పవన్‌ అజ్ఞానవాసి: కత్తి మహేష్‌

mahesh kathi coments on agnathavasi teaser - Sakshi

సాక్షి, హైదరాబాద్‌ : సినీ విమర్శకుడు మహేశ్‌ కత్తి.. జనసేన పార్టీ అధ్యక్షుడు, హీరో పవన్‌ కళ్యాణ్‌ ‘అజ్ఞాత‌వాసి’ సినిమాపై సోషల్‌ మీడియాలో కామెంట్లు పోస్ట్‌ చేశారు. ఇప్పటివ‌ర‌కు కేవలం రాజ‌కీయంగా మాత్రమే ప‌వ‌న్‌ కళ్యాణ్‌పై విమ‌ర్శలు చేసిన మ‌హేష్ కత్తి తాజాగా `అజ్ఞాత‌వాసి` గురించి విమ‌ర్శలు చేశారు. 

‘ఒక సినిమాలో పక్కన మనిషి చెప్పులు మొయ్యాలి. మోకాలు భక్తితో పెట్టి మెట్లెక్కించే మరో సేవకుడు ఇంకో సినిమాలో... చేగువేరా ఎక్కడికి పోయాడో... ఈ బానిస ఫ్యూడల్ భావజాలాన్ని పెంపొందించే కమ్యూనిస్టు ఎవరో... హతవిధి! ఏమిటీ మీమాంస?’ , ‘అజ్ఞాతవాసికి అగ్న్యాతవాసికి తేడా ఉంది త్రివిక్రమ్ గారూ!’  అంటూ తన ఫేస్‌బుక్‌లో పోస్ట్‌ చేశారు. అంతేకాకుండా ఇటీవల విడుదలైన టీజర్‌ను బేస్‌ చేసుకుని ‘అజ్ఞానవాసి’ పేరుతో ఒక వీడియోను పోస్ట్‌ చేశారు. 

`అజ్ఞాత‌వాసి` టీజర్‌ ఓ హాలీవుడ్ సినిమాకు కాపీ అని అర్థం వ‌చ్చేలా ఉందని మరో  పోస్ట్ పెట్టారు. 2008లో వచ్చిన హాలీవుడ్ సినిమా `లార్జో వించ్` అనే సినిమా ట్రైల‌ర్‌ను త‌న ఫేస్‌బుక్ పేజీలో పోస్ట్ చేసి, `ఎందుకైనా మంచిది.. ఈ సినిమాను బాగా చూసి గుర్తు పెట్టుకోండి` అని పోస్ట్‌ చేశారు. గత కొద్దిరోజులుగా కత్తి మహేశ్‌, పవన్‌ అభిమానుల మధ్య మాటల యుద్దం నడుస్తోన్న విషయం తెలిసిందే. 

 

Read latest Movies News and Telugu News | Follow us on FaceBook, Twitter

Advertisement

*మీరు వ్యక్తం చేసే అభిప్రాయాలను ఎడిటోరియల్ టీమ్ పరిశీలిస్తుంది, *అసంబద్ధమైన, వ్యక్తిగతమైన, కించపరిచే రీతిలో ఉన్న కామెంట్స్ ప్రచురించలేం, *ఫేక్ ఐడీలతో పంపించే కామెంట్స్ తిరస్కరించబడతాయి, *వాస్తవమైన ఈమెయిల్ ఐడీలతో అభిప్రాయాలను వ్యక్తీకరించాలని మనవి

Read also in:
Back to Top