‘శ్రీరస్తూ శుభమస్తు... శ్రీకారం చుట్టుకుంది పెళ్ళి పుస్తకం... ఇక ఆకారం దాల్చుతుంది కొత్త జీవితం’... ‘పెళ్ళి పుస్తకం’ చిత్రంలోని ఈ పాట తెలుగింటి పెళ్లి వేడుకల్లో వినబడుతుంటుంది. 2024లో పెళ్లితో ‘కల్యాణం... కమనీయం...’ అంటూ తమ జీవిత పుస్తకంలో కొత్త అధ్యాయాన్ని ఆరంభించిన స్టార్స్‌ చాలామందే ఉన్నారు. ఇక ఏయే తారలు ఏయే నెలలో, ఏ తేదీన పెళ్లి చేసుకున్నారనే విశేషాలు తెలుసుకుందాం.ఫిబ్రవరిలో... నార్త్, సౌత్‌లో హీరోయిన్‌గా ఓ మంచి స్థాయికి వెళ్లిన ఉత్తరాది భామ రకుల్‌ ప్రీత్‌ సింగ్‌ ఉత్తరాది ఇంటి కోడలు అయ్యారు. బాలీవుడ్‌ నటుడు–నిర్మాత జాకీ భగ్నానీతో 21న ఆమె ఏడడుగులు వేశారు. వీరిది ప్రేమ వివాహం. పెద్దల సమ్మతితో గోవాలో పెళ్లి చేసుకున్నారు. మార్చిలో... పంజాబీ భామ కృతీ కర్బందా, బాలీవుడ్‌ నటుడు పుల్‌కిత్‌ సామ్రాట్‌తో మార్చి 15న ఏడు అడుగులు వేశారు. వీరిది ప్రేమ వివాహం. గుర్‌గావ్‌లో వీరి వివాహం జరిగింది. ⇒ సౌత్, నార్త్‌లో హీరోయిన్‌గా మంచి గుర్తింపు తెచ్చుకున్న తాప్సీ డెన్మార్క్‌ బ్యాడ్మింటన్‌ ప్లేయర్‌ మథియాస్‌ బోని 23న వివాహం చేసుకున్నారు. పదేళ్లు రిలేషన్‌షిప్‌లో ఉన్న వీరిద్దరూ కుటుంబ సభ్యులు, అత్యంత సన్నిహితుల సమక్షంలో ఉదయ్‌పూర్‌లో పెళ్లి చేసుకున్నారు. జూన్‌లో... నటుడు అర్జున్‌ పెద్ద కుమార్తె, నటి ఐశ్వర్యా అర్జున్, తమిళ స్టార్‌ కమెడియన్‌ తంబి రామయ్య కుమారుడు, నటుడు ఉమాపతిల వివాహం చెన్నైలో జరిగింది. చాలా కాలంగా ప్రేమలో ఉన్న ఐశ్వర్య–ఉమాపతి పెద్దల అంగీకారంతో వైవాహిక బంధంలోకి అడుగుపెట్టారు. ⇒ ప్రముఖ బాలీవుడ్‌ నటుడు శత్రుఘ్న సిన్హా కుమార్తె, హీరోయిన్‌ సోనాక్షీ సిన్హా, బాలీవుడ్‌ నటుడు జహీర్‌ ఇక్బాల్‌ ఏడడుగులు వేశారు. 23న వీరి వివాహం ఘనంగా జరిగింది. జూలైలో... వరలక్ష్మీ శరత్‌ కుమార్‌ తన ప్రేమికుడు, ముంబైకి చెందిన ఆర్ట్‌ గ్యాలరీ నిర్వాహకుడైన నికోలయ్‌ సచ్‌దేవ్‌తో వివాహబంధంలోకి అడుగుపెట్టారు. ఇరు కుటుంబ సభ్యులు, అత్యంత సన్నిహితుల సమక్షంలో థాయ్‌ల్యాండ్‌లో 2న వీరి పెళ్లి జరిగింది. ఆగస్టులో... ‘రాజావారు రాణిగారు’ (2019) సినిమాతో తెలుగులో హీరో హీరోయిన్లుగా పరిచయమయ్యారు కిరణ్‌ అబ్బవరం, రహస్య గోరఖ్‌. రీల్‌ లైఫ్‌లో ప్రేమికులుగా నటించిన ఈ ఇద్దరూ రియల్‌ లైఫ్‌లో భార్యాభర్తలయ్యారు. ఆ మూవీ సమయంలో వీరి మధ్య ఏర్పడిన స్నేహం ఆ తర్వాత ప్రేమగా మారింది. ఇరు కుటుంబ సభ్యుల సమక్షంలో కర్నాటకలోని కూర్గ్‌లో 22న కిరణ్‌–రహస్య వివాహం చేసుకున్నారు. సెప్టెంబరులో... హీరోయిన్‌ మేఘా ఆకాశ్‌ తన ప్రియుడు సాయి విష్ణుని పెళ్లాడారు. వీరి వివాహం 15న చెన్నైలో ఘనంగా జరిగింది. రాజకీయ నేపథ్యం ఉన్న కుటుంబానికి చెందిన సాయి విష్ణుతో మేఘా ఆకాశ్‌ చాన్నాళ్లుగా ప్రేమలో ఉన్నారు. ఇరు కుటుంబ సభ్యులు వీరి పెళ్లికి పచ్చజెండా ఊపడంతో ఏడడుగులు వేశారు. ⇒ గత కొన్నాళ్లుగా ప్రేమలో ఉన్న హీరో సిద్ధార్థ్, హీరో యిన్‌ అదితీరావు హైదరీ వివాహ బంధంలోకి అడుగుపెట్టారు. తొలుత తెలంగాణలోని వనపర్తి జిల్లా శ్రీరంగాపురంలోని 400 ఏళ్ల పురాతన రంగనాథస్వామి ఆలయంలో మార్చి 27న, ఆ తర్వాత రాజస్థాన్‌లోని ఓ రిసార్ట్‌లో సెప్టెంబరు 16న డెస్టినేషన్‌ వెడ్డింగ్‌ చేసుకున్నారు. నవంబరులో... ప్రముఖ దర్శకుడు క్రిష్‌ జాగర్లమూడి పెళ్లి పీటలెక్కారు. డాక్టర్‌ ప్రీతీ చల్లాతో 11న ఆయన ఏడడుగులు వేశారు. ‘వేదం, గమ్యం, కంచె, గౌతమీపుత్ర శాతకర్ణి’ వంటి చిత్రాలతో తెలుగులో తనకంటూ ప్రత్యేక గుర్తింపు తెచ్చుకున్నారు క్రిష్‌. ప్రీతీతో ఆయన వివాహం హైదరాబాద్‌లో అత్యంత సన్నిహితుల సమక్షంలో జరిగింది. ⇒ తెలుగు చిత్ర పరిశ్రమలో గాయకులుగా తమకంటూ ప్రత్యేక గుర్తింపు సొంతం చేసుకున్న రమ్య బెహరా, అనురాగ్‌ కులకర్ణి 15న వివాహ బంధంలోకి అడుగుపెట్టారు. ⇒ నటుడిగా, విలన్‌గా, క్యారెక్టర్‌ ఆర్టిస్టుగా దక్షిణాదిలో తనకంటూ గుర్తింపు సొంతం చేసుకున్న సుబ్బరాజు పెళ్లి పీటలెక్కారు. స్రవంతితో ఆయన ఏడడుగులు వేశారు. 26న వీరి వివాహం జరిగింది. డిసెంబరులో.. హీరో అక్కినేని నాగచైతన్య– హీరోయిన్‌ శోభిత ధూళిపాళ్ల వివాహం అంగరంగ వైభవంగా జరిగింది. ఈ 4న హైదరాబాద్‌లోని అన్నపూర్ణ స్టూడియోలో వేసిన ప్రత్యేక పెళ్లి పందరిలో వీరిద్దరూ ఏడడుగులు వేశారు. ఈ వివాహానికి పలువురు సినీ, రాజకీయ ప్రముఖులు హాజరై, నూతన వధూవరులను ఆశీర్వదించారు. కాగా చైతన్య–శోభితల పరిచయం ప్రేమగా మారి, ఆ తర్వాత పెళ్లి పీటల వరకూ వచ్చింది. పెద్దల అంగీకారంతో ఈ ఇద్దరూ పెళ్లి చేసుకున్నారు. ⇒ ‘కలర్‌ ఫొటో’ (2020) సినిమా డైరెక్టర్‌ సందీప్‌ రాజ్, నటి చాందినీ రావుతో కలిసి ఏడడుగులు వేశారు. ఇరు కుటుంబ సభ్యుల సమక్షంలో తిరుమలలో 7న వీరి వివాహం జరిగింది. ‘కలర్‌ ఫొటో’ చిత్రంలో చిన్న పాత్ర చేసిన చాందినీ రావుతో ఆయన పెళ్లి జరగడం విశేషం. ఆ సినిమా చిత్రీకరణ సమయంలో వారి మధ్య ఏర్పడిన పరిచయం ప్రేమగా మారడంతో పెద్దల అంగీకారంతో ఒక్కటయ్యారు. ⇒ ‘నువ్వేకావాలి, ప్రేమించు’ వంటి చిత్రాలతో మంచి గుర్తింపు తెచ్చుకున్నారు నటుడు సాయికిరణ్‌. ఆ తర్వాత సీరియల్స్‌ వైపు వెళ్లిన ఆయన బుల్లితెర ప్రేక్షకులను అలరిస్తున్నారు. ఈ నెల 9న ఆయన స్రవంతి అనే సీరియల్‌ ఆర్టిస్ట్‌ని వివాహం చేసుకున్నారు. ⇒ మహానటిగా ప్రేక్షకుల మనసుల్లో స్థానం సొంతం చేసుకున్నారు కీర్తీ సురేష్‌ తన చిన్న నాటి స్నేహితుడు, వ్యాపారవేత్త ఆంటోనీ తట్టిల్‌తో ఈ నెల 12న ఏడడుగులు వేశారు. వీరిద్దరి మధ్య 15 ఏళ్లుగా స్నేహం, ప్రేమ కొనసాగుతోంది. ఇరు కుటుంబ సభ్యులు ఓకే చెప్పడంతో గోవాలో వీరి వివాహం జరిగింది. ⇒ ‘మత్తు వదలరా, మత్తు వదలరా 2’ వంటి చిత్రాలతో గుర్తింపు తెచ్చుకున్నారు నటుడు శ్రీసింహా (సంగీతదర్శకుడు కీరవాణి తనయుడు). ఆయన వివాహం నటుడు మురళీమోహన్‌ మనవరాలు మాగంటి రాగతో దుబాయ్‌లో 14న జరిగింది. ⇒ ఇలా 2024లో ఎక్కువమంది తారలు వివాహబంధంలోకి అడుగుపెట్టం విశేషం.

