సాక్షి, హైదరాబాద్‌: అమెరికాకు చెందిన మెక్‌ డొనా ల్డ్స్‌ సంస్థ విస్తరణలో భాగంగా హైదరాబాద్‌లో గ్లోబల్‌ కేపబిలిటీ కేంద్రం (జీసీసీ) ఏర్పాటు చేయాలని నిర్ణయించింది. ఈ మేరకు రాష్ట్ర ప్రభుత్వంతో ముఖ్యమంత్రి రేవంత్‌రెడ్డి సమక్షంలో పెట్టుబడుల ఒప్పందాన్ని కుదుర్చుకుంది. బుధవారం శాసనసభలోని సీఎం కార్యాలయంలో జీసీసీ విభాగం చైర్మన్, సీఈవో క్రిస్‌ కెంప్కెజెస్స్కెతోపాటు గ్లోబల్‌ బిజినెస్‌ సర్వీసెస్‌ అధ్యక్షుడు స్కై ఆండర్సన్, చీఫ్‌ గ్లోబల్‌ ఇంపాక్ట్‌ ఆఫీసర్‌ జాన్‌ బ్యానర్, గ్లోబల్‌ ఇండియా హెడ్‌ దేశాంత కైలా సమావేశంలో పాల్గొన్నారు. అనంతరం ఒప్పందంపై సంతకాలు చేశారు. సుమారు 2000 మంది ఉద్యోగులతో మెక్‌డొనాల్డ్స్‌ ఇండియా సంస్థ గ్లోబల్‌ ఆఫీసును నెలకొల్పనుంది. ఈ కేంద్రాన్ని తమతమ ప్రాంతాల్లో ఏర్పాటు చేయాలని పలు రాష్ట్రాలు పోటీపడినప్పటికీ. మెక్‌డొనాల్డ్‌ సంస్థ తెలంగాణను తమ పెట్టుబడులకు గమ్యస్థానంగా ఎంచుకోవటం గర్వంగా ఉందని ఈ సందర్భంగా సీఎం రేవంత్‌రెడ్డి వ్యాఖ్యానించారు. ప్రభుత్వం తరఫున పూర్తి సహాయ సహకారాలు అందిస్తామని హామీ ఇచ్చారు. సంస్థకు అవసరమైన శిక్షణ నైపుణ్యమున్న ఉద్యోగులను నియమించుకునేందుకు యంగ్‌ ఇండియా స్కిల్స్‌ యూనివర్సిటీ సేవలు వినియోగించుకోవాలని సూచించారు. వర్సిటీని స్కిల్‌ జోన్‌గా ఉపయోగించుకొని, ఇక్కడ శిక్షణ పొందిన వారికి గ్లోబల్‌ ఆఫీస్‌లోనే కాకుండా, దేశ విదేశాల్లో తమ ఆఫీసులు, అవుట్‌లెట్లలో ఉద్యోగాలు కల్పించాలని కోరారు. మెక్‌డొనాల్డ్స్‌కు అవసరమైన మొత్తం వ్యవసాయ ఉత్పత్తులను స్థానిక రైతుల నుంచి కొనుగోలు చేసే అంశాన్ని పరిశీలించాలని సీఎం కోరారు. దీంతో రైతుల ఆదాయం పెరుగుతుందని, రాష్ట్ర వ్యవసాయ ఆర్థిక వ్యవస్థకు తోడ్పడుతుందని అభిప్రాయపడ్డారు. హైదరాబాద్‌లో ప్రతిభావంతులు: సీఈవో బెంగళూరు లాంటి ఇతర నగరాలతో పోలిస్తే హైదరాబాద్‌లో ప్రతిభావంతులైన నిపుణులతోపాటు మెరుగైన మౌలిక సదుపాయాలు, నాణ్యమైన జీవన ప్రమాణాలున్నాయని మెక్‌ డొనాల్డ్స్‌ సీఈవో క్రిస్‌ కెంప్కెజెస్స్కె అన్నారు. అందుకే హైదరాబాద్‌ను తమ గ్లోబల్‌ ఇండియా ఆఫీస్‌ సెంటర్‌గా ఎంచుకున్నట్లు చెప్పారు. ప్రపంచవ్యాప్తంగా మెక్‌ డొనాల్డ్స్‌ నిర్వహిస్తున్న కమ్యూనిటీ అభివృద్ధి కార్యక్రమాలను సంస్థ ప్రతినిధులు ముఖ్యమంత్రికి వివరించారు.ప్రస్తుతం తెలంగాణలో 38 మెక్‌డొనాల్డ్స్‌ అవుట్‌లెట్లు ఉన్నాయని, ప్రతి ఏటా 3, 4 కొత్త ఔట్‌లెట్లను విస్తరించే ప్రణాళికలున్నాయని తెలిపారు. గ్లోబల్‌ ఆఫీసు ఏర్పాటుతో రాష్ట్రంలోని యువతకు మరిన్ని ఉపాధి అవకాశాలు లభిస్తాయన్నారు. ఈ కార్యక్రమంలో సీఎస్‌ శాంతికుమారి, పరిశ్రమల శాఖ ప్రత్యేక ప్రధాన కార్యదర్శి జయేశ్‌ రంజన్, సీఎం ప్రత్యేక కార్యదర్శి అజిత్‌ రెడ్డి పాల్గొన్నారు.

మెక్‌డొనాల్డ్స్ ఔట్‌లెట్‌లో ఫుడ్ పాయిజన్ ఒకరి ప్రాణాలను బలితీసుకుంది. డజన్ల కొద్దీ కస్టమర్లు అస్వస్థతతో ఆసుపత్రిలో చేరారు. ఈ ఘటన అమెరికాలో చోటుచేసుకుంది. మెక్‌డొనాల్డ్స్ క్వార్టర్ పౌండర్ హాంబర్గర్‌లో తిన్న ఒకరు ఈ.కోలి (E.coli) బ్యాక్టీరియా సోకి చనిపోయారని, పది మందికిపైగా అస్వస్థతకు గురయ్యారని అమెరికా సెంటర్స్ ఫర్ డిసీజ్ కంట్రోల్ అండ్ ప్రివెన్షన్ (సీడీసీ) మంగళవారం వెల్లడించింది. సెప్టెంబరు చివరి వారంలో ప్రారంభమైన వ్యాప్తి, 10 పశ్చిమ రాష్ట్రాలలో విస్తరించింది. మొత్తం 49 కేసులు నమోదుకాగా.. ఎక్కువగా కొలరాడో, నెబ్రాస్కాలో కేంద్రీకృతమై ఉన్నాయని సీడీసీ తెలిపింది.సీడీసీ ప్రకటన వెలువడి కొద్ది గంటల్లోనే మెక్‌డోనాల్డ్స్ షేర్లు 6 శాతానికిపైగా పతనమయ్యాయి. అస్వస్థతతకు గురైనవారిలో 10 మంది ఆసుపత్రిలో చేరారని, వీరిలో తీవ్రమైన కిడ్నీ సంబంధిత వ్యాధి హేమోలిటిక్ యురేమిక్ సిండ్రోమ్‌తో బాధపడుతోన్న చిన్నారి కూడా ఉంది. కొలరాడోలో ఓ వ్యక్తి మృతిచెందినట్టు సీడీసీ తెలిపింది. అస్వస్థతకు గురైన వ్యక్తులందరిలోనూ ఈ.కోలి బ్యాక్టీరియా ఆనవాళ్లు ఉన్నాయని, అనారోగ్యం బారిన పడటానికి వీరు ముందు మెక్‌డొనాల్డ్స్‌లో ఆహారం తీసుకున్నట్లు పేర్కొంది.వీరి అనారోగ్యానికి కారణమైన ఖచ్చితమైన పదార్ధాన్ని పరిశోధకులు ఇంకా గుర్తించనప్పటికీ, ఉల్లిపాయ ముక్కలు, బీఫ్‌‌ల(గొడ్డు మాంసం) కారణంగా ఇలా జరిగి ఉండొచ్చని భావిస్తున్నారు. దీనిపై విచారణ పెండింగ్‌లో ఉన్న ప్రభావిత రాష్ట్రాల్లోని రెస్టారెంట్లు ఈ రెండింటి వాడకాన్ని తొలగించాయి. ‘నాకు, మెక్‌డొనాల్డ్స్‌లోని ప్రతి ఒక్కరికీ ఆహార భద్రత చాలా ముఖ్యం. ఎంపిక చేసిన రాష్ట్రాల్లోని మా ఔట్‌లెట్‌లలో ముక్కల చేసి ఉల్లిపాయల వినియోగించరాదని నిర్ణయం తీసుకున్నాం’ అని ఆ సంస్థ అమెరికా విభాగం ఛైర్మన్ జో ఎర్లింగర్ ఒక వీడియో విడుదల చేశారు.మెజార్టీ రాష్ట్రాలు ఈ.కోలికి ప్రభావితం కాలేదని, వ్యాధి ప్రభావిత రాష్ట్రాల్లో బీఫ్ ఉత్పత్తుల సమా ఇతర ఆహార పదార్థాలు అందుబాటులో ఉన్నాయని ఆయన పేర్కొన్నారు. ఇక, క్వార్డర్ పౌండర్‌లో ఆహారం తిని, డయోరియా, తీవ్రమైన జ్వరం, వాంతులు వంటి ఈ-కోలి లక్షణాలు బయటపడితే వైద్య సహాయం తీసుకోవాలని సీడీసీ సూచించింది. ఈ బ్యాక్టీరియా సోకిన మూడు నాలుగు రోజుల తర్వాత లక్షణాలు బయటపడతాయి. అయితే చాలా మంది నాలుగు నుంచి ఏడు రోజుల్లోపే ఎలాంటి చికిత్స లేకుండానే కోలుకుంటారు. అయినప్పటికీ కొన్ని కేసులు తీవ్రంగా మారడం వల్లపరిస్థితి విషమించి ఆసుపత్రుల్లో చేరాల్సి వస్తుంది.

అమెరికన్ మల్టీనేషనల్‌ ఫాస్ట్ ఫుడ్ చైన్ మెక్‌డొనాడ్స్‌కు భారత్‌లో ‘చీజ్‌ బర్గర్లు’ తిప్పలు తెచ్చిపెట్టాయి.  పశ్చిమ, దక్షిణ భారతదేశంలో మెక్‌డొనాల్డ్స్ రెస్టారెంట్‌లను నిర్వహించే వెస్ట్‌లైఫ్ ఫుడ్‌వరల్డ్ లిమిటెడ్ ఫుడ్‌ ఐటమ్స్‌ పేర్లు మార్చినట్లు కొన్ని మీడియా కథనాల ద్వారా తెలిసింది. ఇంతకీ ఏం జరిగిందో ఇప్పుడు తెలుసుకుందాం.. మహారాష్ట్ర ఫుడ్ & డ్రగ్స్ అడ్మినిస్ట్రేషన్ గత ఏడాది నెల రోజులపాటు విచారణ జరిపి ఈ ఫాస్ట్ ఫుడ్ చైన్ బర్గర్లు,  నగ్గెట్‌లలో వెజిటబుల్ ఆయిల్ వంటి చౌకైన చీజ్ ప్రత్యామ్నాయాలను ఉపయోగిస్తోందని తేల్చింది. మెక్‌డొనాల్డ్స్‌లో అందించే బ్లూబెర్రీ చీజ్‌కేక్‌లలో హైడ్రోజనేటెడ్ వెజిటబుల్ ఆయిల్ కంటెంట్ ఉన్నందున వాటిని చీజ్‌కేక్‌గా నిర్వచించలేమని ఫుడ్ రెగ్యులేటరీ బాడీ తీర్పు చెప్పింది. మెక్‌డొనాల్డ్ సరైన లేబులింగ్ లేకుండా అనేక వస్తువులలో చీజ్ ప్రత్యామ్నాయాలను ఉపయోగిస్తోందని, తద్వారా  నిజమైన చీజ్ తింటున్నట్లు వినియోగదారులను తప్పుదారి పట్టించారని ఆరోపించింది. అహ్మద్‌నగర్‌లోని మెక్‌డొనాల్డ్స్ అవుట్‌లెట్ లైసెన్స్‌ను తాత్కాలికంగా నిలిపివేసింది.  ఫుడ్‌ ఐటమ్స్‌ పేర్లలో "చీజ్‌" అనే పదాన్ని వెస్ట్‌లైఫ్ లిమిటెడ్ తొలగించిందని, ఈ మేరకు సవరించిన మెనూను మహారాష్ట్ర ఫుడ్ & డ్రగ్స్ అడ్మినిస్ట్రేషన్ తెలియజేసిందని డిసెంబర్ 18 నాటి లేఖను ఉటంకిస్తూ ఎన్‌డీటీవీ ప్రాఫిట్‌ కథనాన్ని ప్రచురించింది. కేసు అహ్మద్‌నగర్‌కు సంబంధించినది అయినప్పటికీ, దిద్దుబాటు చర్యను జాతీయంగా విస్తరించడం కోసం ఫాస్ట్‌ఫుడ్ చైన్‌పై ఫుడ్ సేఫ్టీ & స్టాండర్డ్స్ అథారిటీ ఆఫ్ ఇండియా కఠినంగా వ్యవహరిస్తుందో లేదో చూడాలి.

మనం రెస్టారెంట్‌కి లేదా హోటల్‌కి వెళ్లితే..నిర్వాహకులు మంచి వేడి..వేడిగానే ఆహారం తీసుకొస్తారు. ఒకవేళ తొందరపడి తింటే..కాలినా.. అక్కడ ఉన్న సర్వర్‌పై అరవలేం. పైగా కేసు పెట్టను కూడా పెట్టం. కానీ ఓ కుటుంబం వేడిగా ఉందని మాకు చెప్పలేదు, అందువల్లే మా పాపకు కాలిపోయిందని కోర్టు మెట్లు ఎక్కింది. పైగా మెక్‌డొనాల్డ్స్‌ కంపెనీని ముక్కుపిండి మరీ డబ్బులు వసూలు చేసింది ఓ కుటుంబం. ఈ ఘటన యూఎస్‌లో చోటు చేసుకుంది. వివరాల్లోకెళ్తే..ఫ్లోరిడాలోని ఫిలానా హోమ్స్‌, ఆమె భర్త, తన నాలుగేళ్ల పాప ఒలివియా కారబల్లోతో కలిసి మెక్‌డొనాల్డ్స్‌కి వెళ్లారు. అప్పుడు వారు తమ చిన్నారి కోసం హాట్‌ చికెన్‌ మెక్‌ నగెట్‌ని ఆర్డర్‌ చేశారు. అది కాస్త తినే తొందరలో చిన్నారి తొడపై పడటంతో.. తీవ్ర గాయమైంది. దీంతో ఆ జంట ఆహరం వేడిగా ఉందని ఎందుకు చెప్పలేదంటూ గొడవ చేసింది. తమకు న్యాయం కావలంటూ..కోర్టు మెట్లు ఎక్కింది. చికెన్‌లోని సాల్మొనెల్లా విషాన్ని నివారించడానికి 160 డిగ్రీల హీట్‌ కంటే ఎక్కువ వేడి చేయకూడదు. కానీ మెక్‌డొనాల్డ్స్‌ 200 డిగ్రీ వేడితో ఉన్న చికెన్‌ నగ్గెట్‌ని ఇచ్చిందని వాదించింది. తన కూతురు ఒలివియాకు అయిన గాయాన్ని, దానివల్ల ఆమె అనుభవించిన బాధను ఆధారంగా చూపించింది. అంతేగాదు ఇప్పటికీ తన కూతురు చికెన్‌ నగెట్‌ని తింటోంది. కానీ ఇలా జరగలేదు కదా అని గట్టిగా తన వాదన వినిపించింది. దీంతో కోర్టు.. అక్కడ చిన్నారుల హక్కుల ప్రకారం ఆమెకి జరిగిన గాయానికి గానూ పరిహారంగా సదరు మెక్‌డొనాల్డ్స్‌ ఏకంగా ఆరు కోట్లు నష్టపరిహారం చెల్లించాలని గత బుధవారమే ఆదేశించింది. అంతేగాదు ముందుగా గత నాలుగేళ్లకు పరిహారంగా రూ. 3.27 కోట్లు చెల్లించాలని ఆ తర్వాత మిగతా డబ్బును నిర్ణిత గడువులోపల చెల్లించాలని పేర్కొంది. పాపం మెక్‌ డొనాల్డ్‌కి ఓ రేంజ్‌లో దిమ్మతిరిగే షాక్‌ ఇచ్చిందిగా సదరు కుటుంబం.  (చదవండి: 'గోల్డెన్‌ వాటర్‌ స్పౌట్‌'..ప్రకృతి అద్భుతం)

