TV
సీ్త్ర శక్తి పథకంతో ప్రయాణికులకు సమస్యలు ఆర్టీసీ యునైటె
రాజోలు: ప్రభుత్వం అమలు చేస్తున్న సీ్త్ర శక్తి పథకంతో ప్రయాణికులు తీవ్ర సమస్యలు ఎదుర్కొంటున్నారని ఆర్టీసీ యునైటెడ్‌ వర్కర్స్‌ యూనియన్‌ రాష్ట్ర అధ్యక్షుడు ఎ.ఎస్‌.నారాయణ అన్నారు. శనివారం రాజోలు ఆర్టీసీ బస్టాండ్‌ ఎదుట యూనియన్‌ నాయకులు, ఆర్టీసీ ఉద్యోగులతో గేట్‌ మీటింగ్‌ నిర్వహించారు. సీ్త్ర శక్తి పథకం అమలు చేసే ముందు ఇతర రాష్ట్రాల్లో ఈ పథకంపై అధ్యయనం చేసిన అధికారులు, మంత్రులు ముందస్తు అంచనాలు రూపొందించినా దానికి తగిన విధంగా బస్సుల సంఖ్యను పెంచలేదన్నారు. బస్సుల సంఖ్య పెంచకపోగా కండిషన్‌ లేనివి వినియోగించడం వల్ల ప్రయాణికులు ఇబ్బంది పడుతున్నారని చెప్పారు. కండక్టర్‌, డ్రైవర్లు విధి నిర్వహణలో ఎంతో అలసి పోతున్నారని, కొన్ని ప్రాంతాల్లో వారిపై దాడులు కూడా జరుగుతున్నాయన్నారు. డోర్లు లేని బస్సులలో ప్రమాదాలు జరిగితే వాటికి డ్రైవర్లను బాధ్యులు చేయడం ఎంతవరకు సబబు అని ప్రశ్నించారు. అన్ని బస్సులకు హైడ్రాలిక్‌ డోర్లు ఏర్పాటు చేయాలని డిమాండ్‌ చేశారు. డిపో కార్యదర్శి కె.ఎన్‌.ఎస్‌.వాసు మాట్లాడుతూ సీ్త్ర శక్తి పథకానికి జీరో టిక్కెట్‌తోపాటు సాధారణ ప్రయాణికులకు మరో టిక్కెట్‌ ఇవ్వడం ద్వారా కండక్టర్‌ ఉద్యోగ భద్రతకు ముప్పు వాటిల్లుతుందన్నారు. రెండు టిక్కెట్లు ఇచ్చే విధానం రద్దు చేసి, డబ్బు ఇచ్చి ప్రయాణం చేసేవారికి మాత్రమే టిక్కెట్‌ ఇచ్చేలా ఆదేశాలు జారీ చేయాలన్నారు. డిపో అధ్యక్షుడు కె.ఎల్‌.ఎస్‌.నారాయణ మాట్లాడుతూ మోటారు వాహనాల చట్టం ప్రకారం బస్సుల్లో 70 మంది మాత్రమే ప్రయాణించే విధంగా నిబంధనలు అమలు చేయాలన్నారు. విధి నిర్వహణలో ఉన్న కండక్టర్‌, డ్రైవర్లపై దాడికి పాల్పడిన వారిపై క్రిమినల్‌ కేసులు నమోదు చేయాలని డిమాండ్‌ చేశారు. పలు డిమాండ్లతో కూడిన వినతిపత్రాన్ని డిపో మేనేజర్‌ జి.జేమ్స్‌బాబుకు అందజేశారు. యూనియన్‌ నాయకులు ఖలీల్‌, వై.బి.నీలిమ, జి.హేమవతి, జె.ఎన్‌.వి.వేణి, వీఎండీ కుమార్‌, సతీష్‌, ఏడుకొండలు, సత్యశ్రీనివాస్‌, నారాయణ, హరినాథ్‌, ఎ.ఎస్‌.నారాయణ పాల్గొన్నారు.