అలాంటి లుక్‌లో హన్సిక పోజులు...  ఉత్తరాఖండ్‌లో ప్రగ్యా జైస్వాల్ చిల్...  కలర్‌ఫుల్‌ డ్రెస్‌లో అదితి రావు హైదరీ హోయలు...  గ్రీన్ డ్రెస్‌లో ప్రియమణి లుక్స్..  బీచ్‌లో తేజస్విని గౌడ స్మైలీ లుక్స్..  ఎల్లో డ్రెస్‌లో ఫరియా అబ్దుల్లా పోజులు..  View this post on Instagram A post shared by Faria Abdullah (@fariaabdullah) View this post on Instagram A post shared by Tejaswini Gowda (@_tejaswini_gowda_official) View this post on Instagram A post shared by Priya Mani Raj (@pillumani) View this post on Instagram A post shared by Aditi Rao Hydari (@aditiraohydari) View this post on Instagram A post shared by Pragya Jaiswal (@jaiswalpragya) View this post on Instagram A post shared by Hansika Motwani (@ihansika)

సింప్లిసిటే తన స్టయిల్‌ సిగ్నేచరేమో అన్నట్టు ఉంటుంది అదితి రావ్‌ హైదరీ. ట్రెడిషనల్‌.. వెస్టర్న్‌ ఏ వేర్‌ అయినా ఆమె అందాన్ని పెంచడం కాదు.. ఆమే ఆ కాస్ట్యూమ్స్‌కు కాన్ఫిడెన్స్‌ను ఇస్తుంది! అదీ అదితి ఫ్యాషన్‌ను క్యారీ చేసే పద్ధతి. ఆ అదృష్టాన్ని వరించిన బ్రాండ్స్‌లో ఒకట్రెండు ఇక్కడ..  ఢిల్లీ వింటేజ్‌ కో  మనీష్‌ ఛాబ్డాను ప్రముఖ డిజైనర్‌ అనేకంటే  సంప్రదాయ చేనేత పరిరక్షకుడు అనొచ్చేమో! ‘ఢిల్లీ వింటేజ్‌ కో’ బ్రాండ్‌ను ప్రారంభించి.. గత 23 ఏళ్లుగా దేశీ నేత కార్మికులతో పనిచేస్తూ అద్భుతమైన డిజైన్స్‌ను సృష్టిస్తున్నాడు. ధర కాస్త ఎక్కువే. ఆన్‌లైన్‌లోనూ కొనుగోలు చేసే వీలుంది. అదితి ధరించే ఢిల్లీ వింటేజ్‌ కో బ్రాండ్‌ డ్రస్‌ ధర రూ.1,22,000/- సిల్వర్‌ స్టీక్‌ స్టోర్‌ గోల్డ్‌ కోటెడ్‌ సిల్వర్‌ జ్యూలరీ.. ఈ బ్రాండ్‌ బాణి. ఇండియన్‌ సెలబ్రిటీలకు హాట్‌ ఫేవరేట్‌ ఇది. ఆన్‌లైన్‌లోనే కొనుగోలు చేయాలి. ఇంకా ఆఫ్‌లైన్‌ స్టోర్స్‌ ఓపెన్‌ కాలేదు. ఆభరణాల నాణ్యత, డిజైన్స్‌ను బట్టే ధర. నా దృష్టిలో డ్రెస్‌కి ఫిట్టింగ్‌ అనేది చాలా ముఖ్యం. ఆ తర్వాతే ఫ్యాబ్రిక్‌.. డిజైన్‌.. స్టయిల్‌ ఎట్‌సెట్రా! డ్రెస్‌ కంఫర్ట్‌గా ఉంటే అందం ఆటోమేటిగ్గా ఫిక్స్‌ అవుతుంది!  అపరాజితా తూర్‌ టాప్‌ మోస్ట్‌ లగ్జూరియస్‌ ఫ్యాషన్‌ ఫుట్‌వేర్‌ బ్రాండ్స్‌లో అపరాజితా తూర్‌ ఫుట్‌వేర్‌ ఒకటి. ముంబైలో మెయిన్‌ ఆఫీస్‌ ఉంది. సంప్రదాయ అల్లికలు, కుందన్‌ వర్క్స్‌తో లభించే ఈ జూతీస్‌కి  ఇండియాలో మంచి గిరాకీ ఉంది. క్యాజువల్‌ ఫుట్‌వేర్‌ క్కూడా అందాన్ని అద్దడం ఈ బ్రాండ్‌ ప్రత్యేకత. అందుకే, సామాన్యుల నుంచి సెలబ్రిటీల వరకు ప్రతి ఒక్కరికీ ఈ బ్రాండ్‌ అంటే తీరని మోజు. ధర కూడా ఆ రేంజ్‌లోనే ఉంటుంది. పలు ప్రముఖ ఆన్‌లైన్‌ స్టోర్స్‌లోనూ లభిస్తాయి. అదితి రావ్‌ ధరించిన ఫుట్‌ వేర్‌ బ్రాండ్‌ ధర రూ. 6,399/-. (చదవండి:  'నా సామిరంగ’ మూవీ హీరోయిన్‌ చుడిదార్‌లో లుక్‌ మాములుగా లేదుగా!)  

