ఎన్నికల ప్రక్రియ సమర్థవంతంగా చేపట్టాలి

మంచిర్యాలఅగ్రికల్చర్‌: పంచాయతీ ఎన్నికల నిర్వహణ ప్రక్రియ సమర్థవంతంగా చేపట్టాలని జిల్లా ఎన్నికల అధికారి, కలెక్టర్‌ కుమార్‌ దీపక్‌ అన్నారు. శనివారం జిల్లా కలెక్టరేట్‌లో తెలంగాణ రిమోట్‌ సెన్సింగ్‌ అప్లికేషన్‌ సెంటర్‌(టీజీఆర్‌ఏసీ) సంచాలకులు, అదనపు జనరల్‌ సంచాలకులు, ఎన్నికల సాధారణ పరిశీలకులు పి.మనోహర్‌, ఎన్నికల ఖర్చుల పరిశీలకులు ఈ.రాజేశ్వర్‌తో కలిసి నోడల్‌ అధికారులు, సహాయ ఖర్చుల పరిశీలకులు, ప్రత్యేక బృందాల అధికారులతో ఎన్నికల నిర్వహణపై సమీక్ష సమావేశం నిర్వహించారు. ఎన్నికల సాధారణ పరిశీలకులు మాట్లాడుతూ అభ్యర్థులు ప్రచారంలో వినియోగించే ప్రతీ అంశాన్ని ఎన్నికల సంఘం జారీ చేసిన ధరల పట్టికను అనుసరించి లెక్కించాలని తెలిపారు. ఎన్నికల ఖర్చుల వివరాలు ప్రతీరోజు నమోదు చేయాలని, సహాయ ఖర్చుల పరిశీలకులు ఖర్చుల వివరాలను పరిశీలించాలని తెలిపారు. ఫిర్యాదులు, సమాచారం కోసం కంట్రోల్‌ రూమ్‌ నంబరు 08736– 250501 ఏర్పాటు చేసినట్లు తెలిపారు.