క్లుప్తంగా | - | Sakshi
Sakshi News home page

క్లుప్తంగా

Nov 30 2025 7:36 AM | Updated on Nov 30 2025 7:36 AM

క్లుప్తంగా

క్లుప్తంగా

డ్రగ్స్‌ విక్రయం కేసులో ఇద్దరి అరెస్టు శంకరన్‌ కోవిల్‌ సమీపంలో వ్యక్తి హత్య బాలికకు వేధింపులు ●విద్యార్థిపై పోక్సో కేసు వ్యాన్‌ ఢీకొని నర్సు మృతి 1న ఆలూరి తెలుగు చారిటబుల్‌ ట్రస్ట్‌ ప్రారంభం

తిరువొత్తియూరు: చైన్నె, కోయంబేడు ప్రాంతలో మెథబెటమైన్‌ విక్రయం చేస్తున్న ఇద్దరిని పోలీసులు అరెస్టు చేశారు. కోయంబేడు ప్రాంతంలో హైగ్రేడ్‌ డ్రగ్స్‌ విక్రయాలు జరుగుతున్నాయని ప్రత్యేక పోలీసు బృందానికి రహస్య సమాచారం అందింది. పోలీసులు కోయంబేడు మార్కెట్‌ సమీపంలోని కుమరన్‌ నగర్‌ ప్రాంతంలో అనుమానాస్పదంగా బుల్లెట్‌ బండిలో తిరుగుతున్న ఇద్దరు యువకులను చుట్టుముట్టి విచారించారు. వారు అయ్యప్పంతంగల్‌కు చెందిన చంద్రప్రకాష్‌ (22), సాలిగ్రామానికి చెందిన భూపాలన్‌ (21) అని, మెథాబెటమైన్‌ డ్రగ్స్‌ విక్రయిస్తున్నారని తెలిసింది. దీంతో వారిద్దరినీ పోలీసులు అరెస్ట్‌ చేసి వారి వద్ద నుంచి 3.28 గ్రాముల మెథాబెటమిన్‌, బుల్లెట్‌ బండి, ఐఫోన్‌లను స్వాధీనం చేసుకున్నారు.

తిరువొత్తియూరు: తూత్తుకుడి జిల్లా కలుగుమలై సి.ఆర్‌. కాలనీ మారియప్పన్‌ కోవిల్‌ వీధికి చెందిన సుతంత్ర కుమార్‌ (43) ప్రైవేట్‌ పాఠశాల ఉపాధ్యాయుడు. ఇతను తిరుప్పూర్‌లోని ఒక ప్రైవేట్‌ పాఠశాలలో పని చేసి గత 6 నెలలుగా ఉద్యోగానికి వెళ్లకుండా స్వగ్రామమైన కలుగుమలైలో ఉంటున్నాడు. ఇతనికి పెళ్లయి భార్య 2 రోజుల్లోనే విడిచి వెళ్లిపోయినట్లు తెలుస్తోంది. ఈక్రమంలో శుక్రవారం రాత్రి ఇతను తెన్కాసి జిల్లా శంకరన్‌ కోవిల్‌ సమీపంలోని గురువికుళం దగ్గర ఉన్న కామాక్షిపురం చెరువు ప్రాంతంలో గాయాలతో హత్యకు గురయ్యాడు. గురువికుళం పోలీసులు మృతదేహాన్ని స్వాధీనం చేసుకుని నైల్లె ప్రభుత్వ ఆసుపత్రికి పోస్టుమార్టం కోసం పంపించి కేసు దర్యాప్తు చేస్తున్నారు.

తిరుత్తణి: పాఠశాల బాలికను లైంగిక వేధింపులకు గురిచేసిన విద్యార్థిని పోలీసులు పోక్సో చట్టం కింద శనివారం అరెస్టు చేశారు. వివరాలు.. తిరుత్తణిలోని ఓ పాఠశాలలో చదువుతున్న విద్యార్థి ఎప్పటిలైగే బుధవారం పాఠశాలకు నడిచి వెళ్లింది. ఆ బాలికను బైకులో వెంబడించి గుర్తు తెలియని యువకుడు లైంగికంగా వేధించినట్లు తెలుస్తోంది. ఈ విషయమై ఆ బాలిక తిరుత్తణి పోలీసులకు ఫిర్యాదు చేశారు. కేసు నమోదు చేసిన పోలీసులు దర్యాప్తులో తిరుత్తణి యూనియన్‌లోని వీరగనళ్లూరు గ్రామానికి చెందిన మోహన్‌(21)ను అరెస్టు చేసి రిమాండ్‌ నిమిత్తం కోర్టులో హజరుపరిచి జైలుకు తరలించారు. కాగా నిందితుడు చైన్నెలోని ఓ ప్రయివేటు కళాశాలలో బీఎస్‌సీ చదువుతున్నట్లు తెలిసింది.