చెట్టెక్కి కూర్చున్న టొమాటో ధర సామాన్య ప్రజల్నే కాదు.. కార్పొరేట్‌ ఫుడ్‌ చైన్‌లను కూడా వణికిస్తోంది. ముఖ్యంగా ఫాస్ట్ ఫుడ్ చైన్ మెక్‌డొనాల్డ్స్ కి టొమాటో మంట సెగ బాగా తగిలింది.  టొమాటో ధర ఆకాశాన్నంటడంతో సాధారణ జనం టొమాటో లేకుండానే కాలం గడిపేయాల్సిన పరిస్థితి ఏర్పడింది. అటు  రెస్టారెంట్లు కూడా టొమాటో లేకుండానే వంటకాలను వడ్డించేందుకు సిద్ధమైపోతున్నాయి. (నిమిషాల్లో రూ.500 కోట్లు: ప్రముఖ ఇన్వెస్టర్‌కి కలిసొచ్చిన అదృష్టం, కారణం!) రికార్డు స్థాయికి చేరిన ధరల సెగతో మెక్‌డొనాల్డ్స్ మెనూ నుంచిటొమాటోను తొలగించేసింది. పెరిగిన ధరలు, సరఫరా లేకపోవడంతో టొమాటో లేకుండానే బర్గర్‌లు, పిజ్జాలాంటి వాటిని సరఫరా చేస్తోంది. తమ నాణ్యతా ప్రమాణాలకు తగినసరఫరా లేకపోవడమే  కారణమంటూ నోటీసులు అంటించడం ఇపుడు హాట్‌టాపిక్‌గా నిలిచింది. ఇందుకు సంబంధించిన చిత్రాలు ఇప్పుడు సోషల్‌ మీడియాలో వైరల్‌ అవుతున్నాయి.(World Richest Beggar Bharat Jain: వరల్డ్‌లోనే రిచెస్ట్ బిచ్చగాడు ఎవరో తెలుసా? ఎన్ని కోట్ల ఆస్తి తెలిస్తే..?) ఎంత ప్రయత్నించినా ప్రపంచ స్థాయిలో ఉండే నాణ్యతా ప్రమాణాలకు తగిన టొమాటో  దొరకడం లేదు. అందుకే కొన్నాళ్లు టొమాటో లేని ఆహార ఉత్పత్తులను అందించాల్సి వస్తోంది. దిగుమతికీ  కష్టపడుతున్నాం' అంటూ ఢిల్లీని కన్నాట్‌ ప్లాజా రెస్టారెంట్లలో నోటీసులు అతికించింది. సప్లయ్‌ చెయిన్‌లో నాణ్యమైన సమస్యలే కాకుండా,ధరల సమస్య కూడా తలెత్తిందని నిర్వాహకులు తెలిపారు. (40వేల కోట్లను తృణప్రాయంగా త్యజించిన బిలియనీర్‌ ఏకైక కొడుకు..ఏం చేశాడో తెలుసా?) కాగా వాతావరణ పరిస్థితులు, భారీ వర్షాలతో దేశంలో టొమాటో దిగుబడి బాగా పడిపోయింది. ఫలితంగా అనేక నగరాల్లో కిలో టొమాటో రూ. 100 నుంచి 200వరకు పలుకుతున్న సంగతి తెలిసిందే. అంతేకాదు టొమాటాల కొరత కారణంగా ప్రత్యామ్నాయాల్ని వాడటమని సూచనలు, ప్రకటనలు ఊపందుకున్నాయి. ముఖ్యంగా “టొమాటో ధరలు పెరుగుతున్నాయా? బదులుగా టొమాటోప్యూరీ వాడుకోండి”  అంటూ టాటా  బిగ్‌బాస్కెట్ షాపింగ్ యాప్‌ ప్రకటనను  విశేషంగా నిలుస్తోంది. గతంలో ఉల్లిపాయ ధరలు కూడా బాగా పెరిగినపుడు ఉల్లికి బదులుగా క్యాబేజీని వాడిన వైనాన్ని జనం గుర్తు చేసుకుంటున్నారు. 

 ప్రముఖ దిగ్గజ ఫాస్ట్‌ ఫుడ్‌ సంస్థ మెక్‌ డొనాల్డ్స్‌ కీలక నిర్ణయం తీసుకుంది.  కస్టమర్లు బిట్‌ కాయిన్‌లతో బిల్‌ పేమెంట్స్‌ చేసుకోవచ్చని తెలిపింది.  స్విట్జర్లాండ్‌ దేశం లుగానో నగరంలో బిట్‌కాయిన్, అసెట్ బ్యాక్డ్ స్టేబుల్‌ కాయిన్ టెథర్‌ చెల్లింపులకు మెక్‌ డొనాల్డ్స్‌ అంగీకరించింది. ఈ ఏడాది మార్చి నెలలో లుగానో అధికారులు టెథర్ ఆపరేషన్స్ లిమిటెడ్‌తో ఒప్పందం కుదుర్చుకున్నారు. తద్వారా  డిజిటల్ కరెన్సీలను ఉపయోగించి ట్యాక్స్‌ చెల్లింపులు పన్నులు, వస్తువుల కొనుగోలు చేసేలా లుగానో నివాసితులకు అనుమతించింది.  🇨🇭 Paying at McDonald's with #Bitcoin in Lugano, Switzerland. pic.twitter.com/8IdcupEEKQ — Bitcoin Magazine (@BitcoinMagazine) October 3, 2022 బిట్‌ కాయిన్‌ చెల్లింపుకు సంబంధించిన ఓ వీడియో వైరల్‌ అవుతుంది. ఆ వీడియో ప్రకారం..మెక్‌డొనాల్డ్స్ రెస్టారెంట్‌లో ఫుడ్‌ లవర్స్‌ డిజిటల్ కియోస్క్‌లో ఫుడ్‌ ఆర్డర్ చేసి, ఆపై మొబైల్ యాప్ సహాయంతో బిల్‌ పే చేస్తున్న దృశ్యాల్ని మనం గమనించవచ్చు.

‘ఊపిరి’ సినిమా చూశారా? అందులో మోడర్న్‌ ఆర్ట్‌ ఎగ్జిబిషన్‌కు వెళ్లిన హీరో... జనం వాటికి ఎందుకన్ని లక్షల పెడుతున్నారో అర్థంకాక.. నవ్వుకుంటాడు. ఇంటికొచ్చి తనూ ఓ పెయింటింగ్‌ వేసి లక్షలకు అమ్మేస్తాడు. గుర్తుందా? అచ్చం అలాంటి సంఘటనే ఆస్ట్రేలియా లో జరిగింది. ఆర్టిస్ట్‌ మాథ్యూ గ్రిఫిన్‌... మెక్‌డొనాల్డ్స్‌ చీజ్‌ బర్గర్‌ తింటుండగా, అందులోని ఓ పికిల్‌ పీస్‌ వెళ్లి సీలింగ్‌కు తగిలింది. తెల్లని సీలింగ్‌పై అదో అద్భుతమైన చిత్రంగా తోచిందతనికి. ఇంకేముంది... ఆ పాపులర్‌ పికిల్‌తో చిత్రాన్ని రూపొందించి.. ఓ ఆస్ట్రేలియన్‌ ఎగ్జిబిషన్‌లో ఉంచాడు. దానికి ‘పికిల్‌’ అని పేరు పెట్టి, రూ.4లక్షలు ధర నిర్ణయించాడు. సిడ్నీ ఎగ్జిబిషన్‌లోని ఫైన్‌ ఆర్ట్స్‌లో ప్రదర్శించిన 4 ఆర్ట్‌ వర్క్స్‌లో అదీ ఒకటి. జూలై 30 వరకు జరిగిన ఈ ఎగ్జిబిషన్‌ వివరాలను సిడ్నీ ఫైన్‌ ఆర్ట్స్‌ ఇన్‌ స్టాగ్రామ్‌ పేజ్‌లో పంచుకున్నారు. అంతే.. అది చూసిన నెటిజన్స్‌ ట్రోలింగ్‌ మొదలుపెట్టారు. ‘నేను టీనేజర్‌గా ఉన్నప్పుడు  మెక్‌డొనాల్డ్స్‌కు వెళ్లి అలా చేసినందుకు నన్ను పోలీసులు అక్కడి నుంచి తరిమారు. ఇప్పుడు మాత్రం కళాఖండమైంది’ అంటూ ఓ నెటిజన్‌ స్పందించారు. ఇక ‘ఇలాంటి ఆర్ట్‌వర్క్‌ను ఎలా ప్రదర్శిస్తారు?’ అంటూ చిరాకు పడ్డవా­రూ ఉన్నారు. అయితే ‘ఆన్‌లైన్‌లో ఆ పెయింటింగ్‌పై వచ్చిన హాస్యా స్పద స్పందనను పట్టించుకోవద్దు’ అంటున్నా డు ఫైన్‌ ఆర్ట్స్‌ డైరెక్టర్‌ ర్యాన్‌ మూరే. ఫన్నీగా ఉన్నంత మాత్రాన దానికున్న విలువ, దాని అర్థం మారిపోదని చెబుతున్నాడు.      

మెక్‌డొనాల్డ్స్‌ ప్రపంచంలోనే అత్యంత ఆకర్షణీయమైన లోగోల్లో ఒకటి. ఎరుపు మీద పసుపుపచ్చ రంగులో  అందరికీ తెలిసిందే. కానీ.. అరిజోనాలోని సెడోనాలో ఉన్న ఓబ్రాంచ్‌లో మాత్రం మెక్‌డొనాల్డ్స్‌ లోగో  నీలిరంగులో ఉంటుంది. ప్రపంచమంతటా బంగారు వర్ణంతో మెరిసిపోతుంటే... అక్కడ మాత్రమే నీలి రంగులో ఎందుకుంది? ఎందుకో తెలుసా? సెడోనా... ఎర్రరాతి పర్వతాలు, సహజ అందాలతో అలరారే అద్భుతమైన నగరం. అలాంటి నగర ప్రశాంతతకు అంతరాయం కలిగించే ఏ నిర్మాణాలను, కట్టడాలను స్థానిక అధికారులు అనుమతించరు. నగరంలో ఏం నిర్మించాలన్నా కొన్ని రూల్స్‌ అండ్‌ రెగ్యులేషన్స్‌ ఉన్నాయి. మెక్‌డొనాల్డ్స్‌ 1993లో సెడోనాలో తన అవుట్‌లెట్‌ను ప్రారంభించాలనుకున్నప్పుడు కూడా స్థానిక అధికారులు దాని పసుపురంగు లోగోపై అభ్యంతరం చెప్పారు. దానికి బదులుగా ఆహ్లాదకరంగా ఉండే నీలిరంగును వాడాలని సూచించారు. టీంతో అధికారుల ఆదేశాల మేరకు మెక్‌డొనాల్డ్స్‌ అలాగే ఏర్పాటు చేసింది. ఇప్పుడు అదికూడా పర్యాటకులను ఆకట్టుకుంటోంది. ఇక్కడికి వచ్చినవారెవరూ అరుదైన ఈ లోగోముందు ఫొటో తీసుకోకుండా వెళ్లరు.   

మాస్కో: అమెరికా ఫాస్ట్‌ ఫుడ్‌ దిగ్గజం మెక్‌డొనాల్డ్స్‌ కీలక ప్రకటన చేసింది. రష్యా మార్కెట్‌ నుంచి పూర్తిస్థాయిలో శాశ్వతంగా నిష్క్రమిస్తున్నట్లు సోమవారం ప్రకటించేసింది. ముప్ఫై ఏళ్ల బంధానికి ముగింపు పలుకుతున్నట్లు ఓ ప్రకటనలో మెక్‌డొనాల్డ్స్‌ కార్పొరేషన్‌ వెల్లడించింది. ఉక్రెయిన్‌ పరిణామాల తర్వాత ఆంక్షల నేపథ్యంలో.. రష్యా ఒంటరి అయిపోయిన సంగతి తెలిసిందే. ఇప్పటికే పాశ్చాత్య దేశాలకు చెందిన బోలెడు కంపెనీలు రష్యాను వీడాయి. తాజాగా ఫ్రెంచ్‌ ఆటోమేకర్‌ రెనాల్డ్‌ తమ రష్యా ఆస్తుల్ని.. మాస్కో​ ప్రభుత్వానికి అప్పజెప్తున్నట్లు ప్రకటించింది కూడా. ఈ తరుణంలో.. మెక్‌డొనాల్డ్స్‌ మార్చి నెలలోనే రష్యా వ్యాప్తంగా ఉన్న 850 రెస్టారెంట్‌లను మూసేసింది. దీంతో 62 వేల మందికి పని లేకుండా పోయింది. అయితే ఈ సంక్షోభ పరిణామంపై తాజాగా సోమవారం మరో ప్రకటన విడుదల చేసింది. రష్యా మార్కెట్‌ నుంచి పూర్తిగా వైదొలుగుతున్నట్లు పేర్కొంది. అంతేకాదు.. అక్కడి మార్కెట్‌ను స్థానిక ఫుడ్‌ ఫ్రాంచైజీలకు అమ్మేయనున్నట్లు తెలిపింది. అంతేకాదు ఇకపై మెక్‌డొనాల్డ్స్‌ అనే బ్రాండ్‌ రష్యాలో కనిపించబోదని స్పష్టం చేసింది. ఉద్యోగులకు, సప్లయర్లకు ఈ నిర్ణయం కష్టతరంగానే ఉండొచ్చని తెలిపింది. 32 ఏళ్లుగా మెక్‌డొనాల్డ్స్‌ ఫ్రాంచైజీలు రష్యాలో కొనసాగుతూ వస్తున్నాయి. ఒకానొక టైంలో అక్కడి ఫుడ్‌ ఫ్రాంచైజీలను మెక్‌డొనాల్డ్స్‌ డామినేట్‌ చేసింది కూడా.

