రోక్‌ వస్తుంది. దీంతో రోగి చెయ్యి, కాలు పడిపోయి పెరాలసిస్‌ సోకుతుంది , అలానే మూతి వంకర, కళ్లు కనిపించకపోవడం, మాట పడిపోవడం వంటివి జరుగుతాయి. ఈ లక్షణాలు కనిపిస్తే బ్రెయిన్‌ స్ట్రోక్‌ గా గుర్తించాలి.
ప్రత్యేకంగా ఈఈసీ ల్యాబ్‌
అలాగే రుయా ఆస్పత్రిలోని న్యూరాలజీ విభాగంలో ప్రత్యేకంగా ఈఈసీ ల్యాబ్‌ ఉంది. ఇందులో ఫిట్స్‌ రోగులకు ఉచితంగానే మెరుగైన చికిత్సలందిస్తున్నారు. మెడ, ఇతర నరాల సమస్యకు ఫిజియోథెరపీ చేస్తున్నారు. ఇతర థెరఫీలకు అవసరమైన సిబ్బంది సైతం అందుబాటులో ఉన్నారు.
‘గోల్డెన్‌’ చాన్స్‌!
‘గోల్డెన్‌’ చాన్స్‌!
‘గోల్డెన్‌’ చాన్స్‌!