‘‘హే సినామిక’ ట్రైలర్‌ చాలా బాగుంది. ఈ సినిమా వేడుకకి రావడం గౌరవంగా భావిస్తున్నా. బృందా మాస్టర్‌ కొరియోగ్రఫీకి నేను పెద్ద ఫ్యాన్‌. మీరు సినిమాలను డైరెక్ట్‌ చేయండి.. కానీ కొరియోగ్రఫీ మాత్రం వదలొద్దు.. ప్లీజ్‌’’ అని హీరో నాగచైతన్య అన్నారు. దుల్కర్‌ సల్మాన్, కాజల్‌ అగర్వాల్, అదితీరావ్‌ హైదరీ హీరో హీరోయిన్లుగా బృందా మాస్టర్‌ దర్శకత్వంలో తెరకెక్కిన చిత్రం ‘హే సినామిక’. జియో, గ్లోబల్‌ వన్, వయాకామ్‌ 18 స్టూడియోస్‌పై నిర్మించిన ఈ సినిమా రేపు(గురువారం) రిలీజ్‌  అవుతోంది. ఈ సందర్భంగా హైదరాబాద్‌లో నిర్వహించిన ప్రీ రిలీజ్‌ వేడుకలో నాగచైతన్య మాట్లాడుతూ– ‘‘బృందా మాస్టర్‌గారు సినిమాని డైరెక్ట్‌ చేస్తున్నారని తెలిసినప్పుడు చాలా ఆనందపడ్డాను. ‘మనం’ సినిమాలోని ‘కనులను తాకే..’ అనే మాంటేజ్‌ పాటకు అద్భుతంగా కొరియోగ్రఫీ చేశారామె. చెన్నైలో ఉన్నప్పటి నుంచే నాకు, దుల్కర్‌కి పరిచయం ఉంది. తను ప్రతి భాషలోనూ సినిమాలు చేస్తుండటం హ్యాపీ’’ అన్నారు.  దుల్కర్‌ సల్మాన్‌ మాట్లాడుతూ–‘‘హే సినామిక’ నాకు చాలా ప్రత్యేకం. పాటల్లో రొమాన్స్, ఎమోషన్స్‌ ఎలా చేయాలో నాతో బాగా చేయించేవారు బృందామాస్టర్‌. ఆమె నాకు తల్లిలాంటిది. ‘హే సినామిక’ చూసి నవ్వుతారు, ఏడుస్తారు, డాన్స్‌ చేస్తారు’’ అన్నారు. ‘‘తెలుగు చిత్రపరిశ్రమలో నేను డాన్స్‌ మాస్టర్‌గా ఉన్నానంటే కారణం నిర్మాతలు రామానాయుడుగారు, సురేశ్‌బాబుగారే. ‘హే సినామికా’ దర్శకురాలిగా నా తొలి చిత్రమైనా దుల్కర్‌ ఓకే చెప్పడం హ్యాపీ’’ అన్నారు బృందామాస్టర్‌.  ‘‘హే సినామిక’ చూసి మీరందరూ తప్పకుండా నవ్వుతారు’’ అన్నారు అదితీరావ్‌ హైదరీ. నిర్మాత డి.సురేశ్‌ బాబు మాట్లాడుతూ–‘‘డాన్స్‌ మాస్టర్‌గా బృందాని చాలా రోజులుగా చూస్తున్నా. ఆమె సినిమాని డైరెక్ట్‌ చేయడం చాలా సంతోషంగా ఉంది. ‘హే సినామికా’ బాగా ఆడాలని కోరుకుంటున్నా’’ అన్నారు. ‘‘నా డాన్స్‌లో గురు బృందామాస్టర్‌. నాతో డాన్స్‌ చేయించేందుకు ఆమె ఎంత కష్టపడిందంటే.. ఆమె కెరీర్‌లో చాలా కష్టమైన హీరో నేనే అయ్యుంటాను.. అందుకే నేను హీరోగా మానేశాను కూడా(నవ్వుతూ)’’ అన్నారు నటుడు జగపతిబాబు. ‘‘బృంద కొరియోగ్రఫీ చేస్తున్నారంటే మణిరత్నంలాంటి డైరెక్టర్‌ కూడా సెట్స్‌లో ఉండరు.. ఆమె ప్రతిభపై అంత నమ్మకం. ‘హే సినామిక’ ద్వారా విజువల్‌ ట్రీట్‌ ఇస్తున్నారామె’’ అన్నారు డైరెక్టర్‌ నందినీ రెడ్డి. 

♦ ఫొటో పిచ్చ పర్ఫెక్ట్‌గా వచ్చిందంటున్న పాయల్‌ రాజ్‌పుత్‌ ♦ ఫోనులో ఊసులాడుతున్న హెబ్బా పటేల్‌ ♦ ఓరకన్నుతో చంపేస్తోన్న 'డీ కంపెనీ' నటి నైనా గంగూలీ ♦ చమక్కుమని మెరుస్తోన్న కాజల్‌ ♦ ఫన్‌ టైమ్‌ అంటూ నాలుక బయటపెట్టిన శిల్పా శెట్టి ♦ నాజూకు సొగసుతో కైపెక్కిస్తోన్న కియారా అద్వానీ ♦ పచ్చని చెట్ల మధ్య పూల చీర కట్టుకున్న దియా మీర్జా ♦ మగత నిద్రలోకి జారుకున్నట్లు పోజిచ్చిన అదితి రావు హైదరీ ♦ పచ్చటి పైరు మీద కూర్చొని ప్రకృతిని ఆస్వాదిస్తున్న వితికా శెరు ♦ రెడ్‌ డ్రెస్సులో ప్రియమణిని చూసి అనాల్సిందే.. షీ సో క్యూట్‌.. షీ సో హాట్‌.. ♦ గాల్లోకి చూస్తూ కుర్రకారులను ఊపిరాడనివ్వకుండా చేస్తున్న సంజీదా షైక్‌ View this post on Instagram A post shared by Payal Rajput (@rajputpaayal) View this post on Instagram A post shared by Hebah Patel (@ihebahp) View this post on Instagram A post shared by Naina Ganguly ❤ (@nainaganguly) View this post on Instagram A post shared by Kajal A Kitchlu (@kajalaggarwalofficial) View this post on Instagram A post shared by Shilpa Shetty Kundra (@theshilpashetty) View this post on Instagram A post shared by KIARA (@kiaraaliaadvani) View this post on Instagram A post shared by Dia Mirza (@diamirzaofficial) View this post on Instagram A post shared by Dia Mirza (@diamirzaofficial) View this post on Instagram A post shared by Aditi Rao Hydari (@aditiraohydari) View this post on Instagram A post shared by Vithika Sheru (@vithikasheru) View this post on Instagram A post shared by Vithika Sheru (@vithikasheru) View this post on Instagram A post shared by Priya Mani Raj (@pillumani) View this post on Instagram A post shared by Sanjeeda Shaikh (@iamsanjeeda)

