TV
సంచలన దర్శకుడు రామ్‌ గోపాల్‌ వర్మ తీరు గురించి ప్రత్యేకంగా చెప్పనక్కర్లేదు. ఏ విషయంపై అయినా వ్యంగ్యంగా స్పందిస్తూ తనదైన శైలిలో కామెంట్‌ చేస్తుంటాడు ఆర్జీవీ. అలా తరచూ వార్తల్లో నిలిచే ఆర్జీవీ ఏ ఒక్కరిని వదలడు. అందరిపై ఒకేలా తన వ్యంగ్యస్త్రాలు సంధిస్తుంటాడు. అయితే ఆయన ఒకరిని ప్రశంసించడం కంటే విమర్శలు చేయడం ఎక్కువ. ఈ క్రమంలో వర్మ తరచూ వివాదాలు ఎదుర్కొంటూ వార్తల్లో నిలుస్తుంటాడు.
చదవండి: కొత్త సంవత్సరంలో బ్యాడ్‌ న్యూస్‌ చెప్పిన మీనా, ఆందోళనలో ఫ్యాన్స్‌
ఇక ప్రస్తుతం ఏపీ మూవీ టికెట్ల వివాదంపై వరుస ట్వీట్‌లు చేస్తూ తనదైన శైలిలో స్పందిస్తున్నాడు వర్మ. ప్రస్తుతం ఈ ఇష్యూ హాట్‌టాపిక్‌గా మారింది. ఈ క్రమంలో ఆసక్తిగా ఐకాన్‌ స్టార్‌ అల్లు అర్జున్‌పై ఆర్జీవీ ప్రశంసలు కురిపించాడు. ప్రాంతీయ సినిమాను జాతీయ స్థాయికి తీసుకేళ్లావు అంటూ బన్నీని పొగడ్తలతో ముంచెత్తాడు ఆర్జీవీ. ఈ మేరకు ఆయన ట్వీట్‌ చేస్తూ.. ‘హే అల్లు అర్జున్, ఆంథిమ్, సత్యమేవ జయతే 2, 83 వంటి పెద్ద సినిమాలు ఉన్నప్పటికీ..
Hey @alluarjun , After the fate of biggies like #Anthim #SatyamevaJayate2 and #83 Kudos to you with #Pushpa for making REGIONAL CINEMA into NATIONAL CINEMA 💐💐💐 🙏🙏🙏💪💪💪
— Ram Gopal Varma (@RGVzoomin) January 5, 2022
చదవండి: నాకింకా 29 మాత్రమే, 30 తర్వాత ఆలోచిస్తా: సాయి పల్లవి
వాటన్నింటిని వెనక్కి నెట్టి పుష్పతో ప్రాంతీయ సినిమాను జాతీయ స్థాయికి తీసుకేళ్లావు. ఈ ఘనత నీకే చెందుతుంది. కుదోస్’ అంటూ అని బన్నీపై ప్రశంసల వర్షం కురిపించాడు. ఇక హిందీలో ఇప్పటికే 60 కోట్లకు పైగా వసూళ్లను సాధించింది పుష్ప. నార్త్, సౌత్ అనే తేడా లేకుండా సూపర్ హిట్ లెవల్లో దూసుకుపోతుంది. ఈ క్రమంలో విడుదలై నెల తిరక్కుండానే పుష్మ ఓటీటీలో సందడి చేసేందుకు సిద్ధమవుతోంది. ప్రముఖ ఓటీటీ సంస్థ అమెజాన్ ప్రైమ్లో పుష్ప జనవరి 7 నుంచి స్ట్రీమింగ్ కానున్నట్లు తాజాగా మేకర్స్‌ ప్రకటించిన సంగతి తెలిసిందే. ఇందులో బన్నీ సరసన రష్మిక మందన్న నటించగా.. అనసూయ, సునీల్, ఫహద్ ఫాజిల్ కీలక పాత్రలలో నటించారు.