ఉక్రెయిన్‌పై రష్యా దాడులు 19వ రోజుకు చేరుకున్నాయి. ఈ దాడుల నేపథ్యంలో దిగ్గజ సంస్థలకు రష్యా హెచ్చరికలు జారీ చేసింది. ఉక్రెయిన్‌ పై చేస్తున్న దాడుల్లో రష్యాకు వ్యతిరేకంగా విమర్శలు చేస్తే ఊరుకునేది లేదని టెక్‌ దిగ్గజాలకు వార్నింగ్‌ ఇచ్చింది. గీత దాటితే సదరు సంస్థలకు చెందిన కార్పొరేట్‌ సంస్థల ఆస్థులతో పాటు ప్రతినిధుల్ని అరెస్ట్‌ చేస్తామని స్పష్టం చేస్తుంది.  ఉక్రెయిన్‌ పై రష్యా చేస్తున్న వికృత క్రీడను ఆపాలంటూ టెక్‌ దిగ్గజాలు తమ కార్యకలాపాల్ని నిలిపివేస్తున్నాయి. ఇప్పటికే యురేపియన్‌ యూనియన్‌ దేశాలతో పాటు 50కి పైగా టెక్‌ కంపెనీలు త‌మ స‌ర్వీసుల‌ను ర‌ష్యాలో యుద్ధ‌ ప్రాతిప‌దిక‌న నిలిపివేశాయి. ఈ నేపథ్యంలో రష్యా ప్రభుత్వం యురేపియన్‌ యూనియన్‌ దేశాలకు చెందిన దిగ్గజ కంపెనీలకు వార్నింగ్‌ ఇచ్చిందంటూ ది వాల్ స్ట్రీట్ జర్నల్ నివేదించింది.   వాల్ స్ట్రీట్ జర్నల్ ప్రకారం, ఇప్పటికే అనేక కంపెనీలను రష్యా ప్రభుత్వం బెదిరించినట్లు తెలుస్తోంది. మెక్‌డొనాల్డ్స్, ఐబీఎం, ఇంటర్నేషనల్ బిజినెస్ మెషీన్స్ కార్ప్, యమ్ కార్ప్, కేఎఫ్‌సీ, పిజ్జా హట్ కంపెనీలకు వార్నింగ్‌ ఇచ్చాయి. రష్యాకు వ్యతిరేకంగా మాట్లాడితే ఆస్తుల్ని స్వాధీనం చేసుకుంటామని, సీఈఓ లాంటి ఉన్నత స్థాయి ఎగ్జిక్యూటివ్‌లను అరెస్ట్‌ చేస్తామని సూచించింది. దీంతో పలు కంపెనీలు రష్యా నుంచి ఉన్నతస్థాయిలో ఎగ్జిక్యూటివ్‌లను బదిలీ చేస్తున్నాయి. తాజాగా రష్యాలో తమ రెస్టారెంట్లను తాత్కాలికంగా మూసివేస్తున్నట్లు, కార్యకలాపాలను నిలిపివేస్తున్నట్లు మెక్‌డొనాల్డ్ ప్రకటించింది. రష్యాలో పనిచేస్తున్న 62వేల మంది  ఉద్యోగులకు జీతాలు చెల్లిస్తామని కంపెనీ ఒక ప్రకటనలో తెలిపింది. చదవండి: గూగుల్‌ హైడ్రామా! రష్యాకు మరో కోలుకోలేని దెబ్బ!

విజయానికి వయసు ఎప్పటికీ అడ్డంకి కాదు. సాధారణంగా 16, 17 యేళ్ల నుంచి అంతకంటే పెద్ద వయసున్నవారు బిజినెస్‌ లేదా జాబ్‌ చేయడం చూస్తుంటాం! కానీ 10 యేళ్ల వయసున్న పిల్లలెవరైనా నెల​కు ఏకంగా కొట్ల రూపాయలను సంపాదించడం కనీవినీ ఎరుగునా? మీరు విన్నది అక్షరాల నిజం.. ఐతే ఇదంతా ఎలా సాధ్యపడిందబ్బా! అని ఆశ్చర్యంతో తలమునకలైపోతున్నారని తెలుస్తుందిలే.. వివరాల్లోకెళ్తే.. ఆస్ట్రేలియాకు చెందిన పిక్సిస్‌ కర్టిస్‌ అనే 10 యేళ్ల బాలిక తల్లి సహాయంతో బొమ్మల వ్యాపారం (టాయ్‌ బిజినెస్‌) చేస్తోంది. తద్వారా నెలకు రూ.1 కోటి 4 లక్షలకు పైనే సంపాదిస్తోంది. కలర్‌ఫుల్‌ బొమ్మలతోపాటు, ఆకర్షనీయమైన హెయిర్‌ బ్యాండ్స్‌, క్లిప్స్‌ వంటి (హెయర్‌ యాక్ససరీస్‌) వాటిని నెముషాల్లో అమ్మి పెద్ద మొత్తంలో ఆర్జిస్తుంది. బాలిక తల్లి రాక్సి మీడియాతో మాట్లాడుతూ.. ‘చాలా చిన్న వయసులోనే నా కూతురు బిజినెస్‌లో విజయం సాధించి నా కలను నెరవేర్చింది. నాచిన్నతనంలో 14 యేళ్ల వయసులో మెక్‌డోనాల్డ్స్‌లో పనిచేశాను. కానీ నా కూతురు అంత​​కంటే ఎక్కువే సంపాదిస్తోంది. పిక్సిస్‌ సిడ్నీలో ప్రైమరీ స్కూల్‌లో చదువుతూ బిజినెస్‌ చేస్తోంది. తానుకోరుకుంటే 15 యేళ్లకే రిటైర్‌ అయ్యేలా కూడా ప్లాన్‌ చేశాం. అంతేకాదు కోటి 41 లక్షల రూపాయల విలువైన మెర్సిడెస్‌ కారు కూడా నా కూతురికి ఉంద’ని పేర్కొంది. చదవండి: ‘ఇప్పటికే ఇద్దరాడపిల్లల్ని కన్నాను’..! రోజుల పసికందును చంపిన తల్లి..

ఫుడ్‌ ఛాలెంజ్‌లో పాల్గొని విజయాలు సాధించినవారు కొందరైతే, మరికొందరేమో దీనిని చాలా సీరియస్‌గా తీసుకుని, గెలవాలనే తాపత్రయంలో​ ప్రాణాలమీదకు తెచ్చుకుంటారు. సాధారణంగా ఎవరైనా ఒకటి లేదా రెండు బర్గర్లు తినగానే ఇక మావల్లకాదని చేతులెత్తేస్తారు! అలా కాదని బలవంతంగా ఎక్కిస్తే ఇక వాంతులే.. కానీ ఇప్పుడు మీరు తెలుసుకోబోయే వ్యక్తి కేవలం 24 నిముషాల్లో ఎన్ని బర్గర్లు తిన్నాడో తెలిస్తే... ఖచ్చితంగా నోరెల్లబెడతారు. ఇంగ్లాండ్‌కు చెందిన కైలీ గిబ్సన్‌ (23) అనే వ్యక్తి ‘మెక్‌డోనల్డ్స్‌ క్రిస్టమస్‌ ఛాలెంజ్‌'లో పాల్గొని కేవలం 24 నిముషాల్లో ఏకంగా 6 బర్గర్లు లాగించేశాడు. పైగా ఇదంతా నాకు చాలా మామూలు విషయమని అంటున్నాడు కూడా. నిజానికి కైలీ గిబ్సన్‌ ప్రొఫెషనల్‌ ఈటర్‌. గత కొన్ని యేళ్లగా ప్రతిరోజూ లెక్కలేనన్ని లార్జ్‌ మీల్‌ ఈటింగ్‌ కాంపిటీషన్లలో పాల్గొంటున్నాడట కూడా. వీటికి సంబంధించిన వీడియోలను తన సోషల్‌ మీడియా ఎకౌంట్లలో చూడొచ్చు.  ఐతే తినడం వరకూ సరే! మరి తిన్నదంతా ఎలా అరిగించుకుంటాడనేది ప్రతి ఒక్కరి ప్రశ్న. అతని సమాధానం ఏమిటో తెలుసా.. కాంపిటీషన్‌లో పాల్గొనడానికి ముందు, తిన్న తర్వాత భారీ స్థాయిలో వర్క్‌ఔట్స్‌ చేస్తానని చాలా తేలిగ్గా చెప్పేస్తున్నాడండీ..! మరి మీరేమంటారు.. చదవండి: వృత్తేమో టీచర్‌... వారానికోసారి మాత్రమే స్నానం.. కాస్తమీరైనా చెప్పండి!!

పిల్లలు ఆకలి అనడంతో ఆన్‌లైన్‌లో ఫుడ్‌ ఆర్డర్‌ చేసింది ఓమహిళ. ఆర్డర్‌ పెట్టిన తర్వాత తన అడ్రస్‌ బదులు స్నేహితురాలి ఇంటి చిరునామా ఇచ్చినట్లు గుర్తించింది. వెంటనే డెలివరీ బాయ్‌కు కాల్‌ చేసి.. ఆర్డర్‌లో ఉన్న అడ్రస్‌కు కాకుండా.. తన ఇంటికి ఫుడ్‌ తీసుకురమ్మని కోరింది. అందుకు అంగీకరించని డెలివరీ బాయ్‌.. ఆమె ఆర్డర్‌ చేసిన ఆహారాన్ని చెత్తలో పడేసి వెళ్లిపోయాడు. ఈ విషయాన్ని ఆమె సోషల్‌ మీడియాలో షేర్‌ చేయడంతో సదరు డెలివరీ బాయ్‌పై విమర్శలు కురిపిస్తున్నారు నెటిజనులు. ఆ వివరాలు..  ఈ సంఘటన ఎక్కడ జరిగింది అనే వివరాలు తెలియవు.  జీనెట్ ఎరిక్సన్-గ్రే అనే మహిళ తన ఏడు సంవత్సరాల కుమార్తె కోసం ఉబర్‌ ఈట్స్‌లో మెక్‌డోనాల్డ్స్‌ హ్యాపీ మీల్స్‌ ఆర్డర్‌ చేసింది. ఆ తర్వాత అడ్రస్‌లో తన ఇంటి చిరునామాకు బదులు.. ఫ్రెండ్‌ అడ్రస్‌ ఉన్నట్లు గుర్తించింది. వెంటన్‌ డెలివరీ బాయ్‌కు కాల్‌ చేసి.. అడ్రస్‌ తప్పుగా ఉంది.. అందులో ఉన్న చిరునామాకు కాకుండా.. ఇప్పుడు తాను చెప్పబోయే అడ్రస్‌కు ఆర్డర్‌ తీసుకురావాల్సిందిగా కోరింది. (చదవండి: కాఫీ లేట్‌ అవుతుందని చెప్పినందుకు ఎత్తి పడేసింది.. అంతా షాక్‌!) అందుకు డెలివరీ బాయ్‌ ఒప్పుకోలేదు. ‘‘మొదట ఇచ్చిన అడ్రస్‌కే ఆర్డర్‌ తీసుకువచ్చి ఇస్తాను అన్నాడు. కావాలంటే మీరే మీ స్నేహితురాలి ఇంటికి రండి’’ అని తెలిపాడు. అందుకు ఆ మహిళ బయట వ‍ర్షం వస్తుంది.. ఆర్డర్‌లో ఉన్న అడ్రస్‌కు సమీపంలోనే మా ఇల్లు ఉంది.. దయచేసి రండి.. కావాలంటే ఎక్స్‌ట్రా మనీ పే చేస్తాను అని తెలిపింది. తన ఇంటి అడ్రస్‌ని సెండ్‌ చేసింది. కానీ డెలివరీ బాయ్‌ అందుకు ససేమీరా అన్నాడు.  ఆ తర్వతా సదరు డెలివరీ బాయ్‌ జీనెట్‌కు ఓ ఫోటో షేర్‌ చేశాడు. మీ ఆర్డర్‌ని ఇక్కడ పడేశాను.. వెళ్లి తీసుకోండి అని మెసేజ్‌ చేశాడు. తీరా చూస్తే అది తన స్నేహితురాలి ఇల్లు కూడా కాదు.. ఎక్కడో రోడ్డు పక్కన చెత్తలో తాను ఆర్డర్‌ చేసిన ఫుడ్‌ని పడేసి వెళ్లాడు. ఇక చేసేదేం లేక జీనెట్‌ తన పిల్లలను తీసుకుని.. డెలివరీ బాయ్‌ పంపిన ఫోటోలోని చోటకు వెళ్లింది. కానీ అక్కడ వారికి తాము ఆర్డర్‌ చేసిన ఫుడ్‌ కనిపించలేదు. చేసేదేం లేక ఉత్త చేతులతో అక్కడ నుంచి వచ్చేశారు.  (చదవండి: ఆమె కోపం.. రూ.8కోట్లు తెచ్చింది) ఇక దీని గురించి జీనట్‌ ఉబర్‌ యాప్‌లో ఫిర్యాదు చేసింది. డబ్బులు వెనక్కి ఇవ్వాల్సిందిగా కోరింది. కానీ వారు అంగీకరించలేదు. జరిగిన సంఘటన గురించి జీనట్‌ సోషల​ మీడియాలో షేర్‌ చేయగా.. సదురు డెలివరీ బాయ్‌ని ట్రోల్‌ చేస్తున్నారు నెటిజనులు. వ్యవహారం కాస్త ముదరడంతో ఉబర్‌ యాజమాన్యం దీనిపై స్పందించింది. ‘‘మా డెలివరీ బాయ్‌ ప్రవర్తించిన తీరు పట్ల విచారం వ్యక్తం చేస్తున్నాం. జీనట్‌కు క్షమాపణలు తెలుపుతున్నాం. ఆమె డబ్బులను పూర్తిగా తిరిగి ఇవ్వడమేకాక.. ఉబర్‌ ఈట్స్‌ క్రెడిట్‌ని జీనట్‌కు టిప్‌గా ఇస్తున్నాం’’ అని తెలిపారు. కానీ జీనట్‌ మాత్ర మళ్లీ జన్మలో ఉబర్‌లో ఫుడ్‌ ఆర్డర్‌ చేయనని తెలిపింది.  చదవండి: మెక్‌డొనాల్డ్స్‌ ఫుడ్‌ ఆర్డర్‌ చేసుకోండి‌‌: బర్గర్‌ కింగ్‌

ఇటీవల కాలంలో బయట ఫుడ్‌ తినడం ఎక్కువైపోయింది. రెస్టారెంట్స్‌, హోటల్స్‌ తిరుగుతూ నచ్చిన ఫుడ్‌ను తెగ లాగించేస్తున్నారు. ఒక్కోసారి అక్కడి ఫుడ్‌  లేదా సర్వీస్‌ నచ్చనప్పుడు అసహనం వ్యక్తం చేస్తూ వింతగా ప్రవర్తించడం సహజమే. తాజాగా ఓ రెస్టారెంట్‌ సిబ్బందిపై అసంతృప్తి చెందిన మహిళ అక్కడ వస్తువులను చెల్లాచెదురు చేసింది. ఈ ఘటన అమెరికాలో చోటుచేసుకుంది. అర్కాన్సాస్‌లో ఓ మహిళ మెక్‌డొనాల్డ్స్‌లోకి వెళ్లి కాఫీ ఆర్డర్‌ చేసింది. అయితే కాఫీ తయారికీ నిమిషాలు సమయం పడుతుందని వెయిట్‌ చేయాలని సిబ్బంది కోరింది. దీంతో కాఫీ కోసం అయిదు నిమిషాలు ఆగాలా అని  అసహనానికి లోనైన మహిళ షాప్‌లో బీభత్సం సృష్టించింది.  చదవండి: హ్యాట్సాఫ్‌ ఆర్య: ఎందరికో స్ఫూర్తిగా నిలుస్తున్న తండ్రికూతుళ్లు అక్కడున్న ఆహార ట్రేలను కొట్టింది. టేబుల్‌ నంబర్లను కింద పడేసింది. ఇదంతా  సీసీ కెమెరాల్లో రికార్డయ్యింది. మహిళ ప్రవర్తనపై మెక్‌డొనాల్డ్‌ సిబ్బంది పోలీసులకు ఫిర్యాదు చేసింది. అయితే మహిళ తనకు డయాబెటిస్‌ ఉందని, లో బ్లడ్‌ షుగర్‌ వల్ల ఇలా ప్రవర్తించానని తెలిపింది. ఈ వీడియోను సోషల్‌ మీడియాలో షేర్‌ చేయడంతో వైరల్‌గా మారింది. ఇప్పటికి దీనిని 10 లక్షల మంది వీక్షించారు.  చదవండి: ‘ఛీ.. వ్యూస్‌ కోసం ఇంతకు తెగిస్తావా? Karen Trashes McDonald’s because Her Coffee Took too Long pic.twitter.com/qi0V0MG2mk — Karen (@crazykarens) October 4, 2021