కోయంబత్తూరు: షూటింగ్‌ సెట్స్‌లో గుండెపోటుతో కుప్పకూలిన మలయాళ దర్శకుడు నారానీపుజ షానవాస్‌(37) కన్నుమూశారు. కేరళలోని పాలక్కడ్‌లో షూటింగ్‌ జరుపుకుంటున్న 'గంధీరాజన్'‌ సినిమా సెట్స్‌లో డిసెంబర్‌ 21న షానవాస్‌కు గుండెపోటు వచ్చింది. వెంటనే అతడిని చిత్రయూనిట్‌ కోయంబత్తూరులోని కేజీ ఆస్పత్రికి తరలించింది. అక్కడ ఆయన పరిస్థితి మరింత విషమించగా బ్రెయిన్‌ డెడ్‌ అయినట్లు వైద్యులు బుధవారం వెల్లడించారు. ఏదైనా మిరాకిల్‌ జరిగి బతుకుతాడేమోనన్న ఆశతో అతడిని వెంటిలేటర్‌పైనే ఉంచినప్పటికీ అదే రోజు సాయంత్రం మరణించినట్లు వైద్యులు తెలిపారు. దీంతో పలువురు సెబబ్రిటీలు ఆయన మరణానికి చింతిస్తూ నివాళులు అర్పిస్తున్నారు. (చదవండి:కూరగాయలమ్ముతున్న ప్రముఖ డైరెక్టర్‌) View this post on Instagram A post shared by Aditi Rao Hydari (@aditiraohydari) "ఆయన కథల్లాగే షాన్‌వాస్‌ కూడా ఎంతో మంచివారు, సున్నిత హృదయం కలవారు. ఆయన ఆత్మకు శాంతికి చేకూరాలి" అంటూ హీరోయిన్‌ అదితి రావు సోషల్‌ మీడియా వేదికగా దర్శకుడి‌ కుటుంబానికి ప్రగాఢ సానుభూతి తెలియజేశారు. నటుడు జయ సూర్య సెట్స్‌లో అతడితో కలిసి దిగిన ఫొటోను పంచుకున్నారు. 'ఎన్నో కథలను చెప్పావు, మరెన్నో జ్ఞాపకాలను మిగిల్చి వెళ్లిపోయావు..' అంటూ నిర్మాత విజయ్‌ బాబు ఫేస్‌బుక్‌లో ఎమోషనల్‌ పోస్ట్‌ చేశారు. కాగా నారానీపుజ షానవాస్‌ 2015లో 'కేరీ' చిత్రంతో దర్శకుడిగా ఇండస్ట్రీలోకి అడుగుపెట్టారు. కొంత కాలం గ్యాప్‌ తర్వాత అదితిరావు హైదరీ, జయసూర్య, దేవ్‌ మోహన్‌ నటీనటులుగా 'సూఫియమ్‌ సుజాతయుమ్'‌ చిత్రాన్ని తెరకెక్కించారు. గతేడాది అమెజాన్‌ ప్రైమ్‌లో విడుదలైన ఈ చిత్రం అతడికి మంచి పేరు తెచ్చి పెట్టింది. (చదవండి: కమెడియన్‌ను పెళ్లి చేసుకున్న నటి) View this post on Instagram A post shared by actor jayasurya (@actor_jayasurya)

ప్రముఖ తమిళ రచయిత కల్కి కృష్ణమూర్తి రచించిన పొన్నియిన్‌ సెల్వన్‌ నవల ఆధారంగా తెరకెక్కుతున్న చిత్రం ‘పొన్నియిన్‌ సెల్వన్‌’. ఈ చిత్రానికి మణిరత్నం దర్శకత్వం వహిస్తున్నారు. ఇందులో విక్రమ్, కార్తీ, ‘జయం’ రవి, ఐశ్వర్యా రాయ్, త్రిష, అదితీ రావ్‌ హైదరి, శోభితా ధూళిపాళ్ల ప్రధాన పాత్రధారులు. ఈ సినిమా తొలి షెడ్యూల్‌ థాయ్‌ల్యాండ్‌లో జరిగింది. ‘జయం’ రవి, కార్తీలపై కీలక సన్నివేశాలను చిత్రీకరించారు. సెకండ్‌ షెడ్యూల్‌ను ఆరంభించాలనుకుంటున్న సమయంలో కరోనా కారణంగా ఈ సినిమా షూటింగ్‌కు తాత్కాలికంగా బ్రేక్‌ పడింది. మళ్లీ షూటింగ్‌ ప్రారంభమయ్యేలోపు కథలోని పాత్రలకు తగ్గట్లుగా మౌల్డ్‌ అయ్యే పనిలో ఉన్నారు ఈ చిత్రంలోని నటీనటులు. ఇందులో భాగంగానే అదితీ రావ్‌ హైదరి  కలరిపయట్టు ప్రాక్టీస్‌ చేస్తున్నారు. లాక్‌డౌన్‌ వల్ల ఇంటిపట్టునే ఉంటున్న అదితీ ఈ మార్షల్‌ ఆర్ట్‌ ప్రాక్టీస్‌కే రోజులో ఎక్కువ టైమ్‌ కేటాయిస్తున్నారట. తన ప్రాక్టీస్‌ వీడియోను సోషల్‌ మీడియా ద్వారా షేర్‌ చేశారు అదితీ రావ్‌. పీరియాడికల్‌ బ్యాక్‌డ్రాప్‌లో తెరకెక్కుతోన్న ఈ చిత్రం రెండు భాగాలుగా విడుదలవుతుందనే ప్రచారం జరుగుతోంది.

తమిళసినిమా: మణిరత్నం హీరోయిన్‌కు అడ్జెస్ట్‌మెంట్‌ వేధింపులు తప్పలేదట. ఈ విషయాన్ని తనే స్వయంగా చెప్పింది. మణిరత్నం కాట్రువెలియిడై చిత్రం ద్వారా కోలీవుడ్‌కు పరిచయమైన నటి అధితిరావ్‌. ఇటీవల కూడా ఆయన దర్శకత్వంలో వహించిన సెక్క సివంద వానం చిత్రంలో ఈ బ్యూటీకి అవకాశం కల్పించారు. అలా గుర్తింపు తెచ్చుకున్న అధితిరావ్‌ తాజాగా ఉదయనిధిస్టాలిన్‌తో కలిసి ఒక నూతన చిత్రంలో రొమాన్స్‌ చేయడానికి రెడీ అవుతోంది.  ఇటీవల కాస్టింగ్‌ కౌచ్, ఇప్పుడు మీటు సంఘటనలు చిత్ర పరిశ్రమలో ప్రకంపనలు పుట్టిస్తున్న విషయం తెలిసిందే.  ఈ విషయంపై ఇప్పుడు చాలా మంది తమకు జరిగిన లైంగికవేధింపుల సంఘటనల గురించి బయట ప్రపంచానికి చెప్పుకుని ఇన్నాళ్లూ తమ గుండెల్లో రగులుతున్న బడబాగ్నులను చల్లబరచుకుంటున్నారు. అదే విధంగా నటి అధితిరావ్‌ కూడా దీనిపై స్పందించి తనకు ఎదురైన సంఘటనలను వెల్లడించింది. అడ్జెస్ట్‌మెంట్‌కు నో చెప్పడంతో నేనూ మూడు చిత్రాల అవకాశాలను కోల్పోయానని చెప్పుకొచ్చింది.  ఇంతకీ ఈ అమ్మడు ఏం చెప్పిందో చూద్దాం. వారసుల కంటే సినీ నేపథ్యం లేని వారిని అవకాశాల కోసం పడక గది వేధింపులకు అధికంగా గురవుతున్నారని నేను చెప్పలేను గానీ, నా గురించి మాత్రం చెప్పగలను. కొత్తగా ఈ రంగానికి వచ్చే వారు లక్ష్యం దిశగా ముందుకెళ్లడం కష్టమే.  అయితే అది అసాధ్యం కాదు. అందుకు ఉదాహరణ నేనే. అడ్జెస్ట్‌ కానందుకు అవకాశాలు తగ్గుతాయి. అయినా నా విధానాలను మార్చుకోలేదు. మొదట్లో చెడు అనుభవం ఎదురైంది. అడ్జెస్ట్‌మెంట్‌కు నో చెప్పడంతో మూడు చిత్రాల అవకాశాలను కోల్పోయాను. గౌరవంగా జీవించాలన్నది లక్ష్యంగా జీవిస్తున్నాను. నాకు గౌరవ మర్యాదలే ముఖ్యం. అందుకు అవకాశాలు పోయినా పర్వాలేదు. అదే విధంగా మహిళలకు సినిమా రంగంలోనే కాదు ఇతర రంగాల్లోనూ సరైన భద్రత లేదు. అన్ని రంగాల్లోనూ విభిన్న వ్యక్తులు ఉంటారు. కొందరు మర్యాదగా నడుచుకుంటే, మరి కొందరు మహిళపై అఘాయిత్యాలకు పాల్పడుతుంటారు. ఇంకా చెప్పాలంటే పురుషాధిక్య సమాజంలో స్త్రీలు ఎదగడం కష్టమే.  ఇకపోతే నేనెందుకు ఇంకా నంబర్‌ ఒన్‌ హీరోయిన్‌ను కాలేదని చాలా మంది అడుగుతున్నారు. అందుకు నా వద్ద సరైన సమాధానం లేదు గానీ, నాకు లభిస్తున్న అవకాశాలతో సంతోషంగానే ఉన్నాను. నేను కొందరు ప్రముఖ దర్శకుల చిత్రాల్లో నటించాను. దీంతో నంబర్‌వన్‌ నటిని కాలేకపోయానన్న బాధ ఏ కోశానా లేదు. కొందరు అధిక పారితోషాకం పొందడాన్ని విజయంగా భావిస్తారు. మరి కొందరు పలు అవార్డులను గెలుచుకోవడాన్ని సక్సెస్‌గా భావిస్తారు. ఇంకొందరు అధిక చిత్రాల్లో నటించడాన్ని విజయంగా భావిస్తారు. నేను మాత్రం ఒక పెద్ద దర్శకుడు నటించడానికి అవకాశం ఇస్తే గౌరవంగా భావిస్తాను. అదే నాకు విజయం అని అధితిరావ్‌ పేర్కొంది.

