ఎన్నికల విధుల్లో అప్రమత్తంగా ఉండాలి

పెర్కిట్‌(ఆర్మూర్‌): గ్రామ పంచాయతీ ఎన్నికల్లో విధులు నిర్వహించే సిబ్బంది అప్రమత్తంగా ఉంటూ ఎన్నికలు సజావుగా సాగేలా చూడాలని అడిషనల్‌ కలెక్టర్లు అంకిత్‌, కిరణ్‌ సూచించారు. ఆర్మూర్‌లోని రైతు వేదిక భవనంలో శనివారం గ్రామ పంచాయతీ స్టేజ్‌–1, స్టేజ్‌ రిటర్నింగ్‌, సహాయ రిటర్నింగ్‌ అధికారులకు ఎన్నికల సమయంలో చేపట్టాల్సిన విషయాలపై మాస్టర్‌ ట్రైనర్ల ద్వారా శిక్షణనిచ్చారు. శిక్షణ తరగతులకు అడిషనల్‌ కలెక్టర్లు హాజరై మాట్లాడారు. రాష్ట్ర ఎన్నికల సంఘం సూచించిన నూతన నిబంధనలు, నియమావళి ప్రకారం ఎన్నికల నిర్వహణ చేపట్టాలన్నారు. అనంతరం డీఎల్‌పీవో శివకృష్ణ ఎన్నికల సిబ్బందికి శిక్షణనిచ్చారు. సబ్‌ కలెక్టర్‌ అభిజ్ఞాన్‌ మాల్వియ, ఎంపీడీవో శివాజి, ఎంపీవో శ్రీనివాస్‌, ఎన్నికల సిబ్బంది పాల్గొన్నారు.

తెయూ(డిచ్‌పల్లి): తెలంగాణ యూనివర్సిటీ పరిధిలో జరుగుతున్న డిగ్రీ సెమిస్టర్‌ రెగ్యుల ర్‌, బ్యాక్‌లాగ్‌ పరీక్షల్లో శనివారం మాల్‌ప్రాక్టీ స్‌కు పాల్పడుతూ ఇద్దరు విద్యార్థులు డిబార్‌ అయినట్లు అకడమిక్‌ ఆడిట్‌ సెల్‌ డైరెక్టర్‌ ఘంటా చంద్రశేఖర్‌ తెలిపారు. ఉమ్మడి నిజామాబాద్‌ జిల్లా వ్యాప్తంగా 30 పరీక్ష కేంద్రాల్లో డిగ్రీ పరీక్షలు కొనసాగుతున్నాయన్నారు. శనివారం ఉదయం జరిగిన పరీక్షలకు 5,317 మంది వి ద్యార్థులకు గానూ 5,068 మంది విద్యార్థులు హాజరు కాగా 249 మంది గైర్హాజరైనట్లు తెలిపారు. అలాగే మధ్యాహ్నం జరిగిన పరీక్షలకు 5,799 మంది విద్యార్థులకు గానూ 5,314 మంది విద్యార్థులు హాజరు కాగా 483 మంది విద్యార్థులు గైర్హాజరైనట్లు తెలిపారు. ఆర్మూర్‌లోని గవర్నమెంట్‌ డిగ్రీ కాలేజ్‌ పరీక్ష కేంద్రంలో మాల్‌ప్రాక్టీస్‌కు పాల్పడుతూ ఇద్దరు విద్యార్థులు డిబార్‌కు గురైనట్లు తెలిపారు. ఘంటా చంద్రశేఖర్‌తోపాటు ఆడిట్‌ సెల్‌ జాయింట్‌ డైరెక్టర్‌ అతిక్‌ సుల్తాన్‌ ఘోరీ ప్రత్యేక బృందా లతో కలిసి నిజామాబాద్‌, కామారెడ్డి జిల్లాల లోని పలు పరీక్షా కేంద్రాలను తనిఖీ చేశారు.

నిజామాబాద్‌ నాగారం:కేంద్ర ప్రభుత్వం ఆధ్వర్యంలో తీసుకొచ్చిన ఐహెచ్‌ఐపీ పోర్టల్‌లో రో గుల వివరాలు తప్పనిసరిగా నమోదు చేయా లని ప్రయివేట్‌ ఆస్పత్రుల సిబ్బందికి డీఎంహెచ్‌వె రాజశ్రీ సూచించారు. నగరంలోని గంగస్థాన్‌ ఫేజ్‌–2లోగల ఐఎంఏ హాలులో శనివా రం నిజామాబాద్‌ డివిజన్‌లోని ప్రయివేటు ఆ స్పత్రుల సిబ్బందికి జిల్లా వైద్యశాఖ ఆధ్వర్యంలో ఐహెచ్‌ఐపీ పోర్టల్‌పై శిక్షణ కార్యక్రమం ని ర్వహించారు. ఈసందర్భంగా డీఎంహెచ్‌వో మాట్లాడుతూ..జిల్లాలోని ప్రతి ప్రయివేటు ఆ స్పత్రిలో ఫార్మసిస్టు, ల్యాబ్‌ టెక్నీషియన్‌ ద్వా రా సేవలు పొందే రోగుల వివరాలు ఆన్‌లైన్‌ లో ఐహెచ్‌ఐపీ పోర్టల్‌లో ఏవిధంగా నమోదు చేయాలో తెలిపారు.శిక్షణ పొందిన వారు తప్ప నిసరిగా పోర్టల్‌లో వివరాలు నమోదు చేయాలన్నారు. డీఎస్‌వో నాగరాజు, డిప్యూటీ డీఎంహెచ్‌వో అశ్విని, శ్రావ్య, శిఖర, నారాయణ, పోశెట్టి, శ్రీనివాస్‌ గౌడ్‌ పాల్గొన్నారు.

ఎన్నికల విధుల్లో అప్రమత్తంగా ఉండాలి

ఎన్నికల విధుల్లో అప్రమత్తంగా ఉండాలి