అందాలారబోత వారి ఇష్టం

తమిళసినిమా: ఒకప్పటి కథానాయికలకు ఇప్పటి వారికి చాలా తేడా ఉందని చెప్పక తప్పదు. పాతతరం కథానాయికలు పుష్టికరమైన అవయవ సౌష్టవంతో ఉండేవారు. ఈ తరం కథానాయికలు జీరో సైజుపై మక్కువ చూపుతారు. ఒకవేళ శరీర కొలతలు పెరిగితే దాన్ని తగ్గించుకోవడానికి నానా అవస్థలు పడి తగ్గించుకునే ప్రయత్నాలు చేస్తున్నారు. డైటింగ్‌ పేరుతో నోళ్లు కుట్టుకోవడానికి సిద్ధం అవుతున్నారు. ఈ విషయంలో ఉత్తరాది హీరోయిన్లు ముందు ఉంటున్నారని చెప్పక తప్పదు. అలా వివాహనంతం కూడా నాజూకు తనాన్ని మెయింటైన్‌ చేస్తున్న హీరోయిన్లలో రకుల్‌ ఒకరు. ఈమె ఈ మధ్యనే బాలీవుడ్‌ నటుడు జాకీ భగ్నానిని ప్రేమించి పెళ్లి చేసుకున్న విషయం తెలిసిందే. కొందరు నటీమణులు వివాహనంతరం స్లిమ్‌గా ఉండే ప్రయత్నం చేస్తున్నారు. అందుకు కారణం వారు మళ్లీ నటించడానికి రెడీ అవడమే. అలాంటి హిరోయిన్లలో రకుల్‌ ఒకరు. వివాహానంతరం నటించడానికి సిద్ధమైన ఈమె కోలీవుడ్‌లో చివరిగా నటించిన చిత్రం ఇండియన్‌–2. ఆ చిత్రం పూర్తిగా నిరాశపరిచింది. ఆ తర్వాత రకుల్‌కు దక్షిణాదిలో మరో అవకాశం రాలేదు. అయినా ఆమె అవకాశాల వేటను మానుకోలేదు. ఇప్పటికీ అందాలారబోతతో తీయించుకున్న వివిధ రకాల ఫొటోలను సామాజిక మాధ్యమాల్లో పోస్ట్‌ చేస్తూ వార్తలో ఉండే ప్రయత్నం చేస్తున్నారు. అందాలతార గురించి అడిగితే సాధారణంగా పెళ్లి అయితే హీరోయిన్ల పని అంతే అనే భావన ఉందన్నారు. అయితే అది తప్పు అని, తన విషయంలో అలా జరుగుతోందా అని ప్రశ్నించారు. తనకు సంబంధించినంత వరకూ అందాలారబోత అనేది వారి వారి ఇష్టాన్ని బట్టి ఉంటుంది అన్నారు. అందం హద్దులను పెళ్లి నిరోధించడంలో, తగ్గించడంలో జరగదన్నారు. అది ప్రోత్సహించే ఒక నిచ్చెన లాంటిదని రకుల్‌ పేర్కొన్నారు.

రకుల్‌ప్రీత్‌సింగ్‌