ఇంద్రగంటి మోహనకృష్ణ సినిమాలంటే ఫ్యామిలీ అంతా హాయిగా కూర్చొని చూడొచ్చు. సుదీర్‌ బాబు హీరోగా ఇంద్రగంటి మోహనకృష్ణ దర్శకత్వంలో తెరకెక్కిన తాజా చిత్రం సమ్మోహనం. ఈ సినిమా ఫస్ట్‌ లుక్‌, టీజర్‌, ట్రైలర్‌ అన్నింటికి పాజిటివ్‌ కామెంట్స్‌ వచ్చాయి. సినిమాలోని మాటలు, పాటలు, లొకేషన్లు, హీరో హీరోయిన్ల మధ్య కెమిస్ట్రీ, వినోదం ఈ సినిమాకు హైలెట్‌గా నిలుస్తాయని ట్రైలర్‌ చూస్తే తెలుస్తోంది.  జూన్‌ 15న విడుదలకు సిద్ధంగా ఉన్న ఈ సినిమా ఇటీవలె సెన్సార్ కార్యక్రమాలను పూర్తి చేసుకుంది. సెన్సార్‌ సభ్యుల కత్తెరకు ఎలాంటి పని చెప్పకుండా.. ఈ సినిమా క్లీన్‌ యూ సర్టిఫికెట్‌ను పొందింది. జూన్‌ 10న జరుగుబోతున్న ప్రీ రిలీజ్‌ ఈవెంట్‌కు సూపర్‌స్టార్‌​ మహేష్‌ బాబు ముఖ్య అతిథిగా రాబోతున్న విషయం తెలిసిందే. ఈ సినిమాలో సుధీర్‌బాబుకు జోడీగా అదితి రావు హీరోయిన్‌గా నటిస్తోంది. ఈ సినిమాకు వివేక్‌సాగర్‌ సంగీతాన్ని అందించారు.  It's clean U for #Sammohanam #SammohanamOnJune15th https://t.co/fBG7BSsMqX — Sudheer Babu (@isudheerbabu) June 7, 2018

సుధీర్‌ బాబు హీరోగా తెరకెక్కుతున్న తాజా చిత్రం సమ్మోహనం. ఈ సినిమా ప్రమోషన్‌లో భాగంగా మెగాస్టార్‌ చిరంజీవి చేతుల మీదుగా టీజర్‌ను లాంచ్‌ చేయించారు. చిరును ఇంటర్వ్యూ చేసి మెగా అభిమానులను అట్రాక్ట్‌ చేశాడు సుధీర్‌బాబు. సమ్మోహనం టీజర్‌ను చాలా కొత్తగా, గ్రాండ్‌ లొకేషన్స్‌లో చూపించేసరికి ప్రేక్షకుల్లో ఈ మూవీపై అంచనాలు పెరిగాయి.  నేడు (గురువారం) సూపర్‌స్టార్‌ కృష్ణ పుట్టిన రోజు సందర్భంగా సమ్మోహనం ట్రైలర్‌ను రిలీజ్‌ చేశారు. ఈ ట్రైలర్‌ ప్రేక్షకులను ఆకట్టుకునే విధంగా ఉంది. కామెడీ, ప్రేమ, ఎమోషన్స్‌తో కూడుకున్న ఈ ట్రైలర్‌లో సుధీర్‌బాబు, హీరోయిన్‌ అదితీ రావు అందంగా కనిపించారు. ట్రైలర్‌లోనే సినిమా కథేంటో రివీల్‌ చేసినట్టుగా కనిపిస్తోంది. వివేక్‌ సాగర్‌ సంగీతమందించగా.. ఇంద్రగంటి మోషనకృష్ణ దర్శకత్వం వహిస్తున్నారు. ఈ సినిమా జూన్‌ 15న ప్రేక్షకుల ముందుకు రాబోతోంది. 

చిన్న సినిమా, పెద్ద సినిమా అంటూ తేడా లేకుండా పిలిస్తే పలుకుతా అన్నట్లు... ఎవరు పిలిచినా వచ్చి తన సపోర్టును ఇస్తున్నారు మెగాస్టార్‌ చిరంజీవి. ఈ మధ్య చాలా సినిమా ఫంక్షన్లకు హాజరైన చిరు తాజాగా సుధీర్‌ బాబు నటిస్తున్న ‘సమ్మోహనం’ సినిమా టీజర్‌ను చిరంజీవి రేపు ( మే 1) విడుదల చేయనున్నారు.  ఇలా తన వంతు సహాయాన్ని చిరు చేస్తున్నారు. ఆయన కూడా ఇలాంటి వాటికి రావడానికి శ్రద్ధ చూపిస్తున్నట్లు సమాచారం. తను హీరోగా ఎదుగుతున్న సమయంలో ఒక పెద్ద హీరోను తన సినిమా ఫంక్షన్‌కు పిలిస్తే రాలేదని...అప్పుడు చాలా బాధపడ్డానని... ఆ బాధేంటో తనకు తెలుసునని, ఒక పెద్ద హీరో ఇలా వచ్చి  ప్రమోట్‌ చేస్తే ఆ సినిమాకు బూస్ట్‌ను ఇచ్చినట్టు అవుతుందని ఇటీవలే హాజరైన ఓ ఆడియో ఫంక్షన్‌లో చిరంజీవి చెప్పారు. సమ్మోహనం సినిమా టీజర్‌ చిరంజీవి చేతుల మీదుగా రిలీజ్‌ కానుంది. సరైన హిట్ లేక సతమతమవుతున్నసుధీర్‌ బాబు ఈ సినిమాతో ఎలాగైన విజయం సాధించాలనుకుంటున్నాడు. ఇంద్రగంటి మోహనకృష్ణ దర్శకత్వం వహించగా..శివలెంక కృష్ణప్రసాద్ నిర్మించిన ఈ సినిమాకు వివేక్ సాగర్ సంగీతం అందించాడు. సుధీర్‌బాబుకు జంటగా అదితి రావు నటిస్తోంది.  