మాకావ్‌: ఫాస్ట్‌ ఫుడ్‌ అంటే ఇష్టముండని వారంటుండరు. సామాన్యూలు నుంచి ధనికులకు వరకు ఫాస్ట్‌ ఫుడ్‌ అంటే చేవి కోసుకుంటారు. అలాంటి ఫాస్ట్‌ ప్రియులంతా లాక్‌డౌన్‌ నిబంధనలను‌ సైతం పక్కన పెట్టి సాహాసాలు చేసిన సందర్భాలు వెలుగు చుస్తున్నాయి. లాక్‌డౌన్‌ కారణంగా సమీప ఫాస్ట్‌ఫుడ్‌ సెంటర్‌లు తెరుచుకోకపోవడంతో ఆస్ట్రేలియాకు చెందిన ఓ వ్యక్తి తనకు ఇష్టమైన బట్టర్‌ చికెన్‌ వెతుక్కుంటూ యూకె బార్డర్‌కు వెళ్లి వచ్చిన సంఘటన సోషల్‌ మీడియాలో ఇటీవల వైరల్‌ అయింది. ఆస్ట్రేలియాకు చెందిన ఆ డ్రైవర్‌ తన ఇంటి నుంచి దాదాపు 32 కిమీ దూరంలో ఉన్న మెయిన్‌ సిటీకి ప్రయాణించాడు. యుకేలోని ఓ డ్రైవర్‌ పిజ్జా కోసం లాక్‌డౌన్‌ నిబంధనలు విస్మరిస్తూ.. గంటకు  72 కిమీ వేగంతో వెళ్లి కొనుగోలు చేశాడు. ఇటీవల జరిగిన ఈ రెండు సంఘటనలు అందరిని ఆశ్చర్యపరచగా... తాజా ఈ ఫాస్ట్‌ ఫుడ్‌ కోసం రష్యా బిలియర్‌ ఏం చేశాడో తెలిస్తే నోళ్లు వెల్లబెట్టాల్సిందే. రష్యాకు చెందిన విక్టోర్‌​ మార్టినవ్‌‌(33) బిలియనీర్‌ తనకు ఇష్టమైన మెక్‌డోనాల్డ్స్‌ ఫెంచ్‌ ప్రైస్‌, బర్గర్‌ కోసం 720కిమీ హెలికాప్టర్‌లో ప్రయాణించి దాదాపు 2,680 డాలర్లు ఖర్చు పెట్టాడు. క్రస్‌నోర్‌ సమీపంలో మెయిన్‌ సిటీలో ఉన్న మెక్‌డోనాల్డ్స్‌కు అతడు తన చాటెడ్‌ హెలికాప్టర్‌లో 450 మైళ్లు ‍ప్రయాణించి పెద్ద పెద్ద మకావ్‌ ప్యాకెట్స్‌, మిల్క్‌ షేక్స్‌, ఫ్రెంచ్‌ ప్రైస్‌, బర్గర్‌లు కొనుగొలు చేశాడు. అయితే అక్కడ హెలికాప్టర్‌ నిలిపెందుకు స్థలం లేనప్పటికి అతడు క్రస్‌నోర్‌కు కాస్తా దూరంలో హెలికాప్టర్‌ను నిలిపి అక్కడి నుంచి నడుచుకుంటూ వెళ్లి మరి ఇష్టమైన ఫెంచ్‌ ప్రైస్‌, మిల్క్‌ షేక్‌, తెచ్చుకున్నాడంట. ఇక దీనిపై మార్టినవ్‌ మాట్లాడుతూ.. ‘నా గర్ల్‌ఫ్రెండ్‌తో కలిసి ఆలుస్తాకు హాలీడే ట్రిప్‌కు వచ్చాను. ఆలుస్తాలోని బ్లాక్‌ సీ సమీపంలో ఓ రిసార్ట్‌లో దిగాం. రిసార్ట్‌లో పెట్టె సాధారణ మాకావ్‌ ఫుడ్‌ తిని విసిగిపోయాం. దీంతో హెలికాప్టర్‌లో క్రస్‌నోర్‌లో ఉన్న మెక్‌డోనాల్డ్స్‌కు వెళ్లి మాకు ఇష్టమైన ఆహారాన్ని తీసుకుని వచ్చాం’ అని ఆయన‌ చెప్పుకొచ్చాడు.  

మన చుట్టూ ఉన్న వాళ్లకు తోచిన సహాయం చేస్తే, సాయం పొందిన వ్యక్తికి, నాకు ఇంత మంది అండగా ఉన్నారే... అనే భావన వారిలో కలుగుతుంది. మనకు కూడా ఎంతో కొంత తృప్తినిస్తుంది. కాసింత ప్రేమ పంచితే చాలు వారి జీవితాన్ని మార్చలేకపోయినా కాస్తైనా ఉపశమనం కలిగించవచ్చు. ముఖ్యంగా దివ్యాంగుల విషయంలో మనం చేసే చిన్న సాయం కూడా వారికి ఊరటనిస్తుంది. మెక్‌డొనాల్డ్‌ సిబ్బంది కూడా ఇదే తరహాలో ఓ వ్యక్తికి సాయం చేసి సోషల్‌ మీడియాలో ప్రశంసలు అందుకుంటున్నారు. మెక్‌డొనాల్డ్స్‌కు వచ్చిన దివ్యాంగుడికి ఓ ఉద్యోగి తన చేతులతో స్వయంగా ఫుడ్‌ తినిపించగా, మరొకరు సాఫ్ట్‌డ్రింక్‌ తాగించి ఔదార్యం ప్రదర్శించారు. ఇందుకు సంబంధించిన వీడియోను ‘ది ఫీల్‌ గుడ్‌ పేజ్‌’ శుక్రవారం ట్విటర్‌లో పోస్ట్ చేయగా, ప్రస్తుతం సోషల్‌ మీడియాలో చక్కర్లు కొడుతోంది. తమ కస్టమర్‌ పట్ల మెక్ డొనాల్డ్స్‌ సిబ్బంది వ్యవహరించిన తీరుపై ప్రశంసలు వెల్లువెత్తుతున్నాయి. లైకులు, రీట్వీట్ల ద్వారా నెటిజన్లు తమ సంతోషాన్ని వ్యక్తం చేస్తున్నారు. (చదవండి: తండ్రి, కూతుర్ల జిమ్.. వైరల్‌)

లండన్‌: కరోనా కాలంలో ఎన్నో సంఘటనలు చేసుకున్నాయి. మహమ్మారి మనుషుల మధ్య దూరాన్ని పెంచినప్పటికీ... మనుషుల్లో మానవత్వాన్ని బయటకు తీసింది. కోవిడ్‌ నేపథ్యంలో విధించిన లాక్‌డౌన్‌ కారణంగా ప్రపంచ దేశాలు తీవ్ర ఆర్థిక సంక్షోభాన్ని ఎదుర్కొన్నాయి. ఈ నేపథ్యంలో తిరిగి తమ ఆర్థిక వ్యవస్థను గాడిలో పెట్టుకునేందుకు శత్రు దేశాలు సైతం మిత్రులుగా మారుతున్నాయి. ఈ తరుణంలో నువ్వా నేనా అంటూ సొంత దేశంలో పోటీపడే ఫుడ్‌ చైన్‌ వ్యాపారాలు కూడా ఈ సంక్షోభంలో మద్దతుగా నిలుస్తున్నాయిని చెప్పడానికి ఈ తాజా సంఘటనే రుజువు. లాక్‌డౌన్‌లో ప్రముఖ వ్యాపార సంస్థలు ఆర్థిక సంక్షభాన్ని ఎదుర్కొంటున్న విషయం తెలిసిందే. దీంతో పలు సంస్థలు ఉద్యోగులపై వేటు వేస్తున్నాయి. దీనివల్ల వేలల్లో ఉద్యోగుల జీవితాలు రోడ్డునే పడే అవకాశం ఉంది. అలాంటి వారిని ఆదుకోవాలంటూ యుకేలోని ప్రముఖ ఫుడ్‌ చైన్‌ వ్యాపార సంస్థ బర్గర్‌కింగ్‌ చేసిన ట్వీట్‌ ప్రపంచ వ్యాప్తంగా ప్రజల హృదయాలను ఆకట్టుకుంటోంది. అమెరికన్ బెస్డ్‌‌ ఫాస్ట్‌ఫుడ్‌ సంస్థ అయిన బర్గర్‌ కింగ్‌ యుకేలోని మెక్‌డొనాల్డ్స్‌, కేఎఫ్‌సీ, పాపా జాన్స్‌, టాకో బెల్స్‌ల ఫుడ్‌ను ఆర్డర్‌ చేసుకుని ఆ సంస్థ ఉద్యోగులను ఆదుకోవాలని సోషల్‌ మీడియా వేదికగా పిలుపునిచ్చింది. (చదవండి: షూ జతలో ఏకంగా 119 అరుదైన సాలీళ్లు) We know, we never thought we’d be saying this either. pic.twitter.com/cVRMSLSDq6 — Burger King (@BurgerKingUK) November 2, 2020 ‘మేము ఇలాంటి ట్వీట్‌ చేస్తామని కలలో కూడా ఊహించలేదు. కానీ రెస్టారెంట్స్‌, ఫుడ్స్‌‌ వ్యాపార సంస్థలలో పని చేసే వేలమంది ఉద్యోగులకు ఇప్పుడు మీ మద్దతు చాలా అవసరం. ఇందుకోసం మీరు కేఎఫ్‌సీ, మెక్‌డోనాల్డ్స్‌ ఆహారం కొనుగోలు చేయండి. వేల మంది ఉద్యోగుల జీవితాలను ఆదుకోండి. అయితే ఈ మహమ్మారి కాలంలో జాగ్రత్త ఉండటం మంచి విషయమే.. కానీ మంచిపని కోసం బయటి ఆహారం ఆర్డర్‌ చేయడం అంత చెడ్డ విషయం కాదు’ అంటూ బర్గర్‌  కింగ్‌ ట్వీట్‌ చేసింది. ప్రస్తుతం ఈ ట్వీట్‌ సోషల్‌ మీడియాలో విపరీతంగా వైరల్‌ అవుతోంది. వ్యాపారంలో పోటీ దారులైన మెక్‌డోనాల్డ్స్‌ ఉద్యోగుల కోసం ఈ ట్వీట్‌ చేసిన బర్గ్‌కింగ్‌ తీరుకు ఫిదా అవుతూ ప్రశంసల జల్లు కురిపిస్తున్నారు. ‘బర్గర్‌ కింగ్‌ చోరవ ఎంతో మందికి స్పూర్తినిస్తుంది. మనం ఎప్పటికీ మన పోటీదారులతో అసమానంగా పోరాడచ్చు. అలాగే అవసరమైన సమయాల్లో వారికి మద్దతుగా కూడా నిలబడవచ్చని  బర్గర్‌ కింగ్‌ రుజువు చేసింది’ , ‘గొప్ప చర్య బర్గర్‌ కింగ్‌, మెక్‌డోనాల్డ్స్‌ అభిమానుల నుంచి భారీ మద్దతు, గౌరవం’ అంటూ నెటిజన్‌లు కామెంట్స్‌ పెడుతున్నారు. (చదవండి: కాకరకాయ, పచ్చిమిర్చి, అల్లం వెల్లుల్లితో రసగుల్లా..)

న్యూయార్క్‌ : కంపెనీ నిబంధనలకు విరుద్ధంగా సంస్థ ఉద్యోగినితో శారీరక సంబంధం నెరిపిన ప్రెసిడెంట్‌, సీఈవో స్టీవ్‌ ఈస్టర్‌బ్రూక్‌పై మెక్‌డొనాల్డ్స్‌ వేటు వేసింది. కంపెనీ విధానాలను ఉల్లంఘిస్తూ పరస్పర అంగీకారంతో ఉద్యోగినితో ఎఫైర్‌ సాగించిన ఈస్టర్‌బ్రూక్‌ను తొలగించాలని బోర్డు నిర్ణయం తీసుకుందని మెక్‌డొనాల్డ్స్‌ ఓ ప్రకటనలో పేర్కొంది. ఈస్టర్‌బ్రూక్‌ స్ధానంలో క్రిస్‌ కెంప్‌స్కీని మెక్‌డొనాల్స్ట్‌ యూఎస్‌ఏ ప్రెసిడెంట్‌గా నియమస్తూ ఆయన డైరెక్టర్‌గా కంపెనీ బోర్డులోనూ అడుగుపెడతారని తెలిపింది. కంపెనీలో నాయకత్వ మార్పునకు సంస్థ నిర్వహణ, ఆర్థిక సామర్థ్యాలకు ఎలాంటి సంబంధం లేదని స్పష్టం చేసింది. కాగా కంపెనీ విధానాలకు విరుద్ధంగా ఉద్యోగినితో తన రిలేషన్‌షిప్‌ పొరపాటు చర్యేనని మెక్‌డొనాల్డ్స్‌ ఉద్యోగులకు పంపిన ఈమెయిల్‌లో ఈస్టర్‌బ్రూక్‌ పేర్కొన్నారు. కంపెనీ పాటించే విలువలను గౌరవిస్తూ తాను తప్పుకోవాలన్న బోర్డు నిర్ణయాన్ని అంగీకరిస్తానని చెప్పారు. ప్రపంచంలోనే దిగ్గజ ఫాస్ట్‌ఫుడ్‌ చైన్‌గా పేరొందిన మెక్‌డొనాల్డ్స్‌కు 100కు పైగా దేశాల్లో 38,000కు పైగా రెస్టారెంట్లు ఉన్నాయి.

బంజారాహిల్స్‌: బంజారాహిల్స్‌ రోడ్‌ నెంబర్‌ 1/10 చౌరస్తాలో ఉన్న సిటీ సెంటర్‌ మాల్‌లో మెక్‌ డొనాల్డ్స్‌ ఆహార కేంద్రంలో ఉడకని చికెన్‌ వడ్డించారంటూ బాధితులు ఆదివారం బంజారాహిల్స్‌ పోలీస్‌స్టేషన్‌లో ఫిర్యాదు చేశారు. పోలీసులు తెలిపిన వివరాల ప్రకారం.. బంజారాహిల్స్‌ రోడ్‌ నెంబర్‌–1లో ఉన్న సిటీ సెంటర్‌ మాల్‌లోకి శివశంకర్‌ అనే జర్నలిస్ట్‌తో పాటు ఆయన స్నేహితుడు శ్రీనివాస్‌ శనివారం రాత్రి షాపింగ్‌కు వెళ్లారు. అనంతరం మెక్‌డొనాల్డ్స్‌లో చికెన్‌ వింగ్స్‌ తినడానికి ఆర్డర్‌ చేశారు. ఆ తరువాత దానిని తింటుండగా సరిగ్గా ఉడకలేదని శివశంకర్‌ గుర్తించారు. ఇదే విషయాన్ని బాధితుడు నిర్వాహకుల్ని నిలదీశాడు. కొన్నిసార్లు ఇలా జరుగుతుంటుందని నిర్లక్ష్యంగా వ్యవహరించారు. మేనేజర్‌ వచ్చి ఇంకో ఆర్డర్‌ తీసుకోవాలని చెప్పి వెళ్లిపోయారు. ఈ చికెన్‌ హర్యానా, పంజాబ్‌ నుంచి సగం ఉడకబెట్టి వస్తుందని, ఇక్కడికి వచ్చాక మళ్లీ మిగతా సగాన్ని ఆర్డర్‌ ఇచ్చిన తర్వాత ఉడకబెట్టి  ఇస్తుంటామని, ఇందులో చిన్న పొరపాటు జరుగుతుందని సర్దిచెప్పారు. అయితే.. తిన్న వెంటనే పచ్చి చికెన్‌ తిన్న ఫీలింగ్‌ రావడం, బయటికి వచ్చి వాంతులు చేసుకోవడం జరిగింది. రాత్రంతా వీరు అస్వస్థతకు గురయ్యారు. ఆదివారం ఉదయం బంజారాహిల్స్‌ పోలీసులకు ఘటనపై ఫిర్యాదు చేసి న్యాయం చేయాలని కోరారు.