అన్నానగర్‌: చైన్నె పెరంబూరులోని బందర్‌ గార్డెన్‌లోని అరుముగ ముదలి వీధికి చెందిన దుక్క రాములు. ఇతని కుమార్తె దీపిక (22). ఈమె థౌజండ్‌ లైట్స్‌ ప్రాంతంలోని ఓ ప్రసిద్ధ ప్రైవేట్‌ ఆసుపత్రిలో నర్సుగా పనిచేస్తోంది. ఈమె శనివారం ఉదయం 6 గంటలకు ఓట్టేర దారిన మోపెడ్‌పై ఇంటి నుంచి బయలుదేరింది. అక్కడి దిడిర్‌ నగర్‌ శ్మశానవాటిక వద్దకు చేరుకుంటుండగా, ఆమె పనిచేస్తున్న ఆసుపత్రి వాహనం ఆమె మోపెడ్‌ వెనుక భాగాన్ని ఢీకొట్టింది. దీపిక కిందపడి వ్యాన్‌ చక్రం ఆమె తలపై నుంచి ఎక్కి దిగడంతో అక్కడికక్కడే మరణించింది. దీని గురించిన సమాచారం అందుకున్న కిల్పాక్‌ ట్రాఫిక్‌ ఇన్వెస్టిగేషన్‌ పోలీసులు దీపిక మృతదేహాన్ని స్వాధీనం చేసుకుని శవపరీక్ష కోసం కిల్పాక్‌ ప్రభుత్వ ఆసుపత్రికి పంపారు. ఈ ఘటనపై కేసు నమోదు చేసి వ్యాన్‌ డ్రైవర్‌ శ్రీనివాసన్‌ (29)ను అరెస్టు చేశారు. దీపిక పనిచేసే ఆసుపత్రిలోనే శ్రీనివాసన్‌ కాంట్రాక్టు ప్రాతిపదికన పనిచేశాడు. ఈ విషయంలో కేసు నమోదు చేసుకున్న పోలీసులు, ఆ మహిళ మరణానికి మరేదైనా కారణం ఉందా? అనే కోణంలో దర్యాప్తు చేస్తున్నారు.

కొరుక్కుపేట: సామాజిక సేవల్లో రాణిస్తున్న తెలుగు ప్రముఖురాలు, విద్యావేత్త డాక్టర్‌ ఏవీ శివకుమారి తన తల్లిదండ్రులైన ఆలూరి రామస్వామి, పూర్ణావతి పేరుతో చారిటబుల్‌ ట్రస్టును ఏర్పాటు చేశారు. మరింతగా సామాజిక సేవా కార్యక్రమాల కోసం ఆలూరి రామస్వామి పూర్ణావతి తెలుగు చారిటబుల్‌ ట్రస్ట్‌ ను డిసెంబరు 1వ తేదీ ప్రారంభించనున్నారు. చైన్నె టి.నగర్‌ విజయరాఘవరోడ్డులో వున్న ఆంధ్రాక్లబ్‌లో 1వ తేదీ సాయంత్రం 6 గంటలకు ట్రస్టు ప్రారంభో త్సవం జరుగనుంది. ఈ కార్యక్రమానికి తానా పూర్వాధ్యక్షుడు డాక్టర్‌ ప్రసాద్‌ తోటకూర ముఖ్యఅతిథిగా హాజరై ట్రస్ట్‌ను ఆవిష్కరించనున్నారు. మద్రాస్‌ విశ్వవిద్యాలయం తెలుగుశాఖాధ్యక్షులు ఆచార్య విస్తాలి శంకరరావు అధ్యక్షత వహించనున్న కార్యక్రమంలో గౌరవ అతిథిగా తమిళనాడు ప్రభుత్వ మాజీ అదనపు ముఖ్య కార్యదర్శి టి.ప్రభాకర రావు ,విశిష్ట అతిథిగా ఇన్‌ కంట్యాక్స్‌ మాజీ ప్రిన్సిపల్‌ కమిషనర్‌ బి. మురళి, ప్రత్యేక అతిథిగా ఆస్కా కార్యదర్శి దిలీప్‌ కుమార్‌ హాజరుకానున్నారు. ఈ కార్యమానికి అందరూ ఆహ్వానితులే అని ఆ ట్రస్టు వ్యవస్థాపకులు డాక్టర్‌ శివకుమారి శనివారం ఒక ప్రకటనలో తెలియజేశారు.

Advertisement

Related News By Category

Related News By Tags

Advertisement
 
Advertisement
Advertisement