‘పద్మావత్‌’ చిత్రంలో పద్మావతి కోసం అల్లావుద్దీన్‌ ఖిల్జీ.. ఢిల్లీలో తన రాజ్యాన్ని వదిలేసి చిత్తోడ్‌ఘడ్‌ చేరుకుని అక్కడి ఎడారిలో గుడారం వేసుకుని కూర్చుంటాడు! ‘తలుపు మూసిన తలవాకిటనే పగలూ రేయీ కూర్చున్నా..’ అని 1978 నాటి ‘ఇంద్రధనస్సు’ సినిమాలో కృష్ణ పాడతాడు కదా, శారద కోసం.. అలా ఇక్కడ ఖిల్జీ.. పద్మావతి కోసం అలమటిస్తుంటాడు. అతడి కళ్లు చెమ్మగిల్లుతాయి కూడా. ‘ఏంటి అంతటివాడికి ఇంత ఖర్మ?’ అని అనిపిస్తుంది ప్రేక్షకులకు. ‘పద్మావతంత అపురూపమైన మానవ స్త్రీ ఈ భువిలో లేదని’.. నమ్మకద్రోహి అయిన చిత్తోడ్‌ఘడ్‌ రాజగురువు ఢిల్లీ వెళ్లి ఖిల్జీకి చెప్పి, అతడిని రెచ్చగొట్టడంతో ఆ మాయలో పడిపోతాడు ఖిల్జీ! అతడి భార్య మెహరున్నీసా కూడా అందాలరాశే. అంత అందాన్ని కళ్లెదుట పెట్టుకుని, వేరే రాజ్యపు స్త్రీ కోసం ఖిల్జీ పాకులాడటం కూడా ఆడియన్స్‌కి అతడిపై గౌరవాన్ని తగ్గిస్తుంది.  సినిమా చూస్తున్నవారికి హాల్లోంచి ఒక మాట తప్పనిసరిగా వినిపిస్తుంది. ‘అరె.. ఈవిడ కూడా అందంగా ఉంది కదా. ఖిల్జీకి ఇదేం పోయేకాలం?’ అని! ఖిల్జీ భార్యగా అతిథి రావ్‌ హైదరీ నటించారు. నిజంగానే ఆమె దీపికా పదుకోన్‌కి దీటుగా ఉన్నారు. 


 ప్రఖ్యాత దర్శకుడు మణిరత్నం చిత్రాల్లో రిపీట్‌ అయిన కథానాయికలు చాలా తక్కువనే చెప్పాలి. మాజీ ప్రపంచ సుందరి ఐశ్వర్యరాయ్‌ మాత్రమే ఇరువర్, గురు,రావణన్‌ చిత్రాల్లో నటించారు. తాజాగా మరో బాలీవుడ్‌ నటి అతిథిరావు దర్శకుడు మణిరత్నంను బాగా ఆకట్టకున్నారు. ఈ బ్యూటీని కార్తీకి జంటగా కాట్రువెలియిడై చిత్రం ద్వారా కోలీవుడ్‌కు పరిచయం చేశారు.ఆ చిత్రం విడుదలై ఇటు పరిశ్రమ వర్గాలలోనూ, అటు ప్రేక్షకుల్లోనూ మిశ్రమ స్పందనను పొందినా, మణిరత్రం మాత్రం ఇవేవీ పట్టించుకోకుండా తన తాజా చిత్రానికి రెడీ అయిపోయారు.
 
 ఈ సారి తమిళం, తెలుగు భాషల్లో చిత్రం చేయడానికి సన్నాహాలు చేస్తున్నారని తెలుస్తోంది.  ఇందులో తాను దళపతి చిత్రం ద్వారా పరిచయం చేసి, రోజా, బొంబాయి చిత్రాలతో రొమాంటిక్‌ హీరోగా మార్చిన నటుడు అరవిందస్వామిని తాజా చిత్రంలో కథానాయకుడిగా ఎంచుకున్నట్లు సమాచారం. అదే విధంగా టాలీవుడ్‌ యువ స్టార్‌ నటుడు రామ్‌చరణ్‌ను మరో హీరోగా ఎంపిక చేసినట్లు టాక్‌ హల్‌చల్‌ చేస్తోంది.
 
 ఇక ఈ చిత్రంలో హీరోయిన్‌ పాత్రకు అతిథిరావునే ఎంపిక చేసినట్లు కోలీవుడ్‌ వర్గాల సమాచారం. కాట్రువెలియిడై చిత్రంలో ఈ అమ్మడి అభినయం అంతగా మణిరత్నంకు నచ్చేయడంతో తన తాజా చిత్రంలోనూ ఈ భామనే నాయకిగా ఎంచుకున్నారని టాక్‌. మొత్తం మీద కోలీవుడ్‌లో అతి«థిరావు మరో అవకాశం కొట్టేసిందన్నమాట.


 శుక్రవారం అరడజను చిత్రాలు తెరపైకి రానున్నాయి. వాటిలో మణిరత్నం, కార్తీల కాట్రువెలియిడై, చాయ, విరుదాచలం,సెంజిట్టాలే ఎన్‌ కాదల, 8 తట్టాక్కల్, జూలియుం 4 పేరుం చిత్రాలు ఉన్నాయి.
 దర్శకుడు మణిరత్నం తాజా సృష్టి కాట్రువెలియిడై. కార్తీ, బాలీవుడ్‌ బ్యూటీ అతిథిరావు జంటగా నటించిన ఈ చిత్రానికి సంగీత మాత్రికుడు ఏఆర్‌.రెహ్మాన్‌ బాణీలు అందించారు. ఈ చిత్రం చెలియ పేరుతో తెలుగులోనూ ఏక కాలంలో తెరపైకి రానుంది. కశ్మీర్‌ ప్రాంతంలో అధిక భాగం చిత్రీకరణ జరుపుకున్న ఈ కాట్రు వెలియిడై. ఇకపోతే సోనియా అగర్వాల్‌ పోలీస్‌ అధికారిగా పవర్‌ఫుల్‌ పాత్రలో నటించిన చిత్రం ఛాయ. ఈ చిత్రానికి వీఎస్‌.పళనివేల్‌ దర్శకుడు. నిజానికి ఈ చిత్రం గత నెలలోనే విడుదల కావలసి ఉంది.
 
 థియేటర్ల కొరత కారణంగా వాయిదా పడింది.మూడో చిత్రం విరుదాచలం. లక్ష్మీఅమ్మాళ్‌ ఫిలింస్‌ పతాకంపై పి.సెంథిల్‌కుమార్‌ నిర్మించిన ఈ చిత్రంలో విరుదగిరి, శ్వేత, సమీర నాయికానాయికలుగా నటించారు. ఈ చిత్రానికి కథ, కథనం, మాటలు, దర్శకత్వం బాధ్యతల్ని రతన్‌గణపతి నిర్వహించారు. ఈ చిత్రానికి శ్రీరామ్‌ సంగీతాన్ని అందించారు. నాలుగవ చిత్రం చెంజిటాళే ఎన్‌ కాదల. ఎస్‌బీ.ఎంటర్‌టెయిన్‌మెంట్‌ పతాకంపై ఎస్‌.బాలసుబ్రయణియన్‌ నిర్మించిన ఈ చిత్రానికి ఎళిల్‌దురై దర్శకుడు, కథానాయకుడు మధుమిల, అభినయ కథానాయికలుగా నటించారు.
 