న్యూయార్క్‌ : అమెరికా ఫాస్ట్‌ ఫుడ్‌ దిగ్గజ కంపెనీ మెక్‌డొనాల్డ్స్‌కూ ‘మీటూ’ ఉద్యమం తాకింది. మెక్‌డొనాల్డ్స్‌కు వ్యతిరేకంగా రెండు నేషనల్‌ అడ్వకసీ గ్రూప్‌లు లైంగిక వేధింపుల కేసులు నమోదు చేశాయి. 9 నగరాల్లో ఈ ఫాస్ట్‌ ఫుడ్‌ రెస్టారెంట్‌లో పనిచేస్తున్న 10 మంది మహిళల తరుఫున ఈ గ్రూప్‌లు ఈ ఫిర్యాదు దాఖలు చేశాయి. ఈ వర్కర్లలో సెయింట్‌ లూయస్‌కు చెందిన ఓ 15 ఏళ్ల అమ్మాయి కూడా ఉంది. రెస్టారెంట్‌లో పనిచేసే సూపర్‌వైజర్లు తనను లైంగికంగా వేధిస్తున్నారని, అసభ్యకరంగా వ్యవహరిస్తూ.. అసభ్యకర వ్యాఖ్యలు చేస్తున్నారని ఆ అమ్మాయి ఆరోపించింది. ఆ ఒక్క అమ్మాయి మాత్రమే కాక ఫిర్యాదుల్లో తమ గోడును వెల్లబుచ్చుకున్న మహిళలందరూ తాము ఎంత లైంగిక వేధింపులకు గురి అవుతున్నామో వివరించారు. ఉద్యోగుల తక్కువ వేతనాలపై పోరాడుతున్న ఫైట్‌ ఫర్‌ 15 డాలర్స్‌ ఈ వివాదాన్ని నిర్వహిస్తోంది. ఈ కేసులకు అవసరమయ్యే లీగల్‌ కాస్ట్‌లను టైమ్స్‌ యూపీ లీగల్‌ డిఫెన్స్‌ ఫండ్‌ భరిస్తోంది. సొంతంగా ఈ కేసులను కమిషన్లు, కోర్టుల ముందుకు తీసుకురాలేని మహిళల కోసం నేషనల్‌ ఉమెన్స్‌ లా సెంటర్‌ ఈ ఫండ్‌ను ఏర్పాటు చేసింది.  అమెరికా సమాన ఉద్యోగవకాశాల సంఘం వద్ద ఫైట్‌ ఫర్‌ 15 డాలర్స్‌ ఈ ఫిర్యాదులను దాఖలు చేసింది. ఈ లైంగిక వేధింపుల ఫిర్యాదుపై మెక్‌డొనాల్డ్స్‌ అధికార ప్రతినిధి టెర్రి హిక్కీ స్పందించారు. తమ వర్క్‌ప్లేస్‌లో లైంగిక వేధింపులకు, వివక్షకు చోటు లేదన్నారు. లైంగిక వేధింపుల ఆరోపణలను కంపెనీ చాలా సీరియస్‌గా తీసుకుందని హిక్కీ చెప్పారు. ఫిర్యాదుల్లో పేర్కొన్న రెస్టారెంట్‌ పేర్లలో ఫ్రాంచైజీలు నడిపేవే ఎక్కువగా ఉన్నాయని, వాటిని ప్రత్యక్షంగా మెక్‌డొనాల్డ్స్‌ నడపడం లేదని పేర్కొన్నారు. అయితే ఫిర్యాదులను మెక్‌డొనాల్డ్స్‌ కార్పొరేషన్‌కు, ఫ్రాంచైజీలకు వ్యతిరేకంగా నమోదయ్యాయి. గత రెండేళ్ల క్రితం కూడా ఇదే రకమైన లైంగిక వేధింపుల ఆరోపణల ఫిర్యాదులను మెక్‌డొనాల్డ్స్‌కు వ్యతిరేకంగా ఫైట్‌ ఫర్‌ 15 డాలర్స్‌ నమోదు చేసింది. ఆ సమయంలో ఆరోపణలను సమీక్షించి, తగిన చర్యలు తీసుకుంటామని మెక్‌డొనాల్డ్స్‌ హామీ ఇచ్చింది. అయితే పాలసీల్లో ఏమైనా మార్పులు చేశారా అనే విషయంపై  స్పందించడానికి మాత్రం అధికార ప్రతినిధి నిరాకరించారు.  

సన్నటి మంట మీద ఆలివ్‌ ఆయిల్‌ చుక్కలతో ఉడికించిన గొడ్డుమాంసం ముక్కల్ని.. బన్‌ల మధ్యలో ఉంచి, దానికి కాస్త స్పెషల్‌ సాస్‌, అమెరికన్‌ చీజ్‌, పికిల్స్‌, ఆనియన్స్‌ను జతచేస్తే.. హాంబర్గర్‌ రెడీ అయినట్లే. ఇక ప్రఖ్యాత మెక్‌డోనాల్డ్స్‌లో తయారయ్యే బిగ్‌ మాక్‌ హాంబర్గరైతే.. ఎంత వరల్డ్‌ ఫేమసో చెప్పుకోవాల్సిన పనిలేదు. మెక్‌డోనాల్డ్స్‌ ఆహార ఉత్పత్తులు ప్రపంచ వ్యాప్తం కావడాన్ని క్యాపిటలిజం వ్యాప్తిగానూ అభివర్ణించే ఆర్థికవేత్తలు కొందరు.. ఏకంగా ఆకలి సూచికి ‘బిగ్‌ మాక్‌ ఇండెక్స్‌’ అని పేరు కూడా పేరుపెట్టారు. ఇక అమెరికాకే చెందిన ప్రఖ్యాత క్యాపిటలిస్టు, ప్రస్తుత దేశాధ్యక్షుడు డొనాల్డ్‌ ట్రంప్‌ సైతం బిగ్‌ మాక్‌ అంటే నాలుక కోసుకుంటారు. ‘‘దాన్ని అలా అలా నోట్లో పెట్టుకుని కొరికితే.. వావాహ్‌.. ఆ టేస్టే వేరప్ప!’’ అనేది ఒకప్పటి ట్రంప్‌ మాట! ఇప్పుడాయన గొడ్డుమాంసం తినడం మానేశారు! ట్రంప్ ఫిట్‌నెస్‌పై ఆందోళన : పలు అనుమానాలు, విమర్శల నేపథ్యంలో కొద్ది రోజుల కిందట ట్రంప్‌ చేయించుకున్న సంపూర్ణ ఆరోగ్య పరీక్షలు ప్రాధాన్యం సంతరించుకున్న సంగతి తెలిసిందే. నాటి టెస్టుల్లో ఆయన ఆరోగ్యం భేషుగ్గా ఉందని తేలింది. అయితే ఫిట్‌నెస్‌ కాస్త ఆందోళనకరంగాఉంది. 6అడుగుల 3 అంగుళాల ఎత్తు, 71 ఏళ్ల వయసున్న ట్రంప్‌ 239 పౌండ్ల(108.4 కేజీల) బరువున్నారు. ఒబెసిటీ(అధికబరువు) కేటగిరీకి అతి చేరువలో ఉన్న ట్రంప్‌ డైట్‌ పాటించకుంటే ప్రమాదం ఎదుర్కోకతప్పదని వైట్‌హౌస్‌ ఫిజీషియన్‌ డాక్టర్‌ రోనీ జాక్సన్‌ సూచించారు. ఆ మేరకు గడిచిన రెండు వారాలుగా ట్రంప్‌ గొడ్డుమాంసం తినడం పూర్తిగా మానేశారు. అప్పటి నుంచి ఫిష్‌ శాండ్‌విచ్‌ (ఫిష్‌ ఓ ఫిలెట్‌), ఫ్రూట్‌ సలాడ్స్‌, చాక్లెట్‌ మిల్క్‌ షేక్‌లను మాత్రమే తీసుకుంటున్నారు. విషప్రయోగ భయం! : బడా రియల్టర్‌ పుత్రుడిగా బిజినెస్‌లోకి ప్రవేశించిన డొనాల్డ్‌ ట్రంప్‌.. అతికొద్ది కాలంలోనే వ్యాపార సామ్రాజ్యాన్ని శిఖరస్థాయికి చేర్చారు. శత్రువుల పట్ల నిత్యం అప్రమత్తంగా ఉండే ట్రంప్‌.. ఆహారం విషయంలోనూ ప్రత్యేక జాగ్రత్తలు తీసుకుంటారు. బయటి ప్రదేశాలకు వెళ్లినప్పుడు అక్కడి ఆహారాన్ని ముట్టనుగాక ముట్టరు! ప్రతి సందర్భంలోనూ మెక్‌డోనాల్డ్స్‌ నుంచి తెప్పించే బిగ్‌ మాక్‌ను మాత్రమే ఆరగించేవారు. తన ఎన్నికల ప్రచారంలోనూ ఆయన ఇలానే వ్యవహరించారు. ‘‘నాకు శుభ్రంగా ఉండటం చాలా ఇష్టం. పనిలో భాగంగా రకరకాల చోట్లకు వెళతాం. అయితే అక్కడ తయారుచేసిన ఆహారం శుభ్రంగా వండారా, లేదాని చెప్పలేం. మెక్‌డోనల్డ్స్‌ సురక్షిత ప్రమాణాలు పాటిస్తుంది కాబట్టే వాళ్ల బర్గర్లు మాత్రమే తింటా’’ అని ట్రంప్‌ ఓ సందర్భంలో చెప్పారు. అయితే ట్రంప్‌ జాగ్రత్తల వెనుక ‘విషప్రయోగం’ భయం కూడా ఉందని ప్రఖ్యాత జర్నలిస్టు మిచెల్‌ వూల్ఫ్‌ అంటారు. ఇటీవలే తాను రాసిన ‘ఫైర్‌ అండ్‌ ఫ్యూరీ’ పుస్తకంలో ట్రంప్‌ గురించిన అనేక రహస్య విషయాలను చెప్పుకొచ్చారాయన. ‘‘ఆహారంలో విషప్రయోగం జరగొచ్చనే ఆందోళన ట్రంప్‌లో చాలా కాలంగా ఉంది. అందుకే ఆయన బయటికెళ్లినప్పుడు.. సురక్షితంగా వండిన మెక్‌డోనాల్డ్స్‌ పదార్థాలను మాత్రమే తినడానికి ఇష్టపడతారు. ఇది ఎప్పుడు మొదలైందో చెప్పలేనుగానీ, దశాబ్ధాలుగా ట్రంప్‌ ఇలానే చేస్తున్నారు’’ అని మిచెల్‌ వూల్ఫ్‌ రాశారు.

ముంబై : ఒకవైపు ప్రముఖ రెస్టారెంట్లు మెక్‌డొనాల్డ్స్‌ మూతపడటంతో,  మరోవైపు కేఎఫ్‌సీ, బర్గర్‌ కింగ్‌లు మార్కెట్‌లో దూసుకుపోతున్నాయి. నోరూరించే డీల్స్‌తో కస్టమర్లను విపరీతంగా ఆకట్టుకుంటున్నాయి. మెక్‌డొనాల్డ్స్‌ రెస్టారెంట్ల మూతను, ఈ రెస్టారెంట్లు క్యాష్‌ చేసుకుంటున్నాయని ఓ ఆంగ్ల పత్రిక రిపోర్టు చేసింది. బర్గర్‌ కింగ్‌, కేఎఫ్‌సీ, కార్ల్స్‌ జేఆర్‌. లాంటి క్విక్‌ సర్వీసు రెస్టారెంట్లు దేశీయంగా తమ కస్టమర్‌ బేస్‌ను పెంచుకోవడానికి ఆకర్షణీయమైన వాల్యుమీల్స్‌ ప్యాకేజీలను ఆఫర్‌ చేస్తున్నట్టు పేర్కొంది. డిసెంబర్‌ క్వార్టర్‌లో ఈ అవుట్‌లెట్లలో విక్రయాలు భారీగా పెరిగాయని తెలిపింది.   కన్నాట్ ప్లాజా రెస్టారెంట్ల(సీపీఆర్‌ఎల్‌) 50:50 జాయింట్‌​ వెంచర్‌ విక్రమ్‌ బక్షికి, మెక్‌డొనాల్డ్స్‌కు మధ్య వివాదాలు తలెత్తడంతో  గత రెండు వారాలుగా 80కిపైగా మెక్‌డొనాల్డ్స్‌ అవుట్‌లెట్లు మూతపడ్డ సంగతి తెలిసిందే. వీటిలో కొన్నింటిన్నీ పునఃప్రారంభించడానికి ప్రయత్నాలు జరుగుతున్నాయి. ఈ వివాద నేపథ్యంలో స్థానిక భాగస్వామి నిర్వహిస్తున్న 169 రెస్టారెంట్లలో ఆహార భద్రత, నాణ్యతపై మెక్‌డొనాల్డ్స్‌ఇండియా ఆందోళనలు వ్యక్తంచేస్తోంది. దీంతో మెక్‌డీ కస్టమర్లు కూడా బర్గర్‌ కింగ్‌, కేఎఫ్‌సీ లాంటి రెస్టారెంట్లకు ఆకర్షితులవుతున్నారు. పరిమిత కాల ఆఫర్‌తో తమ రెస్టారెంట్లలోకి ట్రాఫిక్‌ విపరీతంగా పెరుగుతుందని బర్గర్‌ కింగ్‌ ఇండియా చీఫ్‌ ఎగ్జిక్యూటివ్‌ రాజీవ్‌ వెర్మన్‌ అన్నారు.నేషనల్‌ రెస్టారెంట్‌ అసోసియేషన్‌ ఆఫ్‌ ఇండియా రిపోర్టు ప్రకారం 2021 నాటికి దేశీయ ఆహార సర్వీసుల పరిశ్రమ 4.98 ట్రిలియన్లకు చేరుకుంటుందని అంచనా. దేశీయ జీడీపీలో రెస్టారెంట్‌ సెక్టారే 2.1 శాతం సహకరిస్తుందని కూడా అంచనాలు వెలువడుతున్నాయి.

