జాతీయ స్థాయి బాస్కెట్‌ బాల్‌ పోటీలకు ఎంపిక

అంబాజీపేట: స్కూల్‌ గేమ్‌ ఫెడరేషన్‌ ఆఫ్‌ ఇండియా (ఎస్‌ జీ ఎఫ్‌) జాతీయ స్థాయి బాస్కెట్‌బాల్‌ పోటీలకు అంబాజీపేట జెడ్పీ హైస్కూల్‌ విద్యార్థిని మీసాల మౌనిక (పదవ తరగతి) ఎంపికై నట్టు హెచ్‌ఎం కడలి సాయిరామ్‌, పీడీ కుంపట్ల ఆదిలక్ష్మి తెలిపారు. విజయవాడలో ఇటీవల జరిగిన రాష్ట్రస్థాయి అండర్‌ 19 బాస్కెట్‌బాల్‌ పోటీలలో ప్రతిభ కనబరిచి జాతీయ స్థాయి పోటీలకు ఎంపికయిందన్నారు. జనవరిలో రాజస్థాన్‌ రాష్ట్రంలోని బర్మర్‌ పట్టణంలో జరిగే బాస్కెట్‌బాల్‌ పోటీలలో పాల్గొంటుందని ప్రకటనలో పేర్కొన్నారు.