  ఎఫ్‌.రాజ్‌భరత్‌ సంగీతం అందించిన ఇది విభిన్న ప్రేమ కథా చిత్రంగా తెరపైకి రానుంది. ఇక క్రైమ్‌ థ్రిల్లర్‌  కథాంశంతో రూపొందిన చిత్రం 8 తోట్టాక్కల్‌. శ్రీగణేశ్‌ దర్శకత్వం వహించిన ఇందులో వెట్ట్రి, అపర్ణ బాలమురళి జంటగా నటించారు. ఆరవ చిత్రం జూలియుం 4 పేరుం. సువేదదేవి నిర్మించిన ఈ చిత్రానికి సతీశ్‌ దర్శకుడు. అమిధవన్, అల్యా మానస హీరోహీరోయిన్లుగా నటించిన ఈ చిత్రానికి రఘు శ్రావణ్‌కుమార్‌ సంగీతాన్ని అందించారు.
 
  ఈ నెల 14న నటుడు ధనుష్‌ దర్శకత్వం వహించిన పవర్‌పాండి, పి.వాసు దర్శకత్వంలో లారెన్స్, రితికాసింగ్‌ జంటగా నటించిన శివలింగ, ఆర్య నటించిన కడంబన్‌ వంటి భారీ చిత్రాలు విడుదల కావడం, అదే విధంగా 28వ తేదీన రాజమౌళి చిత్రం బాహుబలి–2 చిత్రం భారీ ఎత్తున్న విడుదలకు సిద్ధం కావడంతో చిన్న చిత్రాల నిర్మాతలు తమ చిత్రాలను శుక్రవారం విడుదల చేయడానికి సిద్ధం అయ్యారన్నది గమనార్హం.


 నేను దర్శకుడు మణిరత్నంను కలిసుండకపోతే ఈ స్థాయిలో ఉండేవాడినే కాదు అని పేర్కొన్నారు ప్రఖ్యాత సంగీత దర్శకుడు, ఆస్కార్‌ అవార్డు గ్రహీత ఏఆర్‌.రెహ్మాన్ . సోమవారం ఉదయం స్థానిక రాయపేటలోని సత్యం సినిమాస్‌ థియేటర్‌లో జరిగిన కాట్రువెలియిడై చిత్ర ఆడియో ఆవిష్కరణ కార్యక్రమంలో పాల్గొన్న రెహ్మాన్ పై విధంగా వ్యాఖ్యానించారు. మణిరత్నం తాజా చిత్రం కాట్రువెలియిడై. కార్తీ, అదితిరావు జంటగా నటించిన ఈ చిత్రానికి ఏఆర్‌.రెహ్మాన్ సంగీతభాణీలు అందించారు.
 ఈ చిత్ర ఆడియోను ఆయన ఆవిష్కరించగా నటుడు సూర్య తొలి ప్రతిని అందుకున్నారు. ఈ సందర్భంగా దర్శకుడు మణిరత్నం మాట్లాడుతూ తాను ఏఆర్‌.రెహ్మాన్  కలిసి 25 ఏళ్లుగా పని చేస్తున్నామన్నారు. ఏఆర్‌.రెహ్మాన్ తో కలిసి పని చేయడం ఎప్పుడూ ఒక కొత్త అనుభవమేనని పేర్కొన్నారు. కాట్రువెలియిడై భారతీయ విమానదళం నేపధ్యంలో సాగే అందమైన ప్రేమ కథ అని తెలిపారు. తాను కార్తీను మూడు రోజుల క్రితం కలిసినప్పుడు షూటింగ్‌ సమీపంలో యుద్ధ విమాన అధికారులను చూసినప్పుడు లేచి నిలబడి వారికి గౌరవాన్ని ఇస్తానని అన్నారన్నారు. అలా వారి గౌరవాన్ని ఆవిష్కరించే చిత్రమే కాట్రు వెలియిడై అని పేర్కొన్నారు.
 ఏఆర్‌.రెహ్మాన్  మాట్లాడుతూ మణిరత్నం తనకు లభించిన వరప్రసాదం అన్నారు. తాను ఆయన్ను  కలిసుండకపోతే ఈ స్థాయిలో ఉండేవాడినే కాదన్నారు. సూర్య మాట్లాడుతూ తాను, తన భార్య మణిరత్నంను చాలా కాలంగా అడగాలనుకుంటున్న ప్రశ్న ఆయన ఇప్పటికీ ఇంత అందమైన ప్రేమ కథా చిత్రాలను ఎలా తెరకెక్కించగలుగుతున్నారన్నారు.
 కార్తీ మాట్లాడుతూ తాను మణిరత్నం వద్ద మోస్ట్‌ అసిస్టెంట్‌గా ఉండి కథానాయకుడిని అయ్యానన్నారు. ఆయన నుంచి చాలా నేర్చుకున్నానని, పనిలో ఇంత సిన్సియర్‌గా ఉంటున్నానంటే ఆయనే కారణం అన్నారు. మణిరత్నం తనను నటించమని ఈ చిత్ర స్క్రిప్ట్‌ ఇచ్చినప్పుడు కలిగిన ఆనందం మాటల్లో చెప్పలేనన్నారు. కాట్రువెలియిడై చిత్రం లో నటించడం ఒక మధురమైన అనుభవంగా కార్తీ పేర్కొన్నారు. ఈ చిత్రంతో తన కల నిజమైందని నటి అదితిరావు పేర్కొన్నారు.


 సియాన్  విక్రమ్‌తో బాలీవుడ్‌ భామ ఆదితిరావ్‌ రొమాన్స్ కు సిద్ధం అవుతున్నారు. ఇరుముగన్  చిత్రం విజయాన్ని ఎంజాయ్‌ చేస్తున్న నటుడు విక్రమ్‌ తదుపరి చిత్రానికి చిన్న గ్యాప్‌ తీసుకున్నారు. అయితే ప్రస్తుతం ఈయన చేతిలో రెండు చిత్రాలు ఉన్నాయి. అందులో ఒకటి గౌతమ్‌ మీనన్  దర్శకత్వంలో నటించనున్న చిత్రం. ఈ చిత్రం షూటింగ్‌ విషయంలోనే కాస్త జాప్యం జరిగిందనే ప్రచారం జరుగుతోంది. గౌతమ్‌మీనన్, విక్రమ్‌ కాంబినేషన్  లో తెరకెక్కనున్న ఈ తొలి చిత్రానికి ధ్రువనక్షత్రం అనే పేరును ఖరారు చేశారు. నిజానికి ఈ చిత్ర కథను గౌతమ్‌మీనన్ నటుడు అజిత్‌ కోసం తయారు చేశారట. ఆయనతో చిత్రం సెట్‌ కాకపోవడంతో ఆ కథను సూర్య కథానాయకుడిగా చిత్రం చేయడానికి చాలా కాలం క్రితమే సన్నాహాలు జరిగాయి.
 అలాంటిది సూర్యకు కథ నచ్చక పోవడంతో ఆయన చిత్రం నుంచి వైదొలిగారు.ఈ వ్యవహారంలో గౌతమ్‌మీనన్ కు, సూర్యకు మధ్య విభేదాలు తలెత్తాయన్నది గమనార్హం. తాజాగా అదే కథలో నటుడు విక్రమ్‌ హీరోగా నటించనున్నారు. ఇక ఇందులో హీరోయిన్ గా నటి నయనతారను నటింపజేసే ప్రయత్నాలు జరిగాయని, ఆ అమ్మడు డిమాండ్‌ చేసిన పారితోషికానికి దర్శకుడు గౌతమ్‌మీనన్  కళ్లు బైర్లు కమ్మాయని వార్తలు వెబ్‌సైట్లలో హల్‌చల్‌ చేశారు. విక్రమ్‌కు జంటగా బాలీవుడ్‌ బ్యూటీ ఆదితిరావ్‌ను ఎంపిక చేసినట్లు తెలిసింది. ఈ అమ్మడు ఇప్పటికే మణిరత్నం దర్శకత్వంలో కార్తీకి జంటగా కాట్రు వెలియిడై చిత్రంలో నటిస్తున్నారన్నది గమనార్హం. ఏఆర్‌.రెహ్మాన్  సంగీతాన్ని అందించనున్న ధ్రువనక్షత్రం చిత్రం ఫస్ట్‌లుక్‌ పోస్టర్‌ను సోమవారం విడుదల చేశారు.
 ఇందులో సాల్ట్‌ అండ్‌ పెప్పర్‌ లుక్‌లో విక్రమ్‌ గెటప్‌ ఆయన అభిమానుల్ని యమ ఖుషీ చేస్తోంది. ఇక చిత్ర షూటింగ్‌ త్వరలో ప్రారంభం కానున్నట్లు సమాచారం. విక్రమ్‌ ఈ చిత్రం చేస్తూనే విజయ్‌చందర్‌ దర్శకత్వంలో మరో చిత్రం చేయనున్నారన్నది గమనార్హం. 