న్యూఢిల్లీ :  హార్డ్‌క్యాసిల్‌ రెస్టారెంట్లు, వెస్ట్‌, సౌత్‌లోని మెక్‌డొనాల్డ్స్‌, రిటైల్‌ లైఫ్‌స్టయిల్‌, హోండా డీల్స్‌ సంస్థలు తప్పుడు జీఎస్టీతో వినియోగదారులను మోసం చేస్తున్నట్టు వెల్లడైంది. జీఎస్టీ ప్రయోజనాలను వినియోగదారులకు బదిలీ చేయకుండా.. మోసపూరిత చర్యలకు పాల్పడుతున్నందున్న ఈ సంస్థలపై యాంటీ-ప్రాఫిటరింగ్‌ చర్యలకు ఉపక్రమించినట్టు తెలిసింది. కనీసం ఐదు సంస్థలకు డైరెక్టర్‌ జనరల్‌ ఆఫ్‌ సేఫ్‌గార్డ్స్‌(డీజీ సేఫ్‌గార్డ్స్‌) ఈ నోటీసులు జారీచేసింది. వాసెలిన్‌ ఉత్పత్తులపై పన్ను రేటును 18 శాతానికి తగ్గించినప్పటికీ, ఇంకా 28 శాతమే విధిస్తున్నట్టు ఆరోపణలు ఉన్నాయి. అంతేకాక హార్డ్‌క్యాసిల్‌ రెస్టారెంట్లపై కూడా జీఎస్టీ రేటును 18 శాతం నుంచి 5 శాతానికి తగ్గించిప్పటికీ,  ఒక్క కప్‌ కాఫీ ధరను రూ.142 నుంచి తగ్గించనట్టు తెలిసింది. డిసెంబర్‌ 29నే డీజీ సేఫ్‌గార్డ్స్‌ ఈ నోటీసులు జారీచేసింది. కానీ ఇంకా తమకు ఎలాంటి నోటీసులు అందలేదని హార్డ్‌క్యాసిల్‌ రెస్టారెంట్లు చెబుతోంది.  లైఫ్‌స్టయిల్‌ ఇంటర్నేషనల్‌ కూడా నవంబర్‌ 22న 28 శాతం జీఎస్టీ విధించిందని, కానీ ఆ వారం ప్రారంభంలోనే జీఎస్టీ రేటును 18 శాతానికి తగ్గించినట్టు ఫిర్యాదులో తెలిసింది. ఈ విషయంపై స్పందించడానికి లైఫ్‌ స్టయిల్‌ ఇంటర్నేషనల్‌ స్పందించడానికి తిరస్కరించింది. ఇన్‌పుట్‌ ట్యాక్స్‌ క్రెడిట్‌ ప్రయోజనాలను తమకు అందించడం లేదని 36 మంది కొనుగోలుదారులు చెప్పడంతో, ఫిరామిడ్‌ ఇన్‌ఫ్రాటెక్‌కు కూడా ఈ నోటీసులు అందాయి. బారెల్లీకు చెందిన కారు డీలర్‌ హోండా కారు కూడా  ఎక్కువ మొత్తంలో పన్నులను విధిస్తున్నట్టు తెలిసింది. ఈ అన్ని ఫిర్యాదులను పరిగణలోకి తీసుకుని, యాంటీ ప్రాఫిటరింగ్‌ చర్యలు తీసుకోబోతున్నారు. 

న్యూఢిల్లీ : మెక్‌డొనాల్డ్స్‌ తన కస్టమర్లకు వార్నింగ్‌ ఇస్తోంది. నార్త్‌, ఈస్ట్‌ ఇండియాలో కొనసాగుతున్న తమ బ్రాండెడ్‌ అవుట్‌లెట్లలో తినొద్దంటూ కస్టమర్లకు సీరియస్‌ హెచ్చరికలు జారీచేస్తోంది. కన్నాట్‌ ప్లాజా రెస్టారెంట్లు(సీపీఆర్‌ఎల్‌) నిర్వహిస్తున్న తమ ఈ బ్రాండెడ్‌ అవుట్‌లెట్లలో తింటే, ఆరోగ్య సమస్యల బారిన పడతారంటూ పేర్కొంటోంది. ఈ రెస్టారెంట్లలో వాడే పదార్థాలు, తమ అంతర్జాతీయ ప్రమాణాకలు అనుగుణంగా లేవని మెక్‌డొనాల్డ్స్‌ ఇండియా అధికార ప్రతినిధి చెప్పారు. సీపీఆర్‌ఎల్‌ వీటిని మూత వేయాల్సి ఉందన్నారు.  సీపీఆర్‌ఎల్‌, మెక్ డొనాల్డ్స్ ఇండియా జాయింట్ వెంచర్ 50:50గా ఉంది. ఈ జాయింట్‌ వెంచర్‌లో 160 అవుట్‌లెట్లు కొనసాగుతున్నాయి. వీటిలో 84 అవుట్‌లెట్లు ఈ వారం ప్రారంభంలో మూతపడ్డాయి. బకాయిలు చెల్లించని కారణంగా సీపీఆర్‌ఎల్‌ లాజిస్టిక్స్‌ పార్టనర్‌ రాధాక్రిష్ణా ఫుడ్‌ల్యాండ్‌ తన సర్వీసులను రద్దు చేసింది. ఈ కారణంతో అవుట్‌లెట్లు కూడా క్లోజయ్యాయి. ఫ్రాంచైజీ అగ్రిమెంట్‌ రద్దు చేసినప్పటి నుంచి బర్గర్‌ దిగ్గజం మెక్‌డొనాల్డ్స్‌కు, సీపీఆర్‌ఎల్‌కు న్యాయపోరాటం నడుస్తోంది. ఈ వివాదంతో అనేక సరఫరాదారులు బయటికి వచ్చేసినప్పటికీ, రెస్టారెంట్లు తెరిచే ఉన్నాయి.  ఫ్రాంచైజీ అగ్రిమెంట్‌ను రద్దు చేసుకున్నప్పటి నుంచి సీపీఆర్‌ఎల్‌ అనధికారికంగా రెస్టారెంట్లను నిర్వహిస్తోందని, మెక్‌డొనాల్డ్స్‌ సిస్టమ్‌లోకి సరఫరా చేసేందుకు తెలియని డిస్ట్రిబ్యూటర్‌ను తాము ఆమోదించేది లేదంటూ గట్టి వార్నింగ్‌ ఇచ్చింది. మెక్‌డొనాల్డ్స్‌ ఆరోపణలపై స్పందించిన సీపీఆర్‌ఎల్‌ ఎండీ విక్రమ్‌ భక్షి, రాధాక్రిష్ణా ఫుడ్‌ల్యాండ్‌ కంటే అతిపెద్ద డిస్ట్రిబ్యూషన్‌ పార్టనర్‌ను నియమించుకున్నట్టు తెలిపింది. లాజిస్టిక్స్‌ పార్టనర్‌గా కోల్డ్‌ఎక్స్‌ను ఎంపికచేసుకున్నట్టు పేర్కొంది. కేఎఫ్‌సీ, స్టార్‌బక్స్‌, పిజ్జా హట్‌, బర్గర్‌ కింగ్‌, వెండీస్‌ అండ్‌ కార్ల్స్‌ జూనియర్‌, ఏడీబీ వంటి వాటికి కోల్డ్‌ఎక్స్‌ నేషనల్‌ డిస్ట్రిబ్యూటర్‌గా ఉంది. 

సాక్షి, న్యూఢిల్లీ : దేశ వ్యాప్తంగా ఒకే పన్ను విధానమంటూ కేంద్ర ప్రభుత్వం అమల్లోకి తెచ్చిన వస్తు, సేవల పన్ను (జీఎస్టీ)తో పట్ట పగలే నిలువు దోపిడీ జరుగుతోందట. ఇందుకు సంబంధించిన ఓ విషయాన్ని తెలుపుతూ మార్కెటింగ్ ఎగ్జిక్యూటీవ్, వైల్డ్ లైఫ్ ఫొటోగ్రాఫర్ అయిన ప్రతాప్ బోస్ అనే వ్యక్తి సోషల్ మీడియాలో ఓ పోస్ట్ చేశారు. దీంతో అసలు విషయం వెలుగులోకి వచ్చింది. ఇటీవల జీఎస్టీ పన్ను శాతాన్ని 18 నుంచి 5 శాతానికి తగ్గించారని, అయితే జీఎస్టీని తగ్గించిన తర్వాత కూడా అదే రెస్టారెంట్లో బిల్లులో మాత్రం ఏ మార్పు లేదని ప్రతాప్ బోస్ గుర్తించారు. 'జీఎస్టీని 18 నుంచి 5 శాతానికి తగ్గించారు. కానీ బిల్లులో మాత్రం ఏ తేడా లేదు. పట్ట పగలే దోచుకుంటున్నారని' బిల్లుకు సంబంధించిన ఫొటోను అటాచ్ చేస్తూ ట్వీట్ చేశారు. మెక్‌డోనాల్డ్స్, అరుణ్ జైట్లీ పేర్లను ట్యాగ్ చేస్తూ జరుగుతున్న మోసాన్ని ప్రతాప్ బోస్ వారి దృష్టికి తీసుళ్లారు. జీఎస్టీ 18శాతం ఉన్న నవంబర్ 7న, జీఎస్టీ 5 శాతానికి తగ్గిన తర్వాత నవంబర్ 15న కూడా బిల్లు రూ.142 కావడం గమనార్హం.   GST reduced from 18% to 5% but the bill amount remains exactly the same ... Robbery in broad daylight @mcdonaldsin @arunjaitley pic.twitter.com/prFGetPtOw — Pratap Bose (@pratap_bose) 16 November 2017

బొగోటా : మెక్‌డోనాల్డ్స్‌లోకి దూరి చోరీచేసిన ఓ మహిళ ఆచూకీ తెలిపిన వారికి నగదు బహుమతి అంటూ కొలంబియా హోవార్డ్ కౌంటీ పోలీసులు గురువారం ప్రకటించారు. మహిళ చోరీకి పాల్పడ్డ దృశ్యాలు సీసీ కెమెరాల్లో రికార్డయ్యాయి. కేసు నమోదు చేసుకున్న పోలీసులు విచారణ చేపట్టారు. ఈ నవంబర్ 5న అర్థరాత్రి వేళ మెక్‌డోనాల్డ్స్ లోకి ఓ మహిళ ప్రవేశించింది. మొదట ఓ కిటికీలోంచి తనకు కావాల్సిన కూల్ డ్రింక్‌ తీసుకోవాలని చూడగా వీలు కాలేదు. అతికష్టం మీద కిటికీలోంచి లోనికి ప్రవేశించిన ఆ మహిళ క్యాష్ కౌంటర్లో నగదుతో పాటు కొన్ని వస్తువులను కాటన్‌లో వేసుకుని అక్కడినుంచి పరారైంది. పదిరోజుల పాటు వెతికినా ఆమె జాడ తెలియకపోవడంతో.. ఆమె ఆచూకీ తెలిపిన వారికి 500 అమెరికన్ డాలర్లు (భారత కరెన్సీలో దాదాపు రూ. 32 వేలు) అందజేస్తామని హోవార్డ్ కౌంటీ పోలీసులు చోరి వీడియోను ట్విట్టర్‌లో పోస్ట్ చేశారు. అది మొదలు వీడియో సోషల్ మీడియాలో వైరల్ అవుతోంది.   Recognize this suspect? #HoCoPolice offering up to a $500 reward for info on suspect who stole cash and food in Nov. 5 burglary at McDonald's in Columbia. Call 410-313-STOP or HCPDcrimetips@howardcountymd.gov. pic.twitter.com/Iq3VWu6ZVF — Howard County Police (@HCPDNews) 14 November 2017


 సాక్షి, న్యూఢిల్లీ: కన్నాట్‌ ప్లాజా రెస్టారెంట్స్‌ లిమిటెడ్‌ యజమాని విక్రమ్‌ భక్షితో తలెత్తిన వివాదంతో తూర్పు, ఉత్తర భారతంలో భారీ ఎత్తున్న మెక్‌డొనాల్డ్స్‌ మూతపడిన సంగతి తెలిసిందే. ఈ వివాద నేపథ్యంలోనే మెక్‌డొనాల్డ్స్‌ ఇండియాలో భాగస్వామ్యం సంపాదించుకోవడం కోసం ఐదు దిగ్గజ రెస్టారెంట్‌, ఫుడ్‌ బిజెనెస్‌లు పోటీ పడుతున్నాయి. స్పెషాలిటీ రెస్టారెంట్లు, జుబిలెంట్‌ ఫుడ్‌వర్క్‌, మూన్‌ బెవరేజస్‌, లైట్‌ బైట్‌ ఫుడ్స్‌, హార్డ్‌క్యాసిల్‌ రెస్టారెంట్లు, మెక్‌డొనాల్డ్స్‌ ఉత్తర, తూర్పు ప్రాంతాల వ్యాపారాలను దక్కించుకోవడానికి ఆసక్తి చూపుతున్నట్టు తెలిసింది. మరోవైపు ఈ కంపెనీ విషయంలో న్యాయవివాదం కొనసాగుతున్నప్పటికీ, దీని ఎలా దక్కించుకోవాలని ఈ ఫుడ్‌, రెస్టారెంట్‌ దిగ్గజాలు వ్యూహాలు రచిస్తున్నాయని రిపోర్టులు తెలిపాయి.  విక్రమ్‌ భక్షికి చెందిన కన్నాట్‌ ప్లాజా రెస్టారెంట్‌లతో ఉన్న ఫ్రాంచైజీల ఒప్పందాన్ని మెక్‌డొనాల్డ్స్‌ ఇండియా రద్దు చేసింది. దీంతో వేల సంఖ్యలో ఉద్యోగులు రోడ్డున పడ్డారు. వందల సంఖ్యలో రెస్టారెంట్లు మూత పడ్డాయి. 
  
 ఎకనామిక్స్‌ టైమ్స్‌ రిపోర్టు ప్రకారం హార్డ్‌క్యాసిల్‌ రెస్టారెంట్లు సౌత్‌, వెస్ట్‌ మెక్‌డొనాల్డ్స్‌ను నిర్వహిస్తున్నాయి..  స్పెషాలిటీ రెస్టారెంట్లు, మెయిన్‌ ల్యాండ్‌ చైనా, ఓలలో యజమాన్యం కలిగ ఉండగా.. జుబిలెంట్‌ ఫుడ్‌వర్క్స్‌, డామినోస్‌ పిజ్జా, డంకిన్‌ డొనట్స్‌ బ్రాండ్లను.. మూన్‌ బెవరేజస్‌ కోకా-కోలాను.. లైట్‌ బైట్‌ ఫుడ్స్ పంజాబ్‌ గ్రిల్‌, ఆసియా సెవన్‌ను ప్రమోట్‌ చేస్తున్నాయి. విక్రమ్‌ భక్షి, మెక్‌డొనాల్డ్స్‌ ఇండియా ప్రైవేట్‌ లిమిటెడ్‌కు చెందిన జాయింట్‌ వెంచర్‌ సీపీఆర్‌ఎల్‌ తూర్పు, ఉత్తర భారతంలో 169 మెక్‌డొనాల్డ్స్‌ రెస్టారెంట్లను నిర్వహించింది. వీటిలో 40 అవుట్‌లెట్లు ఢిల్లీలోనే ఉన్నాయి.  ఒప్పందం ముగియడంతో మెక్‌డొనాల్డ్స్‌  పేరును, సిస్టమ్‌ను, ట్రేడ్‌మార్కును, డిజైన్‌ను వాడుకోవడానికివీల్లేదంటూ సీపీఆర్‌ఎల్‌ను ఆదేశించింది. ఈ రద్దు నిర్ణయానికి వ్యతిరేకంగా విక్రమ్‌ భక్షి, న్యాయ పోరాటానికి దిగారు. దీనిపై ఇంకా వివాదం కొనసాగుతూనే ఉంది. 


 న్యూఢిల్లీ: ఆదేశాల ధిక్కరణ వ్యవహారానికి సంబంధించి ఫాస్ట్‌ఫుడ్‌ సంస్థ మెక్‌డొనాల్డ్స్‌ కార్పొరేషన్‌తో పాటు దాని భారత విభాగానికి నేషనల్‌ కంపెనీ లా ట్రిబ్యునల్‌ (ఎన్‌సీఎల్‌టీ) షోకాజ్‌ నోటీసులు జారీ చేసింది. వీటికి సెప్టెంబర్‌ 20లోగా వివరణ ఇవ్వాలని ఆదేశించింది. భారత్‌లో మెక్‌డొనాల్డ్స్‌ మాజీ భాగస్వామి విక్రమ్‌ బక్షి ఈ పిటీషన్‌ దాఖలు చేశారు. మరోవైపు, జాయింట్‌ వెంచర్‌ సంస్థ కనాట్‌ ప్లాజా రెస్టారెంట్‌ (సీపీఆర్‌ఎల్‌) నిర్వహిస్తున్న 169 అవుట్‌లెట్లకు ఫ్రాంచైజీ లైసెన్సును మెక్‌డొనాల్డ్స్‌ రద్దు చేయడాన్ని సవాల్‌ చేస్తూ బక్షీ వేసిన పిటీషన్‌ను ట్రిబ్యునల్‌ కొట్టివేసింది.
 సీపీఆర్‌ఎల్‌ కార్యకలాపాల్లో జోక్యం చేసుకోకూడదని, అలాగే సీపీఆర్‌ఎల్‌ ఎండీగా బక్షీని పునర్నియమించాలని ఎన్‌సీఎల్‌టీ జులై 13న ఇచ్చిన ఆదేశాలను మెక్‌డొనాల్డ్స్‌ ధిక్కరించిందని, లైసెన్సులు రద్దు చేసిందని తాజాగా బక్షీ ఆరోపించారు. ఎన్‌సీఎల్‌టీ ఆదేశాలపై తాము నేషనల్‌ కంపెనీ లా అప్పిలేట్‌ ట్రిబ్యునల్‌ను (ఎన్‌సీఎల్‌ఏటీ) ఆశ్రయించిన నేపథ్యంలో ఈ పిటీషన్‌ను విచారణకు స్వీకరించరాదంటూ మెక్‌డొనాల్డ్స్, భారత్‌లో దాని అనుబంధ సంస్థ వాదించాయి.
 కానీ, ఈ వాదనలను ఎన్‌సీఎల్‌టీ తోసిపుచ్చింది. సెప్టెంబర్‌ 20లోగా షోకాజ్‌ నోటీసులకు వివరణ ఇవ్వాలని ఆదేశించింది. ఇక, ఫ్రాంచైజీ లైసెన్సుల రద్దు అంశంపై దాఖలైన అప్పీలు ఇంకా ఎన్‌సీఎల్‌ఏటీ వద్ద పెండింగ్‌లో ఉన్నందున.. దీనిపై బక్షీ దాఖలు చేసిన పిటీషన్‌ను ప్రస్తుత దశలో విచారణకు స్వీకరించడం సాధ్యం కాదని పేర్కొంది. తూర్పు, ఉత్తరాది రాష్ట్రాల్లో మెక్‌డొనాల్డ్స్‌ చెయిన్‌ను సీపీఆర్‌ఎల్‌ నిర్వహిస్తోంది. అయితే, నిర్వహణపరమైన విభేదాల కారణంగా ఆగస్టు 2013లో బక్షీని ఎండీ హోదా నుంచి తప్పించినప్పటి నుంచీ ఇరు సంస్థల మధ్య వివాదం నడుస్తోంది. ఇటీవలే ఫ్రాంచైజీ లైసెన్సులను కూడా మెక్‌డొనాల్డ్స్‌ ఇండియా రద్దు చేసింది.


 సాక్షి, న్యూఢిల్లీ : మెక్డొనాల్డ్స్ ఫ్రాంచైజ్ ఒప్పందం రద్దుపై విక్రమ్ బక్షి చేసిన పిటిషన్‌ను నేషనల్ కంపెనీ లా ట్రిబ్యునల్(ఎన్‌సీఎల్‌టీ) మంగళవారం కొట్టివేసింది. ఈ సమయంలోనే బక్షి నమోదుచేసిన ధిక్కార ఫిర్యాదులపై స్పందించాలని ఆదేశిస్తూ మెక్‌డొనాల్డ్స్‌ కార్పొరేషన్‌కు షోకాజు నోటీసు జారీచేసింది. మెక్‌డొనాల్డ్స్‌కు వ్యతిరేకంగా బక్షి, రెండు ధిక్కార ఫిర్యాదులను ఎన్‌సీఎల్‌టీ వద్ద నమోదుచేశారు. 
  
 ఉత్తర, తూర్పు భారతంలో విక్రమ్ బక్షీతో కలిసి మెక్‌డొనాల్డ్ 166 ఔట్‌లెట్లను నిర్వహిస్తున్నది తెలిసిందే. ఈ జాయంట్ వెంచర్ విషయంలోనే వివాదం తలెత్తింది. దీంతో మెక్‌డొనాల్డ్స్‌ ఇండియా, విక్రమ్‌ బక్షికి చెందిన కన్నాట్‌ ప్లాజాతో ఉన్న ఫ్రాంఛైజీ ఒప్పందాలను రద్దు చేసుకున్నట్లు ప్రకటించింది. ఈ విషయంలో బక్షి ఎన్‌సీఎల్‌టీని ఆశ్రయించారు.  తమ 50:50 జాయింట్‌​ వెంచర్‌ వ్యవహారాల్లో మెక్‌డొనాల్డ్స్‌ జోక్యం చేసుకుంటుందంటూ మరో ఫిర్యాదును కూడా బక్షి నమోదుచేశారు. ఈ వివాదం నేపథ్యంలో దేశ రాజధానిలో జూన్‌లో 43 మెక్‌డొనాల్డ్స్‌ మూతపడ్డాయి.


 న్యూఢిల్లీ : మెక్‌డొనాల్డ్స్‌ విషయంలో అనూహ్య పరిణామం చోటుచేసుకుంది. కన్నాట్ ప్లాజా రెస్టారెంట్ల(సీపీఆర్‌ఎల్‌) 50:50 జాయింట్‌​ వెంచర్‌ విక్రమ్‌ బక్షికి, మెక్‌డొనాల్డ్స్‌కు మధ్య వివాదాలు తలెత్తడంతో మెక్‌డీలు మూత పడే స్థాయికి వచ్చింది. ఢిల్లీలో నిర్వహిస్తున్న మొత్తం 55 రెస్టారెంట్లలో 43 మూడింటిని మూతవేయాలని సీపీఆర్‌ఎల్‌ బోర్డు నిర్వహించింది. నేటి(గురువారం) నుంచి ఇవి మూతపడనున్నాయి. '' ఇది చాలా దురదృష్టకరం. కానీ సీపీఆర్‌ఎల్‌కు చెందిన 43 రెస్టారెంట్లను తాత్కాలికంగా మూసి వేయాల్సి వస్తుంది'' అని సీపీఆర్‌ఎల్‌ మాజీ మేనేజింగ్‌ డైరెక్టర్‌ విక్రమ్‌ బక్షి చెప్పారు. సీపీఆర్‌ఎల్‌ మొత్తం 168 రెస్టారెంట్లను ఆపరేట్‌ చేస్తోంది.
  
 బక్షి ప్రస్తుతం మేనేజింగ్‌ డైరెక్టర్‌గా లేనప్పటికీ, ఆయన, తన భార్యతో కలిసి సీపీఆర్‌ఎల్‌లో బోర్డు సభ్యులుగా ఉంటున్నారు. సీపీఆర్‌ఎల్‌ బోర్డులో మెక్‌డొనాల్డ్స్‌కు చెందిన ఇద్దరు ప్రతినిధులూ ఉన్నారు. కానీ బుధవారం ఉదయం స్కైప్‌ ద్వారా నిర్వహించిన బోర్డు మీటింగ్‌లో మెక్‌డొనాల్డ్స్‌ అవుట్‌లెట్లను మూసివేయాలని నిర్ణయం తీసుకున్నట్టు తెలిసింది. ఈ నిర్ణయంతో 1,700 మంది ఉద్యోగాలు కోల్పోనున్నారు. అయితే మూసివేసే విషయానికి గల ప్రధాన కారణాలను ఈ జాయింట్‌ వెంచర్‌ భాగస్వామి వెల్లడించలేదు.
  
 బక్షికి, మెక్‌డొనాల్డ్స్‌కు వివాదం తలెత్తడంతో, సీపీఆర్‌ఎల్‌ కచ్చితంగా చేయాల్సిన రెగ్యులేటరీ హెల్త్‌ లైసెన్సులను కూడా రెన్యువల్‌ చేయించలేదు.  2013 ఆగస్టులో సీపీఆర్‌ఎల్‌ మేనేజింగ్‌ డైరెక్టర్‌గా తొలగించబడ్డ బక్షి, మెక్‌డొనాల్డ్స్‌తో వివాదానికి దిగారు. ఈ విషయంపై కంపెనీ లా బోర్డులో విచారణ కూడా జరుగుతోంది. బక్షికి వ్యతిరేకంగా మెక్‌డొనాల్డ్స్‌ కూడా లండన్‌ కోర్టులో ఆర్బిట్రేషన్‌ దాఖలు చేసింది. నార్త్‌, ఈస్ట్‌ ఇండియాలో మాత్రమే మెక్‌డీలను క​న్నాట్ ప్లాజా రెస్టారెంట్స్ ప్రైవేట్ లిమిటెడ్ నిర్వహిస్తోంది.  సౌత్‌, వెస్ట్‌ ఇండియాలో మెక్‌డొనాల్డ్స్‌ ఆపరేషన్లను హార్డ్‌ క్యాసిల్‌ రెస్టారెంట్ల ప్రైవేట్‌ లిమిటెడ్‌ ద్వారా వెస్ట్‌లైఫ్‌ డెవలప్‌మెంట్‌ లిమిటెడ్‌ నిర్వహిస్తోంది. సీపీఆర్‌ఎల్‌ ప్రస్తుతం తీసుకున్న నిర్ణయం మెక్‌డొనాల్డ్స్‌కు ప్రమాదకరమని బ్రాండింగ్‌ నిపుణులు చెబుతున్నారు.  
  


 పతంజలి ఆయుర్వేద పేరుతో మార్కెట్లో ఇప్పటికే సంచలనాలు సృష్టిస్తున్న యోగా గురు బాబా రాందేవ్.. ఇప్పుడు బహుళ జాతీయ ఫుడ్ చైన్ మెక్ డోనాల్డ్స్‌ ను లక్ష్యంగా చేసుకుంటున్నారు. దాంతోపాటు కేఎఫ్‌సీ, సబ్‌వే రెస్టారెంట్లను కూడా టార్గెట్ చేసేలా ఉన్నారు. కొత్తగా రెస్టారెంటు వ్యాపారంలోకి కూడా అడుగుపెట్టి.. అసలైన భారతీయ వంటకాలను అందించడం ద్వారా వాటి వ్యాపారాన్ని కొల్లగొట్టాలని చూస్తున్నారు. దేశవ్యాప్తంగా పలు ప్రాంతాల్లో రెస్టారెంట్ల చైన్ ఓపెన్ చేయాలని పతంజలి గ్రూపు తీవ్రంగా ఆలోచిస్తోంది. ఈ విషయాన్ని రాందేవ్ స్వయంగా వెల్లడించారు. ఇప్పటికే టూత్ పేస్టు నుంచి రకరకాల ఎఫ్ఎంసీజీ ఉత్పత్తులను మార్కెట్లోకి తీసుకొచ్చి.. వాటికి మంచి ఆదరణ కూడా పొందిన పతంజలి సంస్థ.. ఇప్పుడు మూలికలు, ప్రత్యేకంగా శరీరానికి మేలుచేసే పదార్థాలతో కూడిన ఆహారాన్ని భారతీయులకు అందించాలని భావిస్తోంది.
 
 పతంజలి బిస్కట్ల లాంటి వాటికి ఇప్పటికే చాలామంది అభిమానులు ఉన్నారు. దాంతో ఇప్పుడు ఫుడ్ రీటైలింగ్‌లోకి అడుగుపెడితే కచ్చితంగా మిగిలినవాళ్లకు గట్టి పోటీ ఇవ్వగలమన్న విశ్వాసాన్ని పతంజలి వర్గాలు వ్యక్తం చేస్తున్నాయి. దేశంలో జరుగుతున్న మొత్తం రీటైల్ వ్యాపారంలో 57 శాతం వాటా ఆహార ఉత్పత్తులదే. 2025 నాటికి ఈ మార్కెట్ మూడు రెట్లు పెరిగి దాదాపు రూ. 71 లక్షల కోట్లు అవుతుందని అంచనా. డామినోస్ పిజ్జా లాంటి చాలామంది ఈ రంగంలో ఇప్పటికే పాతుకుపోయి ఉన్నారు. అయినా అవసరమైతే ఎంత పెట్టుబడి అయినా పెట్టి మరీ ఆహార వ్యాపారాన్ని కొల్లగొట్టాలన్నది రాందేవ్ వ్యూహంలా కనిపిస్తోంది. భారతీయులకు అనారోగ్యకరమైన ఆహారాన్ని అందించడం ఎందుకని.. ఆహారంతో పాటే ఆరోగ్యాన్ని కూడా ఇస్తే మంచిది కదా అని ఆయన అంటున్నారు. ఆహార పదార్థాలు, పౌష్టిక పదార్థాలు, సౌందర్య సాధనాలు.. వీటన్నింటికీ ఉన్నట్లే రీటైల్ ఫుడ్ చైన్లకు కూడా మంచి గిరాకీ ఉంటుందని ఆశిస్తున్నారు.


 
 ఆకలి వేస్తోందంటే ఇంట్లో రెండు దోశలు వేసుకుని తినడం పాత మాట. సరదాగా అలా బయటకు వెల్లి మెక్‌డోనాల్డ్స్‌లో బర్గర్లు, ఫ్రెంచ్ ఫ్రైస్ తినడం నేటి బాట. అయితే ఇలాగే ఆశగా ఫ్రెంచ్ ఫ్రైస్ తిందామని వెళ్లిన ఓ కుటుంబానికి చేదు అనుభవం ఎదురైంది. కోల్‌కతాలోని ఈఎం బైపాస్ ఏరియాలో గల మెక్‌డోనాల్డ్స్‌లో ఫ్రెంచ్ ఫ్రైస్‌తో పాటు చచ్చిన బల్లి ఒకటి వాళ్ల ప్లేట్లో దర్శనమిచ్చింది. ప్రియాంకా మొయిత్రా అనే మహిళ తన కుటుంబంతో కలిసి వెళ్లినప్పుడు.. ఆమె కూతురికి ఈ బల్లి కనిపించింది. తన నాలుగేళ్ల కూతురి పుట్టినరోజని తామంతా కలిసి రెస్టారెంటుకు వెళ్లామని, తీరా అక్కడ బర్గర్లు, ఫ్రెంచ్ ఫ్రైస్ ఆర్డర్ చేసి తింటుండగా బల్లి కనపడటంతో తనకు వెంటనే వాంతులు వచ్చాయని ఆమె చెప్పారు. వెంటనే ఆ విషయాన్ని మేనేజర్‌కు చెప్పగా ఆయన తమకు క్షమాపణలు చెప్పి, వాటిని తీసేసి కొత్తగా మళ్లీ ఫ్రెంచ్ ఫ్రైస్ ఇస్తామని చెప్పారని ప్రియాంక అన్నారు. 
  
 అయితే ప్రస్తుతం గర్భవతి అయిన ప్రియాంకకు కాసేపటి తర్వాత కళ్లు తిరుగుతున్నట్లు అనిపించడంతో తన కూతురితో పాటు గర్భంలో ఉన్న బిడ్డ ఆరోగ్యం ఎలా ఉంటుందోనని ఆందోళన చెందారు. వెంటనే ముందుగా ప్లేటులో ఉన్న ఫ్రెంచ్ ఫ్రైస్‌తో పాటు చచ్చిన బల్లి ఫొటోను తీసుకున్నారు. ఆ ఫొటోతో కలిపి ఫూల్ బగన్ పోలీసు స్టేషన్‌లో మెక్‌డోనాల్డ్స్‌పై ఫిర్యాదు చేశారు. పోలీసులకు ఫిర్యాదు చేయడం చాలా ముఖ్యమని, ఇలాంటి విషాహారం తినడం వల్ల ప్రాణాలకే ప్రమాదం అన్న విషయం ప్రజలకు తెలియాలని ప్రియాంక అన్నారు. 


 అమెరికాలో ఓ బాలుడి నిర్వాకం  
 
 న్యూయార్క్‌: డబ్బుల కోసం, బంగారం కోసం తుపాకీ ఎక్కు పెట్టి బెదిరించిన సంఘటనలు ఇప్పటి వరకు చూసే ఉంటాం... కానీ ఇందుకు భిన్నంగా కేవలం చికెన్‌ ముక్క కోసం ఓ బాలుడు తన క్లాస్‌మెట్‌పైనే తుపాకీ ఎక్కుపెట్టాడు. ఈ ఘటన న్యూయార్క్‌లో చోటు చేసుకుంది. పోలీసులు తెలిపిన వివరాల ప్రకారం హర్లేమ్‌లోని మెక్‌ డొనాల్డ్స్‌ రెస్టారెంట్‌లో ఓ పన్నెండేళ్ల  బాలుడు తన క్లాస్‌మెట్‌ అయిన ఓ బాలికను కలిశాడు. ఆ బాలిక తింటున్న చికెన్‌లో తనకు ఓ ముక్కను ఇవ్వాలని అడిగాడు. అందుకు బాలిక తిరస్కరించింది. ఆ తర్వాత  బయటికి వెళ్లిన బాలిక తలపై తుపాకీ ఎక్కుపెట్టి చికెన్‌ ముక్క ఇవ్వాలని బెదిరించాడు.
 
 దీనికి భయపడిన బాలిక... తుపాకీని పక్కకు తోసి తనను వదిలివేయమని ప్రాధేయపడటంతో  విడిచిపెట్టాడు. అయితే మరుసటి రోజు ఈ విషయాన్ని పాఠశాలలోని ఉపాధ్యాయులకు బాలిక చెప్పడంతో వారు పోలీసులకు ఫిర్యాదు చేశారు. వెంటనే ఆ అబ్బాయిని పోలీసులు అదుపులోకి తీసుకున్నారు. కాగా, బాలుడు బెదిరించిన తుపాకీ దొరక్కపో వడంతో.. అది నిజమైనదా.. కాదా అనే విషయం నిర్ధారణ కాలేదు.


 న్యూఢిల్లీ: కేంద్ర జౌళి శాఖ మంత్రి స్మృతి ఇరానీ ఆసక్తికర విషయాలు వెల్లడించారు. మొదట తాను జెట్ ఎయిర్వేస్ సంస్థలో ఉద్యోగం చేయాలని కోరుకున్నట్టు చెప్పారు. అయితే మంచి శరీరదారుఢ్యం లేదన్న కారణంతో తనకు ఉద్యోగం ఇచ్చేందుకు జెట్ ఎయిర్వేస్ నిరాకరించిందని చెప్పారు. ఉద్యోగం వచ్చివుంటే తాను కేంద్రమంత్రి అయ్యే అవకాశం ఉండకపోవచ్చని అన్నారు.
 
 అప్పుడు తనకు ఉద్యోగం రానందుకు ఇప్పుడు దేవుడికి ధన్యవాదాలు తెల్పుకుంటున్నానని చెప్పారు. జెట్ ఎయిర్వేస్ లో ఉద్యోగం రాకపోవడంతో మెక్డొనాల్డ్ సంస్థలో చేరారని, తర్వాత చరిత్ర మీ అందరికీ తెలుసునని స్మృతి ఇరానీ అన్నారు. టీవీ నటిగా పేరు సంపాదించిన ఆమె తర్వాత రాజకీయాల్లోకి వచ్చి కేంద్రమంత్రి అయిన సంగతి తెలిసిందే.


 వేసవి జ్ఞాపకం...
 ఎండాకాలంలో వీధుల్లో తాటిముంజల మనిషి తిరగడం ఒక కళ. పచ్చివాసనలేసే తాటి ఆకుల్లో వొలిచిన తాటి ముంజెల్ని చుట్టి కావడి బద్దకు వేళ్లాడగట్టి అటూ ఇటూ పచ్చటి కట్టలను భుజాన మోస్తూ ‘తాటి ముంజలో’ అని తిరగడం ఎండ పూట మెరిసే ఒక ఊరి కళ. కాని అమ్మేవాళ్లలో చాలా మందికి ఈ ఓపిక ఉండదు. చెట్టు నుంచి దించిన గెలల్ని నేరుగా తీసుకొని బజారుకు వచ్చేస్తారు. కొడవలితో తీపి చిలకరింతలు పెట్టడానికి సిద్ధమవుతారు. తినేవారికి కొదవా? చుట్టూ మూగుతారు. నాకొకటి నాకొకటి అని తాటిముంజెల్ని అందుకుని పొడిచి తినడానికి బొటనవేలును స్పూన్‌లా మార్చేస్తారు. మూడు కన్నులు తేలిన తాటికాయను ఒక చేతిలో బౌల్‌లాగా పట్టుకొని మరో చేతి బొటనవేలుతో ఒక్కో ముంజెను పొడిచి పొడిచి తింటారు.
 కొన్ని ముంజెల్లో నీళ్లు నిండుగా ఉంటాయి. వేలు పొడవగానే చివ్వున లేచి ముఖాన కొడతాయి. అవి నేల పాలు కాకుండా నోటికి పట్టి గుటకాయస్వాహా చేయడం పెద్ద నైపుణ్యం. ఇక పిల్లలకైతే ముంజెల బండి దగ్గర నిలుచోవడం సరదా. ఎండ పూట ఏదో ఒక కూడలిలో చెట్టు నీడన బండి ఆపి ముంజెలమ్మే మనిషి ఒక్కో తాటికాయను కోరిన వారికి కొట్టి కొట్టి ఇస్తూ ఉంటే చూడటం పిల్లలకు వేడుక. ఒక్కోసారి దయదలిచిన వారు వాళ్లకూ ఒక కాయ ఆఫర్ చేయవచ్చు. రెండు ముంజెలు తిని మూడోదాన్ని వాళ్లకు వదిలిపెట్టవచ్చు. ఖాళీ చేసిన తాటికాయను బండి చక్రంగా మార్చుకోవడం ఒక ఆట. రెండు తాటికాయలను రెండు చక్రాలుగా చేసి మధ్యలో పుల్ల గుచ్చి తాటి ఆకు చీలికను పుల్లకు ముడి వేసి ముడి చివరన పురికోస కట్టి లాక్కూంటూ వెళ్లడం ఇన్నోవా క్రిస్టా కంటే తక్కువ లగ్జరీ కాదు.
 కొందరు ఒక పంగా కర్ర చివరన ఒక తాటికాయను గచ్చి దానిని స్టీరింగ్‌లా వాడుతూ పంగతో బండి తోసుకెళ్లడం కూడా ముద్దులొలికే ఆట. ముదురు బెండకాయే కాదు ముదురు తాటిముంజ కూడా తినడానికి పనికి రాదు. తింటే కడుపులో నొప్పి పడుతుంది. అసలు వైభోగం అంటే ఏమిటంటే మంచి ఎండపూట తాటి ముంజెలు కొనుక్కొని వచ్చి భోజనం చేశాక తీరిగ్గా వొలిచి చిన్న ముక్కలుగా చేసి ఒక స్టీలు పాత్రలో పోసి పైన చక్కెర జల్లి ఫ్రిజ్‌లో పెట్టి మధ్యాహ్నం కునుక్కు ఉపక్రమించాలి. నిద్ర లేచే సరికి ముంజెలు చల్లబడి చక్కెరపట్టి నోటికి హాయిగా కడుపుకు చల్లగా సిద్ధంగా ఉంటాయి.
 కెఎఫ్‌సి, మెక్‌డొనాల్డ్స్‌లా తాటిముంజెలు ప్రచారం చేసుకోలేకపోవచ్చు. సమ్మర్ ఆఫర్స్ ప్రకటించకపోవచ్చు. కాని వేళ్లు దిగిన సంస్కృతి వందలఏళ్లైనా పోదు. కాకుంటే గుర్తు పెట్టుకొని ఒక తరం నుంచి ఇంకో తరానికి అందించాలి. ఈ వేసవిలో పిల్లలకు తాటి చెట్టు చూపించండి. తాటి ఆకు చూపించండి. తాటి ముంజె చూపించండి. బండి దగ్గర ఆగి కొట్టిన తాటి ముంజెన చేతికి ఇస్తే బొటన వేలు గుచ్చగానే నీళ్లు వారి ముఖాన జివ్వున కొడుతూ ఉంటే వారు నవ్వుతూ ఉంటే మీరూ ఫక్కున నవ్వండి. వేసవికి ఇవ్వదగ్గ మర్యాద ఇదే అని గ్రహించండి.


 వెస్ట్‌లైఫ్ డెవలప్‌మెంట్ వైస్ చైర్మన్ అమిత్
 హైదరాబాద్, బిజినెస్ బ్యూరో: దక్షిణ, పశ్చిమ భారత్‌లో మెక్ డొనాల్డ్స్ ఔట్‌లెట్లను నిర్వహిస్తున్న హార్డ్‌క్యాజిల్ రెస్టారెంట్స్ ఏటా మూడు కొత్త నగరాల్లో అడుగు పెడుతోంది. ప్రస్తుతం హైదరాబాద్‌తోసహా 29 నగరాలకుగాను 223 స్టోర్లను కంపెనీ నిర్వహిస్తోంది. ఏటా 30-50 ఔట్‌లెట్లను ఏర్పాటు చేయాలన్నది కంపెనీ ప్రణాళిక. ఒక్కో స్టోర్‌కు సుమారు రూ.3 కోట్లు వెచ్చిస్తోంది.
  2017లో ఆంధ్రప్రదేశ్‌లో స్టోర్లను తెరుస్తామని హార్డ్‌క్యాజిల్ రెస్టారెంట్స్‌ను ప్రమోట్ చేస్తున్న వెస్ట్‌లైఫ్ డెవలప్‌మెంట్ వైస్ చైర్మన్ అమిత్ జతియా బుధవారమిక్కడ మీడియాకు తెలిపారు. దక్షిణ, పశ్చిమ భారత్‌లో 62 మెక్ కేఫ్ స్టోర్లను నిర్వహిస్తున్నట్టు చెప్పారు. ఈ ఏడాదే హైదరాబాద్‌లో మెక్ కేఫ్ తొలి ఔట్‌లెట్‌ను ప్రారంభిస్తామని ఆయన వెల్లడించారు.
 మెక్ డెలివరీ సర్వీసుల్లో 50 శాతం ఆన్‌లైన్ ద్వారా ఆర్డర్లు వస్తున్నాయని హార్డ్‌క్యాజిల్ రెస్టారెంట్స్ ఎండీ స్మిత జతియా తెలిపారు. 2014-15లో కంపెనీ రూ.760 కోట్ల టర్నోవర్ సాధించింది. ప్రస్తుత 2015-16ఆర్థిక సంవత్సరంలో రూ.850 కోట్ల టర్నోవర్‌ను ఆశిస్తోంది. పాశ్చాత్య ఫాస్ట్ ఫుడ్ వ్యాపార పరిమాణం భారత్‌లో సుమారు రూ.6,500 కోట్లుంది. పదేళ్లలో ఇది 3-5 రెట్లు పెరుగుతుందని వెస్ట్‌లైఫ్ డెవలప్‌మెంట్  అంచనా వేస్తోంది.


 వాషింగ్టన్:  బర్గర్లో స్టఫింగ్ సరిగా లేదంటూ కాల్పులు జరిపిన ఓ మహిళ చివరకు కటకటాల పాలైంది. వివరాల్లోకి వెళితే మిచిగన్కి చెందిన శనేకా మోనిక్యూ టొర్రెస్  2014 ఫిబ్రవరి10 రాత్రి తన స్నేహితురాలితో కలసి మెక్డొనాల్డ్స్ కి వెళ్లింది. మీల్తో పాటూ బేకన్ చీస్ బర్గర్ ఆర్డర్ చేసింది. మీల్ వచ్చినా బెకన్ సర్వ్ చేయలేక పోవడంతో మేనేజర్ ..శనేకాకు క్షమాపణ చెప్పి మీల్ని ఉచితంగా ఇస్తానని చెప్పాడు.
 
 అదే రోజు కొన్ని గంటల తర్వాత శనేకా తిరిగి మెక్డొనాల్డ్స్కి  వచ్చింది.  అయితే ఆమె బర్గర్ ఆర్డర్ చేసినా అప్పుడు  కూడా బేకన్ లేకుండానే మీల్ ఇవ్వడంతో ఆగ్రహం పట్టలేని శనేకా మోనిక్యూ టొర్రెస్ తన వెంట తెచ్చుకున్న గన్తో ఎడాపెడా కాల్చేసింది.  అదృష్టవశాత్తు ఈ కాల్పుల్లో ఎవరికి గాయాలు కాలేదు.
  
 దాంతో అమ్మడిపై మెక్డొనాల్డ్స్ సిబ్బంది పోలీసులకు ఫిర్యాదు చేశారు.  కోర్టు విచారణ సందర్భంగా... కాల్పులు అనుకోకుండా జరిగిన సంఘటనగా పరిగణించాలని శనేకా మోనిక్యూ తరపు న్యాయవాది కోరినా లాభం లేకుండా పోయింది. శనేకా మోనిక్యూకు న్యాయస్థానం మూడు నుంచి ఏడేళ్లలోపు శిక్ష విధించిది.


  బ్రెజీలియా: సీజన్‌ను బట్టి బిజినెస్‌లో మార్పులు చేసుకోవాలి. ప్రముఖ ఆహార అవుట్‌లెట్ మెక్‌డొనాల్డ్స్ దీనిని బాగా గ్రహించింది. ఫుట్‌బాల్ ప్రపంచకప్ సందర్భంగా ఓ అడుగు ముందుకేసి తమ రెస్టారెంట్లలో ఫుట్‌బాల్ ఆకారంలో ఉన్న బర్గర్స్‌ను అందుబాటులోకి తెచ్చింది. బ్రెజిల్‌కు వచ్చే వివిధ దేశాల అభిమానుల కోసం ప్రత్యేకంగా బర్గర్స్ తయారు చేస్తోంది.  బ్రెజిల్‌లోని 800 మెక్‌డొనాల్డ్ అవుట్‌లెట్లలో వీటిని అందుబాటులో ఉంచుతుంది. వీటికి మెక్ బ్రెజిల్, మెక్ స్పెయిన్, మెక్ జర్మనీ, మెక్ ఫ్రాన్స్, మెక్ ఇటలీ, మెక్ అర్జెంటీనా, మెక్ యూఎస్‌ఏ అనే పేర్లు కూడా పెట్టారు.
  
   గొడ్డు మాంసం, చికెన్, పక్కటెముకల మాంసం, ఇలా పలురకాల నాన్‌వెజ్ బర్గర్లు అందుబాటులో ఉంటున్నాయి. వెరైటీగా ఉన్న బర్గర్లను అభిమానులను లొట్టలేసుకుంటూ తింటున్నారు. అన్నట్టు ఈ బర్గర్లు ఆస్ట్రేలియాలోని మెక్‌డొనాల్డ్స్ రెస్టారెంట్లలోనూ దొరుకుతున్నాయి. మెక్ ఆసీస్‌తో పాటు బ్రెజిల్, ఫ్రాన్స్, అర్జెంటీనా బర్గర్లను అక్కడ సర్వ్ చేస్తున్నారు. సాకర్ అభిమానులు వీటిపై ఆసక్తి చూపుతుండటంతో ప్రపంచకప్ బర్గర్లు విపరీతంగా అమ్ముడు పోతున్నాయి. అయితే ఈ బర్గర్లు ప్రపంచకప్ ముగిసే వరకు కాకుండా ఈ నెల 25 వరకే అందుబాటులో ఉంటాయి.