 మణిరత్నం సినిమాలో నటించే అవకాశం అంటే మాటలు కాదు. అందుకే ఆయన అవకాశం ఇస్తే, ఎగిరి గంతేస్తారు. పర్ఫెక్షన్ కోసం ఆయన ఏం చేయమంటే అది చేసేస్తారు. ఇప్పుడు అదితీ రావ్ హైదరి అలానే చేస్తున్నారు. కార్తీ, అదితీరావ్ జంటగా తమిళ, తెలుగు భాషల్లో మణిరత్నం ఓ చిత్రం తెరకెక్కించనున్నారు. హైదరాబాద్‌లో పుట్టిన అదితీరావ్ ఈ సినిమా కోసం తమిళం నేర్చుకుంటున్నారు. డైలాగ్స్ అర్థం చేసుకుని చెబితే సీన్‌కి ఇంకా అందం వస్తుందని మణిరత్నం అన్నారట. అందుకే అదితి తమిళం నేర్చుకునే పనిలో పడ్డారు. త్వరలో ఈ షూటింగ్ ఆరంభం కానుంది.


 హీరోయిన్లంటే నేల మీద కాలుపెట్టి ఎరగరు. పట్టు పరుపుల మీద తప్ప శయనించరు. మెట్లు దిగితే కారు ఎక్కాల్సిందే. కానీ, అలాంటి పొజిషన్‌లో ఉండి.. నడి రోడ్డు మీద నడుచుకుంటూ వెళ్లాల్సిన పరిస్థితి ఓ బాలీవుడ్ హీరోయన్‌కు ఎదురైంది. తెలుగు గడ్డపై పుట్టి.. బాలీవుడ్‌లో హీరోయిన్‌గా వెలుగుతున్న అదితి రావు నోయిడాలో నిర్వహిస్తున్న ఫ్యాషన్‌ షోకు నడిచి వెళ్లాల్సి వచ్చింది. రాంగ్ రూట్‌లో వస్తున్నందుకు ఆమె కారును పోలీసులు సీజ్ చేయడంతో ఇలా జరిగింది. నోయిడాలో అత్యంత ఖరీదైన సెక్టార్ 18లో కొత్తగా తెరిచిన మాల్‌లో నిర్వహించే ఫ్యాషన్ షోకు ఆమె వెళ్లాల్సి ఉంది. అదే సెక్టార్‌లోని ఓ ఫైవ్‌ స్టార్ హోటల్లో ఆమె ఉంది. అక్కడి నుంచి తన జాగ్వార్ కారులో ఆమె బయల్దేరగా, ఆమె సహాయకులు వెర్నా కారులో ఆమె వెంటే వెళ్లారు. అయితే.. త్వరగా వెళ్లాలన్న తొందరలో ఆమె డ్రైవర్ షార్ట్‌కట్ రూట్ తీసుకుని, రాంగ్ రూటులో నడపసాగాడు. అంతలో ట్రాఫిక్ ఇన్‌స్పెక్టర్ ధర్మేంద్ర యాదవ్ వీరి కారును ఆపారు.
 
 ఆపేసరికి అందులో ఎవరున్నారో తనకు తెలియదని, అయినా అలా వెళ్తే ప్రమాదం జరిగే అవకాశం ఉంది కాబట్టి ఆపానని ఆయన చెప్పారు. కాసేపటికే వెనకాల వెర్నాలో వచ్చిన సహచరులు.. అది బాలీవుడ్ సెలబ్రిటీ కారని, అందువల్ల వదిలేయాలని కోరారు. కానీ, పేపర్ వర్క్ పూర్తి కాకుండా కారును పంపేది లేదని ఆయన స్పష్టం చేశారు. ఈలోపు వెనకాల వచ్చినవాళ్లు నానా హడావుడి చేసి, మాల్ యాజమాన్యానికి ఫోన్లు చేశారు. అటు నుంచి వెంటనే కారును పంపాలంటూ ఇన్‌స్పెక్టర్‌పై ఒత్తిడి వచ్చింది. అయినా ఇన్‌స్పెక్టర్ మాత్రం కామ్‌గా తన పనిచేసుకుంటున్నారు. ఈలోపు అదితి రావు కిందకు దిగి, నడుచుకుంటూ మాల్‌కు వెళ్లిపోయిందట!


 పాప్‌సింగర్ బీబర్‌పై ఫిర్యాదు
 పాప్ స్టార్ 20 ఏళ్ల జస్టిన్ బీబర్‌పై పొరిగింటి వాళ్లు లాస్‌ఏంజెలిస్ పోలీసులకు ఫిర్యాదు చేశారు. ఎందుకనుకుంటున్నారు? ఈయన గారి వల్ల చెవులు బద్దలయ్యే శబ్ద కాలుష్యంతో పాటు, ఇంటి చుట్టుపక్కలంతా గంజారుు వాసన ఘువూరుుస్తుండటంతో భరించలేకపోతున్నామని పక్కింటి వాళ్లు గగ్గోలు పెడుతున్నారు.
 
  ఇండస్ట్రీని ఊపేస్తుందట
  బాలీవుడ్ నటి అదితి రావ్ బడాయిలకు పోతోంది. గేమ్స్ ప్లే చే సి చాన్సులు కొట్టేయడం తనకు తెలియదని వగలు పోతోంది ఈ ముద్దుగుమ్మ. ఇప్పటి వరకు ఇండస్ట్రీలో తనకెలాంటి బ్యాడ్ ఎక్స్‌పీరియన్స్ లేదని చెప్పుకొచ్చింది.      అలాగని తన జర్నీలో కష్టాలు లేవనుకుంటే పొరపాటేనని తెలిపింది. తనకొచ్చిన నటనతోనే ఇండస్ట్రీని ఒక ఊపు ఊపేస్తానని గొప్పలు చెబుతోంది.
  
  మనీష్‌కు లక్కీ చాన్స్
  బాలీవుడ్ హాట్ అండ్ వెటరన్ బ్యూటీ రేఖ కొత్త లుక్కులో అదిరిపోనుంది. రేఖ అప్‌కమింగ్ మూవీ ‘ఫితుర్’లో ఈ భామ కాస్ట్యూమ్స్ డిజైన్ చేసే చాన్స్ మనీష్ మల్హోత్రా కొట్టేశాడు. తానెంతగానో ఆరాధించే నటికి చీరలు డిజైన్ చేసే చాన్స్ రావడం సంతోషంగా ఉందంటున్నాడు మల్హోత్రా.


 
 
                                                                  అధితిరావు
 
 జూహీ చావ్లా
 
 సుస్మితా